Ramid Hüseynov
Ramid Söhbət oğlu Hüseynov — politoloq-alim, siyasi elmlər üzrə fəlsəfə doktoru, dosent
Ramid Hüseynov | |
---|---|
Ramid Söhbət oğlu Hüseynov | |
Doğum tarixi | |
Doğum yeri | Lənkəran, Azərbaycan SSR |
Vətəndaşlığı | Azərbaycan |
Elm sahəsi | Politologiya |
Elmi dərəcəsi | Fəlsəfə doktoru (PhD) |
Elmi adı | Dosent (Assoc. Prof.) |
İş yeri | H.Əliyev adına AAHM |
Təhsili | Lənkəran Dövlət Universiteti; Azərbaycan Respublikasının Prezidenti yanında Dövlət İdarəçilik Akademiyası |
Elmi rəhbəri | professor Əlikram Abdullayev |
Tanınır | Politoloq |
Həyatı
Ramid Hüseynov 4 fevral 1982-ci ildə Lənkəran rayonunda anadan olmuşdur.
- 2009–2010-cu illərdə Dövlət Miqrasiya Xidmətində məsləhətçi vəzifəsinə çalışmışdır.
- 2010–2011-ci illərdə həqiqi hərbi xidmət keçmişdir.
- 2011–2014-cü illərdə özəl sektorda fəaliyyət göstərmişdir.
- 2014-cü ildən Heydər Əliyev adına Azərbaycan Ali Hərbi Məktəbinin NATO/Sülh naminə əməkdaşlıq kafedrasının dosenti vəzifəsində çalışır. Məktəbin Elmi Şurasının üzvüdür.
Təhsili
- 1988–1999-cu illərdə Lənkəran rayonu Kənarmeşə kənd orta məktəbində orta təhsil almış və orta məktəbi fərqlənmə attestatı ilə bitirmişdir.
- 1999–2003-cu illərdə Lənkəran Dövlət Universitetininin tarix-ictimaiyyət ixtisası üzrə bakalavr pilləsində təhsil almış və universiteti fərqlənmə diplomu ilə bitirmişdir. "Prezident" təqaüdçüsü olmuşdur.
- 2003–2005-ci illərdə Azərbaycan Respublikası Prezidenti yanında Dövlət İdarəçilik Akademiyasının Siyasi idarəetmə fakültəsinin "Azərbaycanda siyasi proseslər" ixtisası üzrə magistr pilləsində təhsil almış, akademiyanı fərqlənmə diplomu ilə bitirmişdir.
- 2005–2008-ci illərdə Azərbaycan Respublikasının Prezidenti yanında Dövlət İdarəçilik Akademiyasının aspirantura pilləsində təhsil almışdır.
- 2004-cü ildə Ədliyyə Nazirliyinin Hüquq Tədris Mərkəzində hüquq üzrə ixtisasartırma kursunu bitirmişdir.
- 2019-cu ildə For The Azerbaijan Deep Faculty Development Workshop "ACTIVE LEARNING METHODS FOR PME" təlim kursunu bitirmişdir.
Elmi fəaliyyəti
Ramid Hüseynov 2012-ci ildə dissertasiya müdafiə edərək siyasi elmlər üzrə fəlsəfə doktoru alimlik dərəcəsini, 2018-ci ildə dosent elmi adını almışdır. 2 dərs və 3 metodiki vəsaitin, 5 tədris proqramının müəllifi, bir neçə kitabın redaktorudur. 50-ə yaxın elmi əsəri ölkə daxilində və xaricində (Rusiya, Türkiyə, Gürcüstan və s.) elmi jurnallarda azərbaycan, rus, türk və ingilis dillərində dərc olunmuşdur. 100-dən çox yerli və beynəlxalq elmi konfranslarda məruzələrlə çıxış etmiş, habelə, beynəlxalq və ölkədaxili ictimai-siyasi məsələlərlə bağlı mütəmadi olaraq yerli və xarici informasiya agentliklərinə və qəzetlərə müsahibələr vermişdir. Elmi araşdırmaları demokratiya, terrorizm, münaqişələr və təhlükəsizlik mövzularına həsr edilmişdir. Təhsil, elm və ictimai sahədə uğurlu fəaliyyətinə görə dəfələrdə "Fəxri Fərman"lara və yübiley medallarına layiq görülmüşdür.
Kitabları və əsərləri
- Politologiya. Ali məktəblər üçün dərs vəsaiti / Bakı: 3 saylı Bakı mətbəəsi, 2017. — 280 s.
- Beynəlxalq humanitar hüquq. Dərs vəsaiti / Bakı: Müəllim, 2019. — 269 s.
- Dış Politikasında Orta Asya ve Kafkasya. Monoqrafiya / Türkiyə: Nobelkitap, 2021. 284 s. (həmmüəllif)
- Politologiyanın predmeti, kateqoriyaları və funksiyaları. Metodiki vəsait / Bakı: H.Əliyev adına AAHM-in mətbəəsi, 2018. — 36 s.
- Əhalinin siyasi fəallığının yüksəldilməsində vətəndaş cəmiyyəti təsisatlarının rolu(siyasi partiyaların fəaliyyəti kontekstində) // — Bakı: AMEA "Xəbərlər", — 2007. №8, — s. 144–154
- Demokratik dəyərlərin inkişaf yolu // — Bakı: Dirçəliş–XXI əsr, — 2007. № 108–109, — s. 228–239
- Siyasi inkişaf və müasir demokratiya nəzəriyyələri // — Bakı: Dirçəliş–XXI əsr, — 2007. № 126–127, — s. 324–335
- Effects of mass media appartus on policical behaviors of people // — Санкт-Петербург: СПГПУ "Россия в глобальном мире" Социально-теоретический альманах, 2010. № 18, — s. 211–217
- Historical development process of political participation // — Bakı: Dirçəliş – XXI əsr, — 2011. № 162–163, — s. 273–283.
- The activity of Mass Media on increase of effectivity of democratic management and political participation // — Tbilisi: İnternational communication journal, — 2013. № 20, — s. 192–195
- Beynəlxalq geosiyasi proseslər və Azərbaycan Respublikasının Milli Təhlükəsizlik Konsepsiyası // — Bakı: Milli təhlükəsizlik və hərb elmləri, — 2016. № 2(2), — s. 129–135.
- Milli təhlükəsizliyin təmin olunması sahəsində Azərbaycanın Rusiya və NATO ilə əməkdaşlığı // — Bakı: Qərbi Kaspi Universitetinin Elmi Əsərlər jurnalı, — 2019. № 4, — s. 89–98
- Обеспечение военной безопасности как приоритет внешней политики государства // The army in the era of globalization. II international scientific conference, — Tbilisi, — 20–21 September, — 2019, — p.105–115
- Opportunities for fighting against international terrorism // II International Ankara conference of Scientific Research, Abstract book, — Ankara, — 6–8 March, — 2020, — p.417–418 və s.
- The impact of geopolitical conflicts to globalization: changing the world order // Igdir international social sciences congress, Abstract book, - Igdır University, — Turkey, - 14-15 April, — 2021, — p. 186–187
- Busıness communication: in the context of building business relations and the socialization of the individual // International conference on social sciences & humanities, Abstract book, — Siirt University, — Turkey, 16–18 May, — 2021, - p. 34-35
Ailəsi
Ailəlidir, iki övladı var.
İstinadlar
- Ramid Söhbət oğlu Hüseynov