Ayaz Quliyev

Vikipediyada bu adlı digər şəxslər haqqında da məqalələr var; bax: Ayaz.

Ayaz Quliyev (tam adı: Ayaz Bəxtiyar oğlu Quliyev, rus. Ая́з Бахтия́рович Гули́ев; 27 noyabr 1996(1996-11-27), Moskva) — Azərbaycan və talış əsilli Rusiya futbolçusu, "Rostov"" futbol klubu və Rusiyanın gənclərdən ibarət yığmasında yarımmüdafiəçi.

Ayaz Quliyev
Ümumi məlumatlar
Tam adı	Ayaz Bəxtiyar oğlu Quliyev
Doğum tarixi	27 noyabr 1996 (24 yaş)
Doğum yeri	Rusiya Federasiyası Moskva şəhəri
Vətəndaşlığı	Rusiya
Boyu	171 sm
Çəkisi	70 kq
Mövqeyi	yarımmüdafiəçi
Əsas ayağı	sağ
Klub haqqında məlumat
Klub	Spartak Moskva FK
Nömrəsi	7
Karyerası
Peşəkar karyerası 2001–2011 Spartak(Moskva) 2014–2018 Spartak(Moskva) 2014–2016 Spartak-2 2017 Anji 2018 Rostov 2019 Spartak Moskva Milli yığma 2011–2012 Rusiya (16 yaşa qədər) 2012–2013 Rusiya (17 yaşa qədər) 2014 Rusiya (18 yaşa qədər) 2014–2015 Rusiya (19 yaşa qədər) 2015 Rusiya (21 yaşa qədər)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Həyatı

Azərbaycan əsilli futbolçu Ayaz Bəxtiyar oğlu Quliyev 27 noyabr 1996-cı ildə Rusiyanın Moskva şəhərində anadan olmuşdur. Əslən Masallı rayonunun Boradigah qəsəbəsindən olan Ayaz hal-hazırda "Rostov" FK və Rusiyanın gənclərdən ibarət yığmasında yarımmüdafiəçi kimi çıxış edir. Ayaz ailənin ilk övladıdır. Onun futbola marağı uşaq yaşlarından özünü göstərməyə başlamışdı. O, 5 yaşında Moskvada "Spartak-2" idman məktəbinə daxil olur. 2002-ci ildə Ayaz "Spartak"ın altıyaşlı futbolçularından ibarət qrupa keçir. 2011-ci ildə Quliyev Rusiyanın yeniyetmələrədən ibarət milli komandasına daxil edilir.

Orta təhsilini Moskvada bitirən Ayaz ali təhsilini də Moskvada almışdır. 2013-cü ildə Moskva Dövlət Bədən tərbiyəsi Akademiyasına daxil olmuş və 2017-ci ildə Akademiyanı bitirmişdir.

Karyerası

2013-cü ildə İngiltərə və Rusiya komandaları arasında keçirilən oyunda Ayaz mükəmməl oyun nümayiş etdirmişdi. O, bu qarşılaşmanın ilk qolunu vurmuş və bu qol həftənin ən gözəl qolu seçilmişdi. Ayaz 2016-cı ilin noyabr ayında Rusiya ilə İsveçrə milli komandaları arasında keçirilən oyunda meydana fasilədən sonra çıxır və oyunun son həll edici qolunu vuraraq oyunun nəticəsini heç-heçə edir.(2:2) Moskva Spartakının yetirməsi 2017-ci ilin əvvəllərində Mahaçqalanın "Anji" futbol klubuna transfer olmuşdu. Rusiya PL-da keçirilən "Zenit-Anji" futbol klublarının oyununda Quliyev oyunun ən yaxşı oyunçularından biri idi. 2018-ci ildən Ayaz Rusiyanın "Rostov" futbol klubuna daxil olub. Bu yaxınlarda Rusiya PL-nın 4-cü turunun görüşləri zaman "Rostov" futbol klubu "Yeniseyi" qarşılayıb. "Rostov" bu oyunda 4:0 hesabı ilə qələbə qazanıb. Bu oyunda Ayaz 90 dəqiqə meydanda olub. Ayaz vurulan qollardan birinin ötürməsini edib və özü oyunun son və həlledici qolunu vurub. Quliyev bu oyunun da ən yaxşı oyunçusu seçilib. Quliyev 2019-cu ilin yanvarında 3 milyon avro müqabilində "Spartak"Moskva klubuna transfer oldu.

Qeydlər

1. Ayazın ilk oyunu 17 yaşında Rusiya ilə Braziliya arasında olan oyun olmuşdu.

Xarici keçidlər

• Futbolçu Ayaz Quliyev Rusiyanın U-17 yığma komandasına çağırılıb
• Azərbaycanlı futbolçunun zərbəsi həftənin ən gözəl qolları siyahısında 2014-01-25 at the Wayback Machine
• ayaz quliyev^{[ölü keçid]}

İstinadlar

1. Transfermarkt — 2000.
   <a href="https://wikidata.org/wiki/Track:Q2449070"></a><a href="https://wikidata.org/wiki/Track:P3699"></a><a href="https://wikidata.org/wiki/Track:P7455"></a><a href="https://wikidata.org/wiki/Track:P2447"></a><a href="https://wikidata.org/wiki/Track:P7223"></a><a href="https://wikidata.org/wiki/Track:P2446"></a>
2. https://www.transfermarkt.com/ayaz-guliev/profil/spieler/260672