Osman Fərmanoğlu

Osman Fərmanoğlu (Eyyubov Osman Fərman oğlu; d. 9 mart 1958, Gədəbəy rayonu, Qasımağalı) — Azərbaycan şairi, publisist.

Osman Fərmanoğlu
Osman Eyyubov
Osman Fərmanoğlu
Doğum tarixi	9 mart 1958 (64 yaş)
Doğum yeri	Qasımağalı, Gədəbəy rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Fəaliyyəti	şair, publisist
Əsərlərinin dili	azərbaycanca

Həyatı

Osman Fərmanoğlu 9 mart 1958-ci ildə Gədəbəy rayonunun Qasımağalı kəndində doğulmuşdur. 1965-1973-cü illərdə Mutudərə kənd səkkizillik məktəbində, 1973-1975 -ci illərdə İsalı kənd orta məktəbində tam orta təhsil almışdır. 1976-1980-ci illər Lenin adına APİ-nin filologiya fakültəsində təhsil alıb, oranı fərqlənmə diplomu ilə bitirmişdir. Təyinatla İmişli rayonuna göndərilmiş, 1980-1988-ci illərdə Nurulu və Qaraqaşlı kəndlərində müəllim, 1986-1988-ci illərdə Qaraqaşlı kınd orta məktəbində təlim-tərbiyə üzrə direktor müavini işləmişdir. 1988-ci ildə Bakı şəhərinə köçmüş, Azərbaycan radiosunun "Ədəbi dram verilişləri" redaksiyasının əməkdaşı olmuşdur. 1989-cu ildən indiyə qədər Şüvəlan qəsəbəsində yerləşən 2 N-li internat məktəbində müəllim işləyir. 1994-cü il attestasiyasında "Ali koteqoriyalı dil -ədəbiyyat müəllimi" adı almışdır. Özünə "Fərmanoğlu" ədəbi təxəllüsünü seçmişdir. Çoxlu sayda şeirlərin, ədəbi-bədii, publisistik və tarixi məqalələrin müəllifidir. Yaradıcılığı haqqında M.Məmmədov, "Azərbaycan" jurnalında (N6, 1980-ci il), S.Hüseynoğlu, "Ədəbiyyat" qəzetində (2004-cü il), Zakir Məmməd "Uca qalalar kimi" məqaləsində (2018-ci il), Vaqif Osmanov "Şair ozan-Osman Fərmanoğlu" "Manera.az" Ədəbiyyat və Mədəniyyət portalında (2019-cu il) yazılar yazmışlar.

Yaradıcılığı

1975-ci ildən şeirləri Gədəbəy rayonda çıxan "Tərəqqi "qəzetində çap olunmaqa başlamış, həmin qəzetin ştatdankənar müxbiri olmuşdur. Haqqında Musa Ələkbərli Gədəbəy rayonu qəzetində və Zahid Xəlil İnstitutda çıxan"Gənc müəllim" qəzetində "Uğurlu yol" yazmışlar.

Respublika mətbuatında "Azərbaycan", "Ulduz", "Gənclik", "Aran" , "Doqquz iqlim" jurnallarında, "Azərbaycan gəncləri", "Ədəbiyyat və incəsənət", "Bakı", "Kaspi", "Səhifələr", "Sarı sim", "Ədalət" və s. qəzetlərdə dərc edilib, Türkiyədə şeirləri "Hectaşları" jurnalında və "DergiZan" elektron jurnalda çap olunub.

7 şeir kitabının müəllifidir.

Kitabları

1. Çiçək sevgisi 1987,
2. "Ömür divanisi",2006,
3. "Bu yolla gedən yolçu",2008,
4. "Sənə sarı yol gəlirəm", 2011,
5. "Ömür ölümdən uzundu", 2016,
6. "Məni hardan biləsən",2017,
7. "Şər vaxtının duası",2018.
8. "Qəldim, gördüm, gedirəm", 2020

Çap olunduğu almanaxlar

1. "Azərbaycan", (səh. 226,227, 1984-cü il, tərtib edən şair Məmməd İsmayıl ),
2. "Yaşıl budaqlar" (səh. 52-53, 1987-ci il, tərtib edən və ön sözün müəllifi, Respublika komsomol mükafatı laureatı Məmməd İsmayıl.
3. "İki ömrün işığı", ( səh. 539, 1987-ci il, tərtib edən Filologiya elmləri doktoru, Professor, AMEA-nın həqiqi üzvü Rafael Hüseynov)

Ailəsi

Osman Fərmanoğlu ailəlidir, həyat yoldaşı ali təhsilli müəllimədir. Oğlu Eltur həkimdir, hazırda Ankara Universitetində uzmanlıq oxuyur, qızı Gültəm Azərbaycan Dövlət Aqrar Universitetiini bitirib.

İstinadlar

1. Zakir Məmməd, Dərviş azadlığı. modern.az — 08.03.2018
2. Şair - ozan Osman Fərmanoğlu | Vaqif Osmanov yazır. manera.az — 11-02-2019
3. Beş Şiir / Osman Fərmanoğlu — dergizan.com