Əlibəyli (Tovuz)
Əlibəyli — Azərbaycan Respublikasının Tovuz rayonunun inzibati ərazi vahidində kənd.
| Kənd | |
| Əlibəyli | |
|---|---|
| 40°56′24″ şm. e. 45°29′20″ ş. u. | |
| Ölkə | Azərbaycan |
| Region | Gəncə-Qazax iqtisadi rayonu |
| Rayon | Tovuz rayonu |
| Tarixi və coğrafiyası | |
| Mərkəzin hündürlüyü | 764 m |
| Saat qurşağı | UTC+4, yayda UTC+5 |
| Əhalisi | |
| Əhalisi |
|
| Milli tərkibi | Azərbaycanlılar |
| Rəsmi dili | Azərbaycan dili |
| | |
.svg.html){kind=link}
Tarixi
Tovuz rayonunun eyniadlı inzibati ərazi vahidi də kənd. Tovuz çayının sahilində, dağətəyi ərazidədir. Kənd Qışlaq və Təpəbaşı adlanan iki hissədən ibarətdir. Yerli əhalinin verdiyi məlumata görə, yaşayış məntəqəsi Əlibəy adlı Şəxsə aid qışlaq yerində salındığı üçün belə adlandırılmışdır .
Rus Çarlığı arxivlərindən məlum olur ki, bu kəndin əhalisi XIX əsrin əvvəllərində Tblisi quberniyasına bağlı Dəmirçihəsənli nahiyəsindəki Qacarlı kəndindən köçürülmüşdür.
Mədəniyyəti
Kənddə 1 orta məktəb var. Hümbət Vəliyev adına Əlibəyli kənd tam orta məktəbi. Məktəb, həmin kənddə yaşamış və həmin məktəbin şagirdi olmuş şəhid Hümbət Vəliyev adınadır. O, Qarabağ müharibəsində Ağdərə rayonunda gedən döyüşlərin birində qəhrəmancasın həlak olmuşdur.
Coğrafiyası və iqlimi
Kənd Ermənistan ilə sərhəddə yerləşir.
Əhalisi
Kənd əhalisi Qarabağ müharibəsində böyük qəhrəmanlıqlar göstərmişdir. Müharibə şəraitində yaşamalarına baxmayaraq heç kim kəndi tərk etməmiş, qadın və uşaqlar Tovuz rayonundaki "rus məktəbi" adlandırılan məktəbə köçmüş, kişilər isə kənddə qalaraq öz yurd-yuvalarını müdafiə etmişlər.
Baki şəhərində yaşayan əlibəylilərin təşəbbusi ilə 1989-cu illərdə Əlibəyli xeyriyyə cəmiyyəti yaradildi. Əlibəylilər kəndə həm maddi həmdə mənəvi dəstəy oldular.
İqtisadiyyatı
Əhali əsasən heyvandarlıq və əkinçiliklə məşğuldur.
Filmlər
Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə yardımı ilə “Vətənpərvərliyin Təbliğinə Dəstək” İctimai Birliyi tərəfindən "Qəhrəman kənd - Əlibəyli" adlı sənədli filmi çəkilib. Film Ermənistan ilə sərhəddə yerləşən, 1990-cı illərdə düşmən qüvvələrinin silahlı basqınlarına mərdliklə sinə gərən Tovuz rayonunun Əlibəyli kəndi haqqındadır. Filmin mərkəzində Əlibəyli kəndində yaşayan insanların göstərdikləri qəhrəmanlıq və fədakarlıq dayanır. Ekran əsərində o dövrün canlı şahidləri, əfsanəvi birinci batalyonun döyüşçüləri döyüş yollarından, ürəklərindəki Vətən sevgisindən, torpağa, elə-obaya olan məhəbbətlərindən danışırlar. Filmin layihə rəhbəri hərbi-vətənpərvərlik mahnılarının sevilən ifaçısı, “Vətənpərvərliyin Təbliğinə Dəstək” İctimai Birliyinin sədri Şəmistan Əlizamanlı, ssenari müəllifi Ehtiram İlham, rejissoru İlham Tumasdır.
İstinadlar
- "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
- https://skhodoznavstvo.org.ua/sites/default/files/Archive/2012/59/10.pdf
- İ.M. Mamedova - “СТАТИСТИЧЕСКИЕ ОПИСАНИЯ ШАМШАДИЛЬСКОЙ И КАЗАХСКОЙ ДИСТАНЦИИ” КАК ИСТОЧНИК ДЛЯ ИЗУЧЕНИЯ ИСТОРИИ НАСЕЛЕНИЯ ЗАКАВКАЗЬЯ (первая треть ХІХ ст.)
- ""Qəhrəman kənd - Əlibəyli"". anl.az. Mədəniyyət. 2 avqust 2013. İstifadə tarixi: 2 may 2016.
| Tovuz rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
| Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
