40-cı paraleldə (film, 2016)

40-cı paraleldə kinoalmanaxı 4 qısametrajlı bədii filmdən ibarətdir: “Postskriptum”, “Onun atası”, “Hədiyyə” və “Qara bağ”. Kinoalmanax 2016-cı ildə "Azərbaycanfilm" kinostudiyasında istehsal edilmişdir. Filmdə əsas rolları Azər Aydəmir, Ayşad Məmmədov, İlqar Safat, Şamil Süleymanlı, Fateh Tahirov, Məbud Məhərrəmov, Ülviyyə Rza, İlahə Həsənova, Qorqud Cəfərli, Şamil Süleymanlı, Elxan Abbasov, Vidadi Əliyev və Rasim Cəfərov ifa edirlər.

40-cı paraleldə
40-cı paraleldə
Janr	qısametrajlı dram
Rejissor	müxtəlif
Prodüser	aşağıya baxın
Ssenari müəllifi	müxtəlif
Baş rollarda	müxtəlif
Operator	müxtəlif
Bəstəkar	müxtəlif
Rəssam	müxtəlif
İstehsalçı	"Azərbaycanfilm" Kinostudiyası
İlk baxış tarixi	2 avqust 2016, Nizami Kino Mərkəzi
Filmin növü	kinoalmanax
Rəng	rəngli
Ölkə	Azərbaycan
Dil	azərbaycanca
İl	2016

Məzmun

Filmin adı	Məzmun
Postskriptum	Film “Nobel qardaşları” kompaniyasının Bakıdakı fəaliyyətindən bəhs edir. Film Nobellərin kiçik qardaşı Robertin Bakıya ilk səyahəti, Bakı nefti ilə tanışlığı və onların şəhərdə bundan sonrakı fəaliyyətini özündə əks etdirir.
Onun atası	Psixoloji dram janrında lentə alınan “Onun atası” filmi, Qarabağ müharibəsinin cəmiyyətə vurduğu fəsadlardan bəhs edir. Ailə başçısı olan jurnalist vətənini ailəsi qədər üstün tutaraq müharibədə iştirak etməyə qərar verir. Filmin əsas süjeti ilə bağlı olan, döyüşlər zamanı itkin düşən jurnalistin axtarışları zamanı ailəsinin və yaxınlarının keçirdiyi həyəcan və müharibənin cəmiyyətə mənfi təsiri də təsvir edilir.
Hədiyyə	Yenicə ailə qurmuş iki gəncin sosial problemi fonunda sevgi hekayəti təsvir olunur. Maddi çətinliyi olan ailənin kirayə pulunu ödəməyə, yeni ilə təsadüf edən evliliklərinin ildönümünə hədiyyə almağa imkanları yoxdur. Gənc qadın saçını kəsib, ərinin sevimli qızıl saatına qolbaq, kişi isə saatı satıb sancaq alır.
Qara bağ	“Qara bağ” dilək ağacına bağlanan “qara düyünlər” mənasındadır və Azərbaycanın əbədi-əzəli torpağı olan Qarabağla bağlı hadisələr onun vasitəsilə filmin ümumi kontekstinə köçürülür. Film məcburi köçkünlərin hal-hazırkı yaşayış tərzini, Qarabağ həsrətini bir sıra metaforik simvollarla realizə edir. Qarabağdan olan yaşlı qaçqın (Vidadi Əliyev) itirilən torpağın xiffətini çəkir. Həkim övladlarına onun xərçəng olduğunu, ömrünə az qaldığını deyir. Oğul atasının ömrünü uzatmaq üçün telekanallardan birində Qarabağın sülh yolu ilə alınması haqda xəbər verdirir. Amma sevindirici xəbər həyəcanlanan qocanın ölümün tezləşdirir. Rejissor metaforlardan yararlanıb, dilək ağacına bağlanan qara parçalardan ibarət düyünlər problemi ifadə edir, finalda düyünləri bağlandığı ağacın tumurcuqlanmasıyla tragizm nikbinlyə köklənir.

Festivallar və mükafatlar

Filmin adı	İl	Festivallar	Mükafatlar
Hədiyyə	2016	“Azərbaycan ailəsi 2016” film festivalı	“Ən yaxşı bədii film”
Qara bağ	2015	Azərbaycan Ailəsi Film Festivalı	"Ən yaxşı film"
Qara bağ	2016	Birinci Asiya beynəlxalq qısametrajlı filmlər festivalı	Xüsusi mükafat

Filmin heyəti

Filmin adı	Filmin üzərində işləyənlər	Rollarda
Kinoalmanax	Prodüser: Müşfiq Hətəmov
Postskriptum	Rejissor: Emin Mirabdullayev Ssenari müəllifi: Ramiz Fətəliyev, Emin Mirabdullayev Operator: Əli Sultanov Rəssam: Şahin Həsənli Bəstəkar: Səid Qəni	Azər Aydəmir — Robert Nobel Ayşad Məmmədov — Jozef İlqar Safat — Lüdviq Bella Safina Eldar Bağırbəyov
Onun atası	Rejissor: Zamin Məmmədov Ssenari müəllifi: Zamin Məmmədov Operator: Əli Sultanov Rəssam: Arif Niftiyev	Şamil Süleymanlı Fateh Tahirov Məbud Məhərrəmov Ülviyyə Rza
Hədiyyə	Rejissor: Emin Əfəndiyev Ssenari müəllifi: Yusif Şeyxov Operator: Elman Əliyev Rəssam: Şahin Həsənli Bəstəkar: Azər Hacıəsgərli	İlahə Həsənova Qorqud Cəfərli Şamil Süleymanlı
Qara bağ	Rejissor: Amil Məmiyev Ssenari müəllifi: Amil Məmiyev Operator: Rauf Qurbanəliyev Rəssam: Əziz Məmmədov	Elxan Abbasov Vidadi Əliyev Rasim Cəfərov

İstinadlar

1. "Milli Kino Günündə "40-cı paraleldə" kinoalmanaxı təqdim olunacaq" (azərb.). AzərTac. 26 iyul 2016. İstifadə tarixi: 2017-11-16.
2. Sevda Sultanova (2 avqust 2016). "Böyük bayramın kiçik filmləri – Milli Kino Günündən qeydlər" (azərb.). Lent.az. İstifadə tarixi: 2017-11-16.^{[ölü keçid]}
3. "Emin Mirabdullayev "Postskriptum"" (azərb.). Yarat. İstifadə tarixi: 2017-11-16.
4. "Zamin Məmmədov "Onun atası"" (azərb.). Yarat. İstifadə tarixi: 2017-11-16.
5. "Amil Məmiyev "Qara bağ"" (azərb.). Yarat. İstifadə tarixi: 2017-11-16.
6. (azərb.). Dovletxeberleri.az. 25 yanvar 2017. 2017-07-04 tarixində orijinalından arxivləşdirilib. İstifadə tarixi: 2017-10-16.

Həmçinin bax

Azərbaycan filmlərinin siyahısı
2016-cı ilin Azərbaycan filmləri
2010-cu illər Azərbaycan filmlərinin siyahısı