Ağadadaş Ağayev

Vikipediyada bu soyadlı müxtəlif adamlar haqqında məqalələr var, bax: Ağayev.

Ağayev Ağadadaş Həmid oğlu (25 avqust 1956, Hasıllı, Astraxanbazar rayonu) — azərbaycanlı müğənni, Azərbaycan Respublikasının xalq artisti (2006).

Ağadadaş Ağayev
Ümumi məlumatlar
Doğum tarixi	25 avqust 1956(1956-08-25) (67 yaş)
Doğum yeri	Hasıllı, Astraxanbazar rayonu, Azərbaycan SSR, SSRİ
Vətəndaşlığı	Azərbaycan
Musiqiçi məlumatları
Fəaliyyəti	müğənni
Fəaliyyət illəri	1980-indiyədək
Janr	muğam
Mükafatları	2006 1998

Həyatı

Ağadadaş Ağayev 1956-cı ildə Cəlilabad rayonunun Hasıllı kəndində anadan olub. 1972–1977-ci illərdə Azərbaycan Dövlət Pedaqoji İnstitutunda təhsil alıb. Bir müddət Cəlilabad rayon Hasıllı kənd orta məktəbində müəllim işləyib (1977–1983). 1981-ci ildə ilk dəfə mahnılarını audio-kaset variantında yayıb. Həmin il "İstedadlar axtarırıq" müsabiqəsinin qalibi olub. 1983-cü ildə Azərbaycan Dövlət Filarmoniyasında ilk solo konsertini verib. 1984-cü ildən Filarmoniyada Azərbaycan Dövlət Mahnı və Rəqs Ansamblının solisti kimi fəaliyyətə başlayıb. 1988-ci ildən Azərbaycan Televiziyasının solistidir. 1994-cü ildə Azərbaycan Dövlət İncəsənət Universitetinin mədəni-maarif fakültəsini bitirib. Əməkdar artist (1998), xalq artistidir(2006). 4 oğlu (Kamil, Səbuhi, Seymur, Həmid) 1 qızı (Leyla) var.

Hazırda xərçəng xəstəliyindən əziyyət çəkir.

O, 13 yanvar 2012-ci ildə Yeni Azərbaycan Partiyasına üzv qəbul edilmişdir.

Filmoqrafiya

1. Yerlə göy arasında (film, 1999)
2. Tənha durna uçuşu (film, 2003)

Mükafatları

• 1981. "İstedadlar axtarırıq" müsabiqəsinin qalibi

Fəxri adları

• 1998. Əməkdar artist
• 2006. Xalq artisti

Xarici keçidlər

• Facebook — Ağadadaş Ağayevin facebookda ən böyük fan səhifəsi

1. "Afaq Bəşirqızında xərçəng aşkarlandı". 2022-06-01 tarixində . İstifadə tarixi: 2022-06-01.
2. "YAP-a yeni üzvlər qəbul olundu". 2022-06-01 tarixində . İstifadə tarixi: 2022-06-01.