Renat Dadaşov

Renat Dadaşov (17 may 1999(1999-05-17), Rüdeshaym-am-Reyn^[d], Hessen) — Azərbaycan və Almaniya futbolçusu, İngiltərənin "Vulverhempton" klubunun hücumçusu.

Renat Dadaşov
alm. Renat Dadashov‎
Renat Dadaşov Ayntraxt klubunda. 2017-ci il.
Ümumi məlumatlar
Tam adı	Renat Oleq oğlu Dadaşov
Doğum tarixi	17 may 1999 (22 yaş)
Doğum yeri	Rüdeshaym, Hessen, Almaniya
Vətəndaşlığı	Azərbaycan
Boyu	186 sm
Çəkisi	81 kq
Mövqeyi	Hücumçu
Klub haqqında məlumat
Klub	Vulverhempton Vonderers
Karyerası
Həvəskar karyerası 2014–2017 Leypsiq (U-19) 31 (12) 2017–2018 Ayntraxt (U-19) 22 (14) Peşəkar karyerası 2018–2019 Eştoril 22 (4) 2019– Vulverhempton Vonderers 0 (0) 2019–2020 → Pasuş de Ferreyra 8 (0) 2020– → Vulverhempton Vonderers U-23 4 (4) Milli yığma 2014–2015 Almaniya U-16 yığması 6 (4) 2015–2016 Almaniya U-17 yığması 15 (13) 2017– Azərbaycan 3 (0)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 25. 08. 2019 tarixində redaktə olunub. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Həyatı

Renat Dadaşov 17 may 1999-cu ildə Almaniyanın Hessen əyalətindəki Rüdeshaym qəsəbəsində anadan olub. Milliyəti ləzgi. Atası Oleq cavan yaşlarında su polosu üzrə Azərbaycan millisində oynayıb. Renatın böyük qardaşı Rüfət Dadaşov da hal-hazırda Azərbaycan millisinin üzvüdür.

Klub karyerası

Ayntraxt Frankfurt

19 may 2017-ci ildə Dadaşov Bundesliqa klublarından Ayntraxt Frankfurtla 3 illik müqavilə imzaladı. O, Ayntraxtın 19 yaşadək futbolçulardan ibarət komandasında oynayarkən 22 matça 14 qol vurmuş, 9 assist etmişdir.

Eştoril

11 iyun 2018-ci ildə Dadaşov Portuqal klublarından Eştorillə 2 illik müqavilə imzaladı. O, klubda ilk rəsmi matçına "Porto"nun əvəzedicilərdən ibarət komandasıyla qarşılaşmada çıxdı. Həmin matçda Eştoril rəqibinə 4–0 hesabı ilə qalib gəlmişdi. İlk qolunu isə həmin ilin 18 avqustunda vurdu.

Vulverhempton Vonderers

6 avqust 2019-cu ildə Dadaşov ingilis klublarından "Vulverhempton Vonderers"ə transfer olub. O, bu klubla 4 illik müqavilə imzalayıb. 10 yanvar 2020-ci ildƏ Vulverhemton U-23-ün heyətində Premyer Liqa 2 turnirinin 1-ci Divizionunda Blekbörn U-23-ə qarşı oyunda 86 dəqiqə oyun keçirdi və bu onun üçün debüt oldu. Bir neçə gün sonra Vulverhpton Tivideyl ilə yoxlama matçı keçirdi və 6:0 qələbə qazandı. Renat bu matçda dubl etməklə diqqət mərkəzinə düşdü.

Pasuş de Ferreyra

Vulverhempton daha sonra Renatı dərhal Portuqaliyanın digər klubu "Pasuş de Ferreyra"ya bir mövsümlük icarəyə verib.

Yığma karyerası

Almaniyada azərbaycanlı ailəsində dünyaya göz açan Renatın iki millidə də oynamaq imkanı var idi. O, 2014-cü ildə qısa müddətdə Azərbaycanın U16 yaş qrupu üzrə millisində çıxış edib. O, sonradan U16 yaş qrupu üzrə millisinə dəvət alıb. O, ümidləri doğrultdu və 6 matçda 4 qol vurdu. 2015-ci ilin sentyabrında Almaniyanın U17 yaş qrupu üzrə millisində debüt edən Dadaşov millidə 15 matçda 13 qol vurması ilə diqqətləri özünə cəlb etdi. O hətta milliylə 2016-cı ildə 17 yaşlı oğlanlar arasında Avropa çempionatında yarı finala qədər irəlilədi.

2017-ci ilin əvvəlində AFFA tərəfindən Renatın Azərbaycan millisində oynayacağı ictimaiyyətə elan olundu. Almaniyanın Bild dərgisinin bildirdiyinə görə, Renat Dadaşov 1 milyon dollar pul müqabilində Azərbaycan yığmasında oynamağa razı olub. Bundan başqa futbolçuya həm də ev verilib. Lakin AFFA-nın baş katibi Elxan Məmmədov Renat Dadaşova yığmada oynaması üçün federasiya tərəfindən pul və ev verilməsi xəbərini inkar edib. Renat həmin ilin sentyabrın 4-də DÇ-2018-in seçmə mərhələsində San-Marino millisi ilə matçda debüt edib.

İstinadlar

1. Transfermarkt — 2000.
   <a href="https://wikidata.org/wiki/Track:Q2449070"></a><a href="https://wikidata.org/wiki/Track:P3699"></a><a href="https://wikidata.org/wiki/Track:P7455"></a><a href="https://wikidata.org/wiki/Track:P2447"></a><a href="https://wikidata.org/wiki/Track:P7223"></a><a href="https://wikidata.org/wiki/Track:P2446"></a>
2. FBref.com
   <a href="https://wikidata.org/wiki/Track:P5750"></a><a href="https://wikidata.org/wiki/Track:Q56239490"></a><a href="https://wikidata.org/wiki/Track:P8642"></a>
3. Дагестанский футболист перешел в клуб английской премьер-лиги
4. «ВУЛВЕРХЭМПТОН» ПОДПИСАЛ АЗЕРБАЙДЖАНЦА ИЗ ПОРТУГАЛИИ. ОН ВЫРОС В ГЕРМАНИИ И ГОВОРИТ НА РУССКОМ
5. Almaniya millisinin baş məşqçisi Dadaşov haqqında danışdı
6. . www.eintracht.de (Almanca). Ayntraxt Frankfurt. 19 may 2016. 5 September 2017 tarixində orijinalından arxivləşdirilib. İstifadə tarixi: 11 August 2019.
7. . www.eintracht.de (almanca). Ayntraxt Frankfurt. 11 iyun 2018. 2019-08-11 tarixində orijinalından arxivləşdirilib. İstifadə tarixi: 2019-08-11.
8. "Renat Dadashov arrives for the attack". www.estorilpraia.pt (İngiliscə). Estoril. 11 iyun 2018.
9. Renat Dadaşov Portuqaliyada debüt etdi, qol.az
10. Renat Dadaşov rəsmən İngiltərə Premyer Liqası klubunda, qol.az
11. "Dadashov moves to Molineux". www.wolves.co.uk (İngiliscə). Vulverhempton Vonderers. 6 avqust 2019.
12. http://www.goal.az/interesting/incident/70953
13. Renat Dadaşov: “Canavar” olmaq inanılmazdı”, futbolinfo.az
14. "RENAT DADASHOV PARA O ATAQUE". www.fcpf.pt (Portuqalca). Pasuş de Ferreyra. 6 avqust 2019.
15. Renat Dadashov (17) - Skandal-Profi will
16. AFFA-nın baş katibi: "Futbolçularımız dünya çempionlarına qarşı cəsarətli oyun sərgilədilər"
17. Renat Dadaşov yığmamızda debüt etdi, qol.az