Teymur Əmrah
Teymur Əmrah (Teymur Həşim oğlu Əmrahov; d. 8 oktyabr 1971, Gəncə, Azərbaycan SSR, SSRİ) — Azərbaycanın klassik estrada müğənnisi, Azərbaycan Respublikasının əməkdar artisti (14 sentyabr 2012).
Teymur Əmrah | |
---|---|
Teymur Həşim oğlu Əmrahov | |
| |
Ümumi məlumatlar | |
Doğum tarixi | |
Doğum yeri | Gəncə, Azərbaycan SSR, SSRİ |
Vətəndaşlığı | SSRİ→ Azərbaycan |
Musiqiçi məlumatları | |
Fəaliyyəti | müğənni, müəllim (vokal) |
Janr | mahnı ifaçısı |
Mükafatları |
Həyatı
Teymur Əmrah 8 oktyabr 1971-ci ildə Gəncə şəhərində anadan olub. İncəsənət gimnaziyasının vokal sinfi üzrə Sergey Zarenbonun sinfini bitirib. İlk müəllimləri Gəncə şəhər Uşaq yaradıcılıq evində görkəmli musiqişünas Oqtay Nağıyev, Ağdam rayonu Uşaq yaradıcılıq evinin məşhur "Qarabağ bülbülləri" ansamblının rəhbəri Murad Rzayev, Gəncə şəhər 6 nömrəli klubun direktoru Kifayət Əmirov olmuşlar.
1990-cı ildə Bakı Musiqi Akademiyasının Vokal sinfinə daxil olub. Burada görkəmli Opera müğənnisi Firudin Mehdiyevdən, Aktyor sənətindən görkəmli Teatr və Kino aktrisası Şəfiqə Məmmədovadan dərs alıb.
1994-cü ildə indiki Heydər Əliyev adına Sarayda Solo konsert keçirib.
2005-ci ildə Azəristar layihəsinin Vokal müəllimi kimi fəaliyyət göstərib.
2020-ci ildə Heydər Əliyev adına Sarayda "Bu dünya bir nərdivandı" adlı solo konserti keçirilib.
Fəaliyyəti
1990-cı ildən Azərbaycan Dövlət Teatrlarında yaradıcılıq, yubiley və anım gecələrinin təşkilatçısı kimi fəaliyyət göstərir. Bunlardan Şövkət Ələkbərova, Oqtay Ağayev, Məlik Dadaşov, Ələddin Abbasov, Firudin Mehdiyev, Natavan Şeyxova, Vaqif Şərifov, Məmmədəli Balayev və başqaları.
Müxtəlif illərdə Azərbaycan Milli Konservatoriyası və Azərbaycan Mədəniyyət və İncəsənət Universitetində mahnı janrından dərs demişdir. 20 il Azərbaycan Dövlət Mahnı Teatrında Solist kimi fəaliyyət göstərmişdir.
Hal-hazırda Azərbaycan Televiziyası və Radiosunun solistidir.
Tələbələri
Teymur Əmrahın iki tələbəsi – Prezident Mükafatçısı Amil Həsənov, Xalq artisti Samir Cəfərov "Qızıl kitab"a düşüblər.
Azərbaycan Respublikasının əməkdar artistləri - Qocaq Əsgərov, İlkin Əhmədov, Sevinc Sarıyeva, Aqşin Abdullayev.
Digər tanınmış tələbələrindən Ayaz Qasımov, Zamiq Hüseynov, Emil Rəhmanov, Elton Hüseynəliyev, Sima Qasımova, Elvin Abdullayev, Xalq ulduzu müsabiqəsinin qalibi Tural Salmanov, Mirkamil Kamilov, İradə İbrahimova, Əli Əliyev, Nicat Rəhimov, Elçin Hüseynov.
Mükafat və təltifləri
İstinadlar
- "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin 14 sentyabr 2012-ci il tarixli Sərəncamı". president.az (azərb.). Azərbaycan Respublikası Prezidentinin rəsmi internet saytı. 14 sentyabr 2012, 18:30. İstifadə tarixi: 8 may 2016.