Əsgərabad (Biləsuvar)

Əsgərabad — Azərbaycan Respublikasının Biləsuvar rayonunun inzibati ərazi vahidində kənd. Kənd rayonun cənub şərqində istiqamətində yerləşir. Əsgərabad inzibati ərazi dairəsi üzrə nümayəndəlik rayonun Bəydili, Aşağı Cürəli, Ağalıkənd kəndləri və Biləsuvar şəhəri ilə sərhəddir. İnzibati ərazi dairəsi üzrə nümayəndəlikdə 1018 təsərrüfat, 4136 nəfər əhali yaşayır. Nümayəndəlik üzrə 1 tam orta məktəb, 1 həkim ambulatoriyası, 1 kitabxana,1 mədəniyyət evi,1 uşaq bağçası və 1 “Modul” tipli sudurulducü qurğu fəaliyyət göstərir.^{[Mənbə göstərin]}

Əsgərabad
39°26′04″ şm. e. 48°34′19″ ş. u.
Ölkə	Azərbaycan
Rayon	Biləsuvar rayonu
Tarixi və coğrafiyası
Saat qurşağı	UTC+04:00
Xəritəni göstər/gizlə Əsgərabad

Bu adın digər istifadə formaları üçün bax: Əsgərabad.

Tarixi

Əsgərabad kəndi Bolqarçayın sahilində, Muğan düzündə yerləşir. Yaşayış məntəqəsi 1920-ci ildə Cənubi Azərbaycandan gəlmiş bir qrup ailənin məskunlaşması nəticəsində yaranmışdır. Bu ailələrin başçısı el arasında hörməti olan, nüfuzuna görə sayılıb-seçilən Hacı Əsgər olmuşdur .Cənubi Azərbaycanın Biləsuvar əyalətində yaşayan Hacı Əsgər öz qohum-əqrabasıyla var dövlətini toplayıb Şimali Azərbaycanın Biləsuvar rayonuna pənah gətirib. Onlar qızıl pulla Biləsuvarda bir neçə yaşayış məntəqəsi alıb abadlaşdırıblar. Bunlara misal olaraq Biləsuvar rayonunun indiki Həzi Aslanov (Əsgərabad küçəsi, rayon qəbirstanlığı yerləşən ərazi) küçəsini, Biləsuvar rayonunun Əmənkənd kəndində yerləşən bir ərazini (hazırda Əmənkənd kəndinin ərazisidir) göstərmək olar. Adı çəkilən bu iki ərazidə az yaşayıblar, sonda Əsgərabad kəndinin ərazisini alıb abadlaşdırıblar. Əsgərabad kəndində Hacı Əsgərin nəvə-nəticələri indi də yaşayırlar.^{[Mənbə göstərin]}

Mədəniyyəti

Əsgərabad kəndində mədəniyyət evi fəaliyyət gostərir.

Coğrafiyası və iqlimi

Kəndin iqlimi isti və quru iqlimdir. İyul ayında orta temperatur +35 °C olur. Qışı mülayim keçir. Yanvar ayının orta temperaturu +7 °C. Yağıntıların miqdarı ildə 220–275 mm təşkil edir.

Əhalisi

Əsgərabad kəndinin əhalisi 5000 nəfərdən çoxdur.^{[Mənbə göstərin]}

İqtisadiyyatı

Əsgərabad kəndinin əhalisinin əksəriyyəti kənd təsərrüfatı işlərilə məşğuldur. Kənddə həmçinin sənaye tipli AVA mebel fabriki də fəaliyyət göstərir.^{[Mənbə göstərin]}

Yolları

7 sentyabr 2013-cü ildə Azərbaycan Respublikasının Prezidentinin Sərəncamı ilə Əsgərabad-Muğan avtomobil yolunun tikintisi məqsədilə Azərbaycan Respublikasının 2013-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Biləsuvar Rayon İcra Hakimiyyətinə 2 milyon manat ayrılmışdır.

İstinadlar

1. Biləsuvar rayonunun Əsgərabad-Muğan avtomobil yolunun tikintisi ilə bağlı tədbirlər haqqında Azərbaycan Respublikası Prezidentinin Sərəncamı. president.az  (az.)

• http://bilesuvar-ih.gov.az/news/45.html