Rusiyada OMON-çuların azərbaycanlılara hücumu

Rusiyada OMON-çuların azərbaycanlılara hücumu — 2025-ci ildə OMON-çular tərəfindən Rusiyada yaşayan azərbaycanlılara qarşı keçirilmiş əməliyyatlar nəticəsində 2 nəfər öldürlüb, onlarla azərbaycanlı isə həbs olunub. 2 nəfərin tutulduqdan sonra işgəncələr və döyülmələr nəticəsində öldürülmələri həm Azərbaycan dövləti həm də Azərbaycan diasporası tərəfindən etirazla qarşılanıb.

Rusiyada OMON-çuların azərbaycanlılara hücumu
Tarix	2025-ci il iyun ayı
Yeri	Yekaterinburq

Tarixçə

2025-ci il fevralın 3-də Azərbaycan Xarici İşlər Nazirliyi Bakıdakı "Rus Evi"nin fəaliyyətinə xitam verilməsi ilə bağlı Rusiyaya nota verib. Bildirilib ki, buna səbəb "Rus evi"nin hüquqi şəxs qismində qeydiyyatının olmaması və Azərbaycan qanunvericiliyinin ciddi şəkildə pozulmasıdır.

2025-ci ilin yanvar-fevral aylarında Azərbaycanda Xüsusi Rabitə və İnformasiya Təhlükəsizliyi Dövlət Xidməti dövlət qurumlarına 262 kiberhücum indikatoru müəyyən edilib.

2025-ci ilin may ayında Azərbaycan Milli Məclisinin Xarici müdaxilələrə və hibrid təhdidlərə qarşı komissiyası “Azərbaycanın media resurslarına kiberhücumlar” mövzusunda ictimai müzakirə keçirib. Komissiyanın sədri Ramid Namazov 2025-ci il fevralın 20-də bir sıra media resurslarına qarşı olan kiber hücumların Rusiyaya bağlı kibercasus qrupu tərəfindən keçirildiyini qeyd edib və buna səbəb kimi Rus evinin bağlanmasını göstərib.

Baş verən hadisələr

2025-ci il iyunun 27-si Rusiyanın Yekatirinburq şəhərində yaşayan onlarla azərbaycanlının evinə Rusiya OMON-u tərəfindən hücum olunub. Onlarla azərbaycanlı saxlanılıb. Həbs olunan azərbaycanlıların əksəriyyəti Rusiya vətəndaşı olublar. Onlara saxlanıldıqları yerdə işgəncələr verilib. Nəticədə Ziyəddin və Hüseyn Səfərov qardaşları dünyasını dəyişib. Akif, Ayaz, Kamal və Məzahir Səfərovlar isə ağır vəziyyətdə xəstəxanaya aparılıblar. Digər saxlanılanlar buraxılsalar da 9 azərbaycanlı həbs olunub. Onların saxlanılma səbəbi kimi 2001-ci ildə Səfərov qardaşlarının işlətdikləri restoranın yanında baş vermiş bir qətl göstərilib. Silahlılar həmin restorana da hücum ediblər. Orada olan qonaqları eləcə də işçiləri döyüb axtarış aparıblar. Baş verən hadisəni gizlətmək məqsədilə restoranda olan kamera qeydləri də onlar tərəfindən götürülüb.

Saxlanıldıqdan sonra işgəncələrə məruz qalmış Vüqar Səfərov verdiyi müsahibədə işgəncə nəticəsində göyərmiş bədən hissələrini göstərib. Daha sonra qeyd edib ki, üzü maskalı şəxslər onların qapılarını qıraraq evlərinə giriblər. atasını və qardaşını döyməyə başlayıblar. Bir saat ərzində öz evlərində elektroşokla vurulub rezin dəyənəklərlə döyülüblər. Polis şöbəsinə aparıldıqdab sonra da işgəncə davam edib. Atası ürəyində stend olduğunu deməyinə baxmayaraq ona elektrik cərəyanı verilərək döyülüb. Bundan başqa qeyd edib ki, onlara Ukrayna ilə müharibəyə getmək üçün təzyiq edilib.

Azərbaycan tərəfinin reaksiyası

2025-ci il iyunun 28-də Rusiya Federasiyasının Azərbaycan Respublikasındakı Səfirliyinin müvəqqəti işlər vəkili Pyotr Volokovıx Rusiyanın Yekaterinburq şəhərində azərbaycanlılara qarşı hücumlarla əlaqədar Azərbaycan Xarici İşlər Nazirliyinə çağırılıb. Rusiya tərəfinə 2025-ci il iyunun 27-də azərbaycanlıların yaşadığı mənzillərdə Rusiyanın təhlükəsizlik qüvvələri tərəfindən iki azərbaycanlının qəddarlıqla qətlə yetirildiyi, bir neçə nəfərin ağır bədən xəsarətləri aldığı, doqquz nəfərin həbs edildiyi reydləri ilə bağlı kəskin etiraz bildirilib. Məsələnin araşdırılması, zorakılıq törədən bütün şəxslərin tezliklə cinayət məsuliyyətinə cəlb olunması istənilib.

Daha sonra Azərbaycan Mədəniyyət Nazirliyi tərəfindən Rusiya ilə dövlət və özəl müəssisələrin xətti ilə Azərbaycanda keçirilməsi nəzərdə tutulan konsertlər, festivallar, tamaşalar, sərgilər ləğv edilib.

Milli Məclisin deputatı Nigar Məmmədova verdiyi açıqlamada deyib ki, azərbaycanlılara qarşı "törədilən zorakılığa görə" Rusiya Baş nazirinin müavini Aleksey Overçukun iyun ayında Azərbaycana nəzərdə tutulan səfəri ləğv edilib. Onun sözlərinə görə, Azərbaycan hökuməti "yaranmış vəziyyətdə Overçukun və ya digər rəsmi şəxsin səfərində heç bir əhəmiyyət görmür".

29 iyunda Azərbaycanın Rus icması Yekaterinburqda güc strukturlarının qəddarlığını qətiyyətlə pisləyib. İcma "Azərbaycan Hava Yolları" aviaşirkətinin “Embraer 190” sərnişin təyyarəsinin qəzaya uğraması ilə bağlı Rusiyanın rəsmi strukturlarından üzrxahlıq və aydın izahın verilməməyini qeyd edərək Yekaterinburqda baş verənlərin obyektiv və şəffaf araşdırılmasına çağırıb.

Rusiya tərəfinin reaksiyası

İyunun 28-də Rusiyanın Sverdlovsk vilayətinin İstintaq Komitəsi və Daxili İşlər Nazirliyinin Baş İdarəsi Yekaterinburq şəhərində azərbaycanlılara qarşı keçirilmiş xüsusi əməliyyatla bağlı birgə məlumat yayıb. Bildirilib ki, İstintaq Komitəsinin əməkdaşları tərəfindən vilayətin DİN Baş İdarəsinin əməkdaşları ilə qarşılıqlı fəaliyyət çərçivəsində və Rusiya Qvardiyasının Xüsusi Təyinatlı Çevik Reaksiya Bölməsi qüvvələrinin güc dəstəyi ilə Yekaterinburq şəhəri ərazisində bir neçə il əvvəl baş vermiş bir sıra cinayətlərin istintaqı çərçivəsində kompleks tədbirlər həyata keçirilib. Əməliyyat nəticəsində bir neçə şəxs saxlanılıb, onların yaşayış yerlərində axtarışlar aparılıb.

İyunun 29-da Rusiya Xarici İşlər Nazirliyinin rəsmi nümayəndəsi Mariya Zaxarova baş verən insidentlə bağlı deyib ki, əvvəlki illərdə törədilmiş ağır cinayətlər faktı üzrə cinayət işlərinin istintaqı çərçivəsində Rusiya hüquq-mühafizə orqanları əslən azərbaycanlı Rusiya vətəndaşı olan şübhəli şəxslərin saxlanması və yaşayış yerlərində axtarışlar həyata keçirib. İyunun 28-də Azərbaycan Respublikasının Xarici İşlər Nazirliyinə dəvət olunan Rusiya Federasiyasının müvəqqəti işlər vəkili Volokovıx tərəfindən Azərbaycan tərəfinə lazımi izahat verilib, vəziyyətin hüquq-mühafizə orqanlarının nəzarətində olduğuna əminlik ifadə olunub.

Sonrakı hadisələr

İstinadlar

1. "Azərbaycanda "Rus Evi" bağlanır". BBC News Azərbaycanca (az.). 2025-02-06. 2025-02-11 tarixində arxivləşdirilib. İstifadə tarixi: 2025-06-30.
2. "Русский дом в Баку приостанавливает свою деятельность". TACC (rus). 2025-02-12 tarixində arxivləşdirilib. İstifadə tarixi: 2025-06-30.
3. "Азербайджан уведомил Русский дом в Баку о закрытии – DW – 06.02.2025". dw.com (rus). 2025-02-07 tarixində arxivləşdirilib. İstifadə tarixi: 2025-06-30.
4. "Dövlət Xidməti: Ötən ay dövlət qurumlarına 120 kiberhücum olub". azertag.az (az.). İstifadə tarixi: 2025-06-30.
5. Aslan, Aysel. "Komissiya sədri: Azərbaycanın bir sıra media resurslarına kiberhücum Rusiyadan qaynaqlanıb". Report İnformasiya Agentliyi (az.). 2025-05-02. İstifadə tarixi: 2025-06-30.
6. "Azerbaijan blames Russian state hackers for cyberattacks on local media". therecord.media (ingilis). İstifadə tarixi: 2025-06-30.
7. "Azerbaijani MP Claims Russia Behind February Cyberattack". Caucasus Watch (ingilis). 2025-05-02. İstifadə tarixi: 2025-06-30.
8. "Baku urges Moscow to hold perpetrators accountable after fatal raid on Azerbaijani family | Caliber.Az". caliber.az (ingilis). 2025-06-30. İstifadə tarixi: 2025-06-30.
9. "Azerbaijan to receive remains of citizens killed in Russia's Yekaterinburg soon | Caliber.Az". caliber.az (ingilis). 2025-06-30. İstifadə tarixi: 2025-06-30.
10. КОЧНЕВА, Алина. "Задержания азербайджанцев в Екатеринбурге вызвали волну возмущений в Баку: делегация страны отказалась от мероприятий в Москве". kp.ru. 2025-06-30. İstifadə tarixi: 2025-06-30.
11. Novruzov, Kənan. "Azərbaycanlı jurnalistin qardaşları Rusiyada öldürülüb". Report İnformasiya Agentliyi (az.). 2025-06-27. İstifadə tarixi: 2025-06-30.
12. "Baku Calls on Russia to Investigate Detention of Azerbaijanis in Yekaterinburg". Caucasian Knot. İstifadə tarixi: 2025-06-30.
13. "Двое азербайджанцев умерли при рейдах на Урале. Баку требует от Москвы разобраться". Газета.Ru (rus). 2025-06-30. İstifadə tarixi: 2025-06-30.
14. ГАЛИМОВ, Олег. "В Екатеринбурге силовики задержали посетителей кафе «Каспий»". kp.ru. 2025-06-27. İstifadə tarixi: 2025-06-30.
15. "Rusiyada azərbaycanlılar öldürülüb". BBC News Azərbaycanca (az.). 2025-06-28. İstifadə tarixi: 2025-06-30.
16. "Azerbaijani citizen describes beating by Russian law enforcement officers in Yekaterinburg | Caliber.Az". caliber.az (ingilis). 2025-06-30. İstifadə tarixi: 2025-06-30.
17. "No:282/25, Rusiya Federasiyasının Azərbaycan Respublikasındakı Səfirliyinin müvəqqəti işlər vəkilinin Xarici İşlər Nazirliyinə çağırılması barədə mətbuat məlumatı". www.mfa.gov.az (az.). 2025-06-28. İstifadə tarixi: 2025-06-30.
18. "Azerbaijan cancels Russian events over the killings of 2 citizens in Yekaterinburg". AP News (ingilis). 2025-06-29. 2025-06-29 tarixində arxivləşdirilib. İstifadə tarixi: 2025-06-30.
19. "Russia's harsh crackdown on Azerbaijanis sparks international scandal". Ukrainska Pravda (ingilis). İstifadə tarixi: 2025-06-30.
20. "Баку отменил российские культурные мероприятия после задержания азербайджанцев в Екатеринбурге". BBC News Русская служба (rus). 2025-06-29. İstifadə tarixi: 2025-06-30.
21. "Azerbaijan canceled all cultural events with the participation of the Russian Federation: what is the reason?". Ukrainian National News (UNN) (ingilis). 2025-06-29. İstifadə tarixi: 2025-06-30.
22. "Russia's law enforcement cruelty against our compatriots cannot be justified under any circumstances – COMMENTARY". azertag.az (ingilis). 2025-06-29. İstifadə tarixi: 2025-06-30.
23. "Azərbaycanın Rus icması Yekaterinburqda güc strukturlarının qəddarlığını qətiyyətlə pisləyib". Report İnformasiya Agentliyi (az.). 2025-06-29. İstifadə tarixi: 2025-06-30.
24. "Русская община Азербайджана осудила действия силовиков в Екатеринбурге". haqqin.az (rus). 2025-06-29. İstifadə tarixi: 2025-06-30.
25. "Rusiyada azərbaycanlıların ölümü ilə nəticələnən əməliyyatla bağlı RƏSMİ AÇIQLAMA". Oxu.az (az.). İstifadə tarixi: 2025-06-30.
26. Исайченко, Олег. "Азербайджан становится на сторону подозреваемых в заказных убийствах". ВЗГЛЯД.РУ (rus). 2025-06-29. İstifadə tarixi: 2025-06-30.

Xarici keçidlər

• FTX niyə azərbaycanlıların evinə basqın edib? - Rusiyada həmyerlilərimizin başına gətirilən oyun.../ AzTv
• "OMON"çulara azərbaycanlılara "HÜCUM" ƏMRİ PUTİNDƏN GƏLİB? / AzTv