Suki Voterhaus

Elis Suki Voterhaus (5 yanvar 1992, London) — İngiltərədən olan müğənni-mahnı yazarı, aktrisa və model. O, 16 yaşında modellik fəaliyyətinə başlamış və sonradan "Burberry", "Tommy Hilfiger", "Hugo Boss", "Laura Mercier" və "Ferragamo" kimi nüfuzlu moda evləri ilə əməkdaşlıq etmişdir.

Suki Voterhaus
ing. Suki Waterhouse
Doğum tarixi	5 yanvar 1992(1992-01-05) (33 yaş)
Doğum yeri	London, Böyük London, İngiltərə, Birləşmiş Krallıq
Partnyoru	Robert Pettinson (2018–)
Fəaliyyəti	model^[d], aktrisa, televiziya aktrisası, kino aktrisası, bloger^[d]
Boyu	173 sm
IMDb	ID4025229
sukiwaterhouse.tv
Vikianbarda əlaqəli mediafayllar

Aktrisanın kino sahəsindəki ilk təcrübəsi 2012-ci ildə "Pusher" filmində epizodik rol olmuşdur. Bundan sonra o, "Love, Rosie" (2014), "Divergentlər" seriyasından "Üsyançı" (2015), "The Bad Batch" (2016), "Assassination Nation" (2018) və "Pokemon: Xəfiyyə Pikaçu" (2019) kimi filmlərdə rol almışdır. Voterhaus, həmçinin "Daisy Jones & the Six" (2023) musiqili dram mini-serialında Karen Sirko obrazını canlandırmışdır.

Suko moda və aktrisalıq fəaliyyətindən əlavə olaraq, müstəqil pop musiqisi ifaçısı kimi karyerasına başlamış və 2022-ci ildə özünün ilk studiya albomu olan "I Can't Let Go"nu, həmin ildə isə ilk minialbomunu - "Milk Teeth"i ictimaiyyətə təqdim etmişdir. Sənətçinin ikinci albomu olan "Memoir of a Sparklemuffin" 2024-cü ildə işıq üzü görmüşdür.

Həyatı

Elis Suki Voterhaus Londonun Hammermit rayonunda doğulmuşdur. O, onkoloji xəstələrə qulluq edən tibb bacısı Elizabet və plastik cərrah Norman Voterhausun övladı olaraq, Londonun Çizvik ərazisində tərbiyə almışdır. Ailəsində Çarli adlı bir qardaşı və iki kiçik bacısı - model karyerası olan Madlen və model-aktrisa İmocen vardır.

Fəaliyyəti

Şəxsi həyatı

Voterhaus 2011-ci ildə musiqiçi Lük Priçard, 2012–2013-cü illərdə musiqiçi Mayls Keyn, 2013–2015-ci illərdə aktyor Bredli Kuper və 2015–2017-ci illərdə aktyor Dieqo Luna ilə münasibətdə olmuşdur.

2018-ci ildə Los-Ancelesdə keçirilən "ulduzlu oyun gecəsi"ndə mafia oyununu oynayarkən Voterhaus ingilis aktyoru Robert Pattinsonla tanış olmuşdur. 2018-ci ilin iyul ayında onların münasibəti başlamışdır. 2023-cü ilin noyabrında "Corona Capital" festivalında çıxışı zamanı Voterhaus hamilə olduğunu elan etmişdir. Qısa müddət sonra "People" jurnalına məlum olan mənbə Voterhaus və Pattinsonun nişanlandığını bildirmişdir. 2024-cü ilin mart ayında cütlüyün ilk övladı – qız uşağı dünyaya gəlmişdir. Ailə Los-Ancelesdə yaşayır.

İstinadlar

1. https://es.wikipedia.org/wiki/Robert_Pattinson.
2. "The real names of fashion's famous faces". Telegraph. 17 March 2015. 9 May 2021 tarixində arxivləşdirilib. İstifadə tarixi: 21 September 2020.
3. "Keeping up with the Waterhouses". 11 February 2015. 27 August 2016 tarixində arxivləşdirilib. İstifadə tarixi: 2 August 2016.
4. Hyland, Véronique. "Suki Waterhouse's Sister Signs to Her Agency". The Cut. New York Media. 17 November 2014. 19 November 2014 tarixində arxivləşdirilib. İstifadə tarixi: 17 November 2014.
5. "A BRIEF LOOK BACK AT SUKI WATERHOUSE'S DATING HISTORY". Harper's Bazaar Australia. Bauer Media PTY LTD. 27 September 2020 tarixində arxivləşdirilib. İstifadə tarixi: 27 September 2020.
6. Singh, Olivia. "Robert Pattinson and Suki Waterhouse have been dating for 6 years and share one child. Here's a complete timeline of their relationship". (ingilis). 2 July 2024. İstifadə tarixi: 2024-08-06.
7. Gawley, Paige. "Robert Pattinson and Suki Waterhouse: A Timeline of Their Romance". (ingilis). 2 July 2024. İstifadə tarixi: 2024-08-06.
8. Barlow, Eve. "ROBERT PATTINSON INTERVIEW: THE HIGH LIFE STAR TALKS DATING AND PRIVACY IN HOLLYWOOD". The Sunday Times. 29 April 2019. 13 May 2022 tarixində arxivləşdirilib. İstifadə tarixi: 17 September 2020.
9. Haylock, Zoe. "Robert Pattinson Hid His Devil All the Time Accent Until Cameras Rolled". Vulture (ingilis). 17 September 2020. 20 September 2020 tarixində arxivləşdirilib. İstifadə tarixi: 23 September 2020.
10. Gibson, Kelsie. "Robert Pattinson and Suki Waterhouse's Relationship Timeline". (ingilis). 2 July 2024. İstifadə tarixi: 2024-08-06.
11. Bailey, Alyssa. "Robert Pattinson and Suki Waterhouse Welcome Their First Child Together". Elle. Hearst. 26 March 2024. İstifadə tarixi: 26 March 2024.
12. Flam, Charna. "Robert Pattinson and Suki Waterhouse Are Engaged: Sources". People. 21 December 2023. İstifadə tarixi: 26 March 2024.
13. Walsh, Savannah; Bailey, Alyssa. "Suki Waterhouse Opens Up About How She Met Robert Pattinson and Their Life as Parents". (ingilis). 2024-07-02. İstifadə tarixi: 2024-08-06.

Xarici keçidlər