Qazı Əhməd bəy Məhəmmədbəyov

Qazı Əhməd bəy Məhəmmədbəyov və ya Xanbaba bəy Məhəmmədbəyov (1889, Axtı, Dağıstan MSSR – 1937) — Azərbaycan Xalq Cümhuriyyəti Parlamentinin, İttihad Partiyasının və İttihad fraksiyasının üzvü, Yusifbəyli hökumətinin üzvü

Qazı Əhməd bəy Məhəmmədbəyov və ya Xanbaba bəy Məhəmmədbəyov
azərb. Qazı Əhməd bəy Məhəmmədbəyov ‎
Azərbaycan Xalq Cümhuriyyəti Parlamentinin üzvü
Şəxsi məlumatlar
Partiya	İttihad Partiyası
Təhsili	Odessa Universiteti
Doğum tarixi	1889
Doğum yeri	Axtı, Axtı kənd soveti^[d], Axtı rayonu, Dağıstan MSSR, RSFSR
Vəfat tarixi	1937

Həyatı

 

Qazı Əhməd bəy tələbəlik illərində

Novorossiya İmperator Universitetində hüquq təhsil alıb.

1877–1878-də Rusiya imperiyasına qarşı qalxan Samur-Axtı üsyanına başçılıq etmişdir.

Bəzi mənbələrə görə Şeyx Şamilin nəticəsidir.^{[Mənbə göstərin]}

Zaqafqaziya Seymi Müsəlman fraksiyasının və Azərbaycan Xalq Cümhuriyyəti Milli Şurasınən üzvü olub.

Əvvəllər Müsavat Partiyasının, daha sonra isə İttihad Partiyasının üzvü olmuşdur. 14 aprel 1919-cu ildə İttihad Partiyasının sədr müavini seçilmişdir.

Qazı Əhməd bəy 1919-cu ilin iyunundan rus dilində çıxan "İttihad" qəzetinin redaktoru olmuşdur.

1920-ci ildə məhkəmədə hakim kimi işləyib.

Adı

İki adı olmuşdur: Xanbaba və Qazı Əhməd

Bəzi mənbələrdə Batum konfransının üzv siyahısında Əhməd bəy Canbaba adlı şəxsin adı da qeyd olunub. Ədalət Tahirzadə bu şəxsin Qazı Əhməd bəy olduğunu söyləyir. Çünki Qazı Əhməd bəyin ikinci adı Xanbaba olmuşdur.

Bəzən Qazı Əhməd bəyin adında "bəy" titulu istifadə olunmaya bilər, həmçinin adı və soyadı müxtəlif cür yazıla bilər : "Qazıəhməd", "Xanbaba", "Canbaba", “Babaxan”, "Qazı Əhməd", "Məmmədov"; "Məmmədbəyov" və ya "Məhəmmədbəyov".

Mənbə

• 1920-ci ilədək ali məktəblərdə oxumuş azərbaycanlılar, V cild (Ədalət Tahirzadə və Misir Mərdanov)

İstinadlar

1. [1]

Həmçinin bax