Xəzər İntellektual Gənclər Klubu
Xəzər İntellektual Gənclər Klubu — ilk azərbaycandilli intellektual oyunlar klubu və Nə? Harada? Nə zaman? formatında intellektual oyunların Azərbaycan dilində ilk təşkilatçısı, ictimai birlik formasında fəaliyyət göstərən qeyri-hökumət təşkilatı. Nə? Harada? Nə zaman? klublarının Beynəlxalq Assosiasiyasının üzvü (2011).
Xəzər İntellektual Gənclər Klubu İctimai Birliyi | |
---|---|
Növü | İctimai birlik |
Yaranma tarixi | 14 aprel 2001 |
Qeydiyyat tarixi | 17 fevral 2007 |
Sədr | Seymur Teymurov |
Xazar.org |
Xəzər İntellektual Klubu digər azərbaycandilli intellektual klubların formalaşmasına təkan verməklə yanaşı, bu cür klublar üçün başlıca model və baza rolunu oynamışdır.
Tarixi
Klubun əsası 2001-ci il aprelin 14-də Bakı Dövlət Universitetinin bir qrup tələbəsi tərəfindən həyata keçirilən Azərbaycan dilində ilk Nə? Harada? Nə zaman? oyunu ilə qoyulmuşdur və həmin tarixdən bu günədək qısa yay fasilələri istisna olmaqla Klub fasiləsiz olaraq fəaliyyət göstərir. Klub 2007-ci ilin fevralında Azərbaycan Respublikası Ədliyyə Nazirliyi tərəfindən ictimai birlik kimi dövlət qeydiyyatına alınmışdır. 27 noyabr 2011-ci ildə Beynəlxalq Klublar Assosiasiyasının İdarə heyətinin Moskva şəhərində keçirilən növbəti iclasında yekdilliklə BKA-ya tam hüquqlu üzv seçilmişdir.
Fəaliyyəti
Xəzər klubu 4 əsas növdə — Nə? Harada? Nə zaman?, Breyn-rinq, Erudit-kvartet və Fərdi oyun — intellektual oyunlar keçirir. Oyunlar həftənin istirahət günlərində keçirilir. Bundan əlavə ildə bir neçə dəfə intellektual oyunlar üzrə turnirlər təşkil olunur. Klubda iştirak üçün yaş və s. məhdudiyyət qoyulmur.
Klub 2007-ci ilin sonlarınadək fəaliyyətini Bakı Dövlət Universitetində həyata keçirsə də, sonradan qısa müddətə Azərbaycan Dillər Universitetinə keçmiş, hazırda isə Bakı Slavyan Universitetində fəaliyyət göstərir.
Strukturu
Hal-hazırda klubda 5 liqada yarışan 60-a yaxın komanda oyunlarda müntəzəm iştirak edir. Liqalarda yarışan iştirakçıların sayı 300-dən artıqdır. Klubda Yüksək liqalar - Xəzərin sahilində liqası və Dalğa liqası, Universitet liqası, Regional liqa və Məktəb liqaları fəaliyyət göstərir.
Klubda oyunlar mütəmadi olaraq şənbə və bazar günləri keçirilir. Şənbə günü Üçüncü liqada oyunlar 3 universitetdə — Bakı Dövlət Universiteti, Bakı Slavyan Universiteti və Azərbaycan Texniki Universitetində sinxron təşkil olunur. Sonradan nəticələr toplanır və qaliblər müəyyən olunur. Digər liqalar bazar günləri yarışır. 5 həftəlik dövrədən sonra nəticələrinə görə komandalar liqalarda öz yerlərini qoruyur, itirir və ya digər liqaya vəsiqə qazanırlar.
Hədəf qrupu
Klubun əsas hədəf qrupu öz üzərində daha çox çalışan, inkişaf etməyə meylli olan, cəmiyyətdə tutduğu mövqeyə görə digərlərindən fərqlənən, müxtəlif uğurlar qazanmış gənclərdir. Təşkilatın fəaliyyətində birbaşa iştirak edənlər:
- Yuxarı sinif şagirdləri (13-18 yaş);
- Tələbələr (18-25 yaş);
- Digər gənclər (25-35 yaş).
Klub əsasən mətbuat vasitəsilə digər sosial qruplar arasında da təbliğat işləri aparır. Klubun fəaliyyətinə cəlb olunanlar:
- valideynlər;
- müəllimlər;
- iştirakçıların dostları.
Əlamətdar hadisələr
10 illik fəaliyyəti ərzində Klub 40-a yaxın intellektual turnir, müxtəlif intellektual oyun növləri üzrə 50-dən çox çempionat, həftəsonları keçirilən 400-dən artıq dövrə oyunu, 30-a yaxın seminar, təlim və digər tədbirlər təşkil etmiş, 15000-dən çox iştirakçını əhatə etmişdir.
- 2001 – Təşkilatın təsis edilməsi, Tələbələr arasında ilk Azərbaycan çempionatı
- 2002-2003 – Universitetlərarası festivallar
- 2004 – "Xəzər" dövri nəşrinin çap olunması
- 2005 – Məktəb liqasının təsis edilməsi
- 2006 – Məktəblərarası NHN çempionatı
- 2007 – "Novruz Kuboku"
- 2008 – "Trend Kuboku", NHN üzrə yarış
- 2009 – "Payız Kuboku", NHN üzrə universitetlərarası yarış
- 2010 – "Qış Kuboku", 4 universitetdə intellektual oyunlar üzrə klubların yaradılması üzrə "Mənim klubum" layihəsi
- 2011 – 10 illik yubiley, Nabranda intellektual oyunlar üzrə çempionat
- 2011 – Nə? Harada? Nə zaman? klublarının Beynəlxalq Assosiasiyasına üzvlük
- 2011 – I İçərişəhər İntellektual Festivalı
- 2012 – NHN üzrə 2012-ci il Azərbaycan Kuboku
- 2012 – NHN üzrə I Tələbələrarası Azərbaycan Çempionatı
- 2012 – NHN üzrə Azərbaycan Çempionatı
- 2013 – Məktəblərarası NHN üzrə Bakı çempionatı
- 2013 – NHN üzrə "Ağıl Oyunları" kuboku
- 2013 – NHN üzrə Azərbaycan Super Kuboku
- 2013 – NHN üzrə II Tələbələrarası Azərbaycan Çempionatı
- 2013 – NHN üzrə 2013-cü il Azərbaycan Kuboku
- 2014 – NHN üzrə 2014-cü il Azərbaycan Çempionatı
- 2014 – "II Ağıl Oyunları" Festivalı
Klubun tərəfdaşları
Dövlət təşkilatları
- Azərbaycan Respublikası Gənclər və İdman Nazirliyi;
- Azərbaycan Prezidenti yanında Gənclər Fondu;
- Bakı şəhər Gənclər və İdman Baş İdarəsi;
Qeyri-hökumət və kommersiya təşkilatları
- Bakcell;
- Cinema Plus;
- Bakı Şəhər Halqası Əməliyyat Şirkəti
- Bakı-2015 Avropa Oyunları Əməliyyat Şirkəti;
- Azərbaycan Qolf Federasiyası;
- Tusi-Bohm Planetarium;
- "İrəli" İctimai Birliyi;
- GRBS şirkəti;
- Akademiya Kitab Mərkəzi;
- AtaBank;
- Expressbank;
- Real Xaricdə Təhsil Mərkəzi;
- Bakinternet;
- Park Cinema;
- MFX Group;
- Nizami Kino Mərkəzi;
- National Geographic Azərbaycan.
Ali təhsil müəssisələri
Bu təhsil müəssisələri Klubun hər həftənin şənbə günləri sinxron olaraq təşkil etdiyi Universitet Liqasının oyunlarında iştirak edirlər.
- Azərbaycan Dillər Universiteti;
- Azərbaycan Kooperasiya Universiteti;
- Azərbaycan Texniki Universiteti;
- Azərbaycan Tibb Universiteti;
- Azərbaycan Müəllimlər İnstitutu;
- Bakı Dövlət Universiteti;
- Bakı Slavyan Universiteti;
- Bakı Biznes Universiteti;
- Kipr Yaxın Şərq Universiteti;
- Ankara Orta Doğu Texniki Universiteti;
- Mançester Universiteti.
Digər tərəfdaşlar
Klub həmçinin ölkənin ən qabaqcıl KİV-ləri ilə əməkdaşlıq edir. Yaydığı xəbərlər mütəmadi olaraq Trend, Day.az, 1news.az, Apa.az, Lent.az, Gun.az, Qafqazinfo.az kimi internet rerurslarda, Зеркало, Эхо, Каспи, 525-ci qəzet, Ayna, Ekspress, Şərq kimi qəzetlərdə nəşr olunur. İTV və AZTV isə hətta klubun fəaliyyətini təbliğ edən film də çəkib. Klubun bəzi üzvləri AZTV-də yayımlanan "Что? Где? Когда?" proqramında, Rusiyanın Birinci və СТС kanallarında yayımlanan "Брейн-ринг" və НТВ kanalında yayımlanan "Своя игра" proqramında çıxış edirlər.
Həmçinin bax
- Atəşgah İntellektual Oyunlar Klubu
- Turan İntellektual Oyunlar Klubu
- İqtisadçı İntellektual Klubu
İstinadlar
- Trend Kuboku gəncləri intellekt yarışına dəvət edir[ölü keçid]
- . 2016-03-05 tarixində orijinalından arxivləşdirilib. İstifadə tarixi: 2008-05-27.
- . 2011-11-30 tarixində orijinalından arxivləşdirilib. İstifadə tarixi: 2011-11-28.
Xarici keçidlər
- Klubun rəsmi veb-saytı 2008-04-23 at the Wayback Machine
- Klubun forumu 2011-05-15 at the Wayback Machine
- Xəzər İntellektual Gənclər Klubu intellektual klubların beynəlxalq reyestrində[ölü keçid]
- Klubun 10 illiyinə həsr olunmuş musiqili video-çarx — Youtube