Ovdan

Ovdan [fars. ab+dan] — Suyu yığıb saxlamaq üçün üstü tikili yeraltı hovuz, nohur. Ovdan fars sözü olub, 2 sözdən ibarətdir: "Ab"-su, "dan"–göstərici, yəni "Su saxlanılan yer" mənasında işlədilir.

Məzmun

Ovdanlar əsasən yeraltı torpaq sularından qidalanırlar. Ovdana giriş əsasən küləyin əks tərəfindən qoyulur. Ovdan 2 hissədən ibarət olur. Yeraltı və yerüstü hissələrdən. Yeraltı giriş pilləkənlər vasitəsilə olur. Əgər ovdan yağış suyu yığılması üçündürsə, pilləkənlərin axırındakı hovuzlar quyularla əvəz edilir. Ovdanlar əsasən yol ayrıcında, karvan yolunun yaxınlığında tikilərmiş. Ovdanların yanında yolçuların istirahəti üçün ağac əkilərmiş. Ovdanlar həmçinin yolçuların susuzluğunu aradan qaldırmaq üçün də nəzərdə tutulurmuş..

Bədii ədəbiyyatda

• Yağış suyu bu ovdana axırdı. Cəfər Cabbarlı.
• Güdə Qala deyilən yüksəklik üzərindəki ovdanların yanında idik. S.Hüseyn

Həmçinin bax

• Ovdan (Balaxanı)

İstinadlar

1. OVDAN — obastan.com saytı
2. Ovdan — gomap.az saytı

Ədəbiyyat

• Azərbaycan Sovet Ensiklopediyası, VII cild. Bakı, 1983. səh.319

Xarici keçidlər

• İsmayıl İsmayılov. "DAŞI AĞLAYAN, DAŞI GÜLƏN OVDAN" (az.). mediaforum.az. 2010-04-29 - 14:15:00. İstifadə tarixi: 2014-10-26.^{[ölü keçid]}