Aygün Həsənova (Diridağlı)

Həsənova Aygün Vəzir qızı (Aygün Diridağlı) — jurnalist, ssenari müəllifi, Azərbaycan Respublikasının Əməkdar jurnalisti (2015).

Aygün Həsənova (Diridağlı)
Aygün Vəzir qızı Həsənova
Doğum tarixi	30 yanvar 1974 (47 yaş)
Doğum yeri	Cəbrayıl rayonu, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Fəaliyyəti	ssenarist

Həyatı

Aygün Həsənova 1974-cü il yanvarın 30-da Cəbrayıl rayonunda anadan olub. 1991-ci ildə orta məktəbi gümüş medalla başa vurub. 1996-cı ildə Bakı Dövlət Universitetinin jurnalistika fakültəsini bitirib. 1996-cı ildə Azərbaycan Dövlət Teleradio Verilişləri Şirkətinin (AzTV) radiosunda jurnalist kimi fəaliyyətə başlayıb. 1996-2010-ci illərdə Azərbaycan radiosunda müxbir, veriliş müəllifi, redaktor vəzifələrində çalışıb. Aygün Diridağlı müəllif adı ilə dövrü mətbuatda, onlayn mediada çox sayda məqalələri dərc edilib. Yerli televiziyalarda filmlərin tərcüməçisi olub. 2013-cü ildə başladılan "Gəzdim Azərbaycanı" videolayihəsinin müəlliflərindən biridir. Çox sayda videoreportajların müəllifidir.

"Azərbaycantelefilm" yaradıcılıq birliyində ssenarist kimi fəaliyyət göstərib. Bir neçə sənədli filmin ssenari müəllifidir: "İşıq həsrəti", "Ömür urası", "Mömünə Xatun türbəsi", "Əbilov teatrı", "AZƏRTAC xəbər verir..." (ssenari müəllifi və rejissor) və s.

2010-2012-ci illərdə Azərbaycan Dövlət İnformasiya Agentliyində (AZƏRTAC) müxbir, 2012-ci ildən AZƏRTAC-ın videoxəbər xidmətinin rəhbəri, 2018-2020-ci illərdə Multimedia və informasiya resursları baş redaksiyasının baş redaktorunun müavini/videoxəbər xidmətinin rəhbəri olub.

Qazaxıstanın "Kazakh TV" telekanalı ilə birgə Azərbaycanla bağlı həyata keçirilən layihələrin müəllifidir.

Ailəlidir, iki övladı var.

Filmoqrafiya

1. Sara Qədimova (film, 2003) (ssenari müəllifi)
2. Ağ adam (Albinos) (film, 2004) (ssenari müəllifi)
3. Əkrəm Əylisli. İşıq həsrəti (film, 2003)
4. Ömür urası (film, 2007)
5. Mömünə Xatun türbəsi
6. Əbilov klubu (film, 2004) (ssenari müəllifi)
7. AZƏRTAC xəbər verir... (film, 2015)

İstinadlar

1. Azərbaycan Dövlət İnformasiya Agentliyinin (AzərTAc-ın) əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı
2. Sara Qədimova (film, 2003) — izlə (youtube.com)
3. Ağ adam (Albinos) (film, 2004) — izlə (youtube.com)
4. Əbilov klubu (film, 2004) — izlə (youtube.com)
5. AZƏRTAC xəbər verir... (film, 2015) — izlə (youtube.com)

Xarici keçidlər

• Diridağlı, Aygün. "Adəmdən Akif Səmədə..." // Azərbaycan.- 2007.- №8.- S.129-131: Qeyd: Məqalə Azərbaycan şerinin deyimli-duyumlu şairi, publisist yazarı Akif Səməd haqqındadır [AZ-J]
• Yad et məni, qaibanə, yad et!
• Viranə yurdların Novruzu...
• Xəyanət (Hekayə)
• 74-lərin faciəsi: müharibənin qucaq açdığı nəsil
• Gəzdim Azərbaycanı
• AZƏRTAC-ın cəbhə bölgəsindən reportajı: Atəş altında yaşayan Qapanlı kəndi
• Cəbhə xətti: Tapqaraqoyunluda 70-dək ev dağılıb – Reportaj
• Цвета Азии №4. Архитектура Ташкента