Wikipedia
Aydın Şahsuvarov
Aydın Ağa oğlu Şahsuvarov (19 yanvar 1931, Naxçıvan – 2 iyun 1986, Naxçıvan) — Azərbaycanın teatr aktyoru, Azərbaycan SSR xalq artisti (1984).
| Aydın Şahsuvarov | |
|---|---|
| Doğum tarixi | |
| Doğum yeri | Naxçıvan, Naxçıvan MSSR, Azərbaycan SSR, ZSFSR, SSRİ |
| Vəfat tarixi | (55 yaşında) |
| Vəfat yeri | Naxçıvan, Naxçıvan MSSR, Azərbaycan SSR, SSRİ |
| Vətəndaşlığı | SSRİ |
| Fəaliyyəti | teatr aktyoru |
| Mükafatları | |
Həyatı
Aydın Şahsuvarov 19 yanvar 1931-ci ildə Naxçıvanda anadan olmuşdur. 1954-cü ildən Cəlil Məmmədquluzadə adına Naxçıvan Dövlət Musiqili Dram Teatrında fəaliyyət göstərmişdir. 1967–1968-ci illərdə Cəfər Cabbarlı adına İrəvan Azərbaycan Teatrının aktyoru olmuşdur. Naxçıvandakı "Cavid poeziya teatrı"nda da fəaliyyət göstərmişdir. Aydın Şahsuvarov 2 iyun 1986-cı ildə Naxçıvanda vəfat etmişdir.
Mükafatları
- "Azərbaycan SSR əməkdar artisti" fəxri adı — 4 oktyabr 1974
- "Azərbaycan SSR xalq artisti" fəxri adı — 15 noyabr 1984
Rolları
- Şeyx Əhməd ("Ölülər", C.Məmmədquluzadə)
- Şeyx Nəim ("Şeyx Sənan", H.Cavid)
- Altunbay ("Od gəlini", C.Cabbarlı)
- Şahbaz bəy ("Eşq və intiqam", S.S.Axundov)
- Vidadi ("Vaqif", Səməd Vurğun)
- Təhmas bəy ("Qaçaq Nəbi", S.Rüstəm)
- kor padşah ("Kor padşah", N.Hikmət)
- markiz ("Mehmanxana sahibəsi", K.Qoldoni)
- Topal Teymur ("Əlincə qalası", H.Arzulu)
- Xətib ("Məshəti", K.Ağayeva)
Mənbə
- Азәрбајҹан Совет Енсиклопедијасы: [10 ҹилддә]. X ҹилд: Фрост—Шүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 478.