Sınıq fənərlər küçəsi
Sınıq fənərlər küçəsi və ya Polislər (rus. "У́лицы разби́тых фонаре́й" , "Менты") , Polis məmurlarının gündəlik həyatından bəhs edən rus dedektiv serialı. Televiziyada ilk dəfə 1998-ci ildə göstərilib. İlk seriyaları yazıçı Andrey Kivinovun əsərləri əsasında 1995-ci ildə çəkilib. Serial 16 mövsüm və 501 seriyadan ibarətdir. Hər seriya ayrı bir dedektiv araşdırmadır. Rus televiziyası tarixində efir vaxtı baxımından ən uzun serialdır.
| Sınıq fənərlər küçəsi | |
|---|---|
| Bəstəkar |
|
| İstehsalçı ölkə | Rusiya |
| İl | 1995-2017 |
| Dil | rusca |
| Janr | Dedektiv |
| Mövsüm sayı | 16 |
| Seriya sayı | 501 |
| Seriya vaxtı | 42-61 dəqiqə |
| Davametmə müddəti | 4 yanvar 1998 - 3 iyun 2019 |
| Format | 4:3 , 16:9 (14-cu mövsumdən sonra) |
| IMDb | ID 0192936 |
Tarixi
Serialın ilk 8 seriyası 1995-ci ildə, o vaxt Sankt-Peterburqun Kirovski rayon polis idarəsinin qəsdən törədilmiş qətllərin açılması şöbəsində işləyən Andrey Kivinovun əsərləri əsasında çəkilir. Televiziya serialının müştərisi əvvəlcə "RTR" kanalı olur. Lakin 1996-cı ilin yazında kanala gələn yeni rəhbərlik, serialın görunuş və səs keyfiyyətinin zəif olması səbəbinə görə onu göstərməkdən imtina edir. Kanalın yeni rəhbərliyinin serialdan imtina etməsinin digər səbəbi isə, kanalın Amerika istehaslı olan Santa Barbara serialının səsləndirilməsinə görə "Rus Video Film" şirkətinə yığılıb qalmış borcu olur.
1997-ci ildə RTR-dən ayrılan Pavel Korçagin və Sergey Skvortsov, media meneceri Vladimir Qusinski ilə birlikdə serialın davamını "TNT" kanalında göstərmək hüququnu əldə etməyi qərara alırlar. Onlar həmdə serialın ilk seriyalarınıda alırlar. Serialın premyerası 4 yanvar 1998-ci ildə "TNT" kanalında baş tutur.
Serialın "TNT" kanalında çox uğurlu olması, "ORT" kanalının baş prodüsseri Kontantin Ernstin nəzərlərini cəlb edir. Tezliklə "TNT" ilə bərabər "ORT" kanalıda serialın ilk mövsumunu yayımlayır. Serial "ORT"-də 15 faiz reytinq toplayır.
1999-cu ildən sonra serial "NTV" kanalının ekranlarında görunur. Kanal həm yeni seriyaları, həm də köhnə seriyaların təkrarını efirə verir. 2001-ci ilin mayından 2002-ci ilin yanvarına qədər NTV-də rəhbərliyin dəyişməsi səbəbindən bəzi köhnə seriyaların göstərilməsi və yeni seriaların premyerası "TV-6" kanalında baş tutur. Ancaq 2002-ci ildə kanal bağlandıqdan sonra serial təkrar "NTV"-nin efirinə qayıdır.
2004-cü ilin fevralında beşinci mövsümün premyerası "Birinci Kanal"da baş tutur. Həmçinin 2004, 2005, 2007 və 2012-ci illərdə serialın ilk mövsümlərini "Birinci Kanal"da təkrar göstərilir və yüksək reytinq qazanır.
Çəkiliş heyəti
Serialın ilk 6 mövsumunun prodüsseri Aleksandr Kapitsadır. Daha sonra Kril Kapitsa, Aleksandr Ustinov, Olqa Maneeva, Andrey Kamorin və digər prodüsserlər bu serial üzərində işləyirlər. Serialın ilk 32 seriyasının ssenari müəllifi Andrey Kivinovdur. 1999-cu ildən sonra isə o serialın məsləhətçisi kimi serialın ərsəyə gəlməsində fəaliyyətini davam edir .Daha sonra serialın ssenari müəllifi İqor Aqeev olur.
İstinadlar
- https://mirnov.ru/otkroveniya-zvezd/serialu-ulicy-razbityh-fonarei-ispolnilos-15-let.html
- https://seance.ru/n/19-20/serials/udarnaya-pyatiletka-otechestvennogo-seriala/
- https://republic.ru/russia/kogda_gervi_priglashal_nas_na_rabotu_on_skazal_ch-258217.xhtml
- http://zapiski-rep.sitecity.ru/ltext_1112152723.phtml?p_ident=ltext_1112152723.p_1612015522
- https://www.kommersant.ru/doc/142957
- https://ria.ru/analytics/20101116/297121733.html
- http://www.kp.ru/daily/22556/9602/
- http://www.trud.ru/article/07-08-2003/60255_vdogonku_za_vremenem.html
- https://www.1tv.ru/news/2004-02-16/247104-pervyy_kanal_nachinaet_pokaz_filma_ulitsy_razbityh_fonarey_5
- https://iz.ru/news/298495
- http://www.interessant.ru/culture/andriei-kivinov-1
- http://www.spb.aif.ru/society/people/gluhar_vsyo_letaet_serialu_ulicy_razbityh_fonarey_-_20_let