Aynurə İmranova

Aynurə İmranova (tam adı: Aynurə İmran qızı İmranova; 11 noyabr, 1976; Zərdab, Azərbaycan SSR) — Azərbaycan jurnalisti və siyasətçisi.

Aynurə İmranova
Aynurə İmran qızı İmranova
Şəxsi məlumatlar
Təhsili	Bakı Siyasi İdarəetmə və Politologiya İnstitutu, Azərbaycan Respublikasının Prezidenti yanında Dövlət İdarəçilik Akademiyası
Doğum tarixi	11 noyabr 1976 (44 yaş)
Doğum yeri	Zərdab, Azərbaycan SSR, SSRİ
Vətəndaşlığı	SSRİ→ Azərbaycan

Həyatı

11 noyabr 1976-cı ildə Azərbaycan Respublikasının Zərdab rayonunda ziyalı ailəsində anadan olub. 1993-cü idə Zərdab rayon H.Zərdabi adına 1 nömrəli orta məktəbi, 1997-cü ildə Bakı Siyasi İdarəetmə və Politologiya İnstitutunu, 2012- ci ildə Azərbaycan Respublikası Prezidenti Yanında Dövlət İdarəçilik Akademiyasının magistraturasını bitirir.

2012-ci ildə Avropa Siyasi Biliklər Məktəbini bitirir. Tbilisi Liberal Akademiyasi, ATƏT-in liderlər məktəbi, OCCRP-nin təşkil etdiyi Araşdırmaçı jurnalistlər məktəbinin kurslarının dinləyicisi olur. Siyasi PR sahəsində mütəxəsisdir.

Jurnalistika fəaliyyəti

Fəaliyyətə 1994-cü ildə "Müxalifət" qəzetinin jurnalisti kimi başlayıb. "Cümhuriyyət" qəzetində, ANS ÇM radiosunda, "Yeni Müsavat", "Azadlıq" qəzetlərində , Azad Azərbaycan Televiziyasında jurnalist və redaktor fəaliyyətində olub. 2010-2013-cu illərdə inetrnet televiziyası olan Kanal 13-də siyasi debatlardan ibarət olan "Aktual" proqramını aparmağa başlayıb.

İctimai-siyasi fəaliyyəti

1993-cü ildən 2003-cü ilə qədər Müsavat Partiyasının sıralarında fəaliyyət göstərib. 2010-cü ildə Ümid Partiyasına üzv olub, onun Qadınlar təşkilatının sədri seçilib. 2011-ci ildə artıq Ümid Partiyasının sədr müavini təyin edilib. 2013-cü ildə oktyabrında Ümid Partiyası sıralarından istefa verir.

2012-ci ildə Demokratiya və Medianın inkişafına Dəstək İctimai Birliyini təsis edir və jurnalistlərin hüquqlarının müdafiə sahəsində, onların bilik və bacarıqlarının artırılması sahəsində fəaliyyət aparmağa başlayır.

Hal hazırda Türkiyə Turan Hərəkatının Azərbaycan təmsilçisidir.

Elmi araşdırmaları

Aynurə İmranova "Terror: müasir dünyanın həll edilməyən problemi" adlı kitabın müəllifidir. Yerli və beynəlxalq mətbuatda etnosiyasi münaqişələr mövzusunda məqalələrlə çıxış edir.

Müxtəlif dillərdən məqalələrin tərcümələri ilə məşğul olur, 2 kitabın türk dilindən çevirmənin müəllifidir.

Xarici keçidlər

• Twitter hesabı: https://twitter.com/Aynur76
• Facebook hesabı: https://www.facebook.com/aynur.imranova
• Youtube hesabı: https://www.youtube.com/user/aynurimranova
• http://musavat.com/news/g%C3%BCnd%C9%99m/Elman-R%C3%BCst%C9%99mov-v%C9%99-manat-cinay%C9%99tinin-etimologiyas%C4%B1_184483.html?welcome=3
• http://www.meydan.tv/en/site/society/3532/In-Azerbaijan-as-the-last-remnants-of-democracy-are-being-destroyed-some-watch-in-silence-(part-2--%E2%80%9CGONGO%E2%80%9Dids).htm
• http://www.qafqazinfo.az/xeber--t72963.html
• http://news.qaynar.info/31656.html 2009-10-15 at the Wayback Machine