Nemanya Matiç

Nemanya Matiç (serbcə: Немања Матић) İngiltərənin Mançester Yunayted klubunda və Serbiya milli yığmasında forma geyinən serbiyalı müdafiəyə meyilli yarımmüdafiəçidir. O, meydanda öz döyüşkən oyun stili ilə fərqlənən futbolçudur.

Nemanya Matiç
serb. Nemanja Matić
Matiç 2014-cü ildə Çelsidə olarkən
Ümumi məlumatlar
Tam adı	Nemanya Matiç
Doğum tarixi	1 avqust 1988 (32 yaş)
Doğum yeri	Şabats, Yuqoslaviya
Vətəndaşlığı	Serbiya
Boyu	194 sm
Çəkisi	85 kq
Mövqeyi	Yarımmüdafiəçi
Əsas ayağı	Sol
Klub haqqında məlumat
Klub	Mançester Yunayted
Nömrəsi	31
Karyerası
Həvəskar karyerası 1993–1997 Vrelo 1997–2000 Obrenovats 1905 2000–2004 Srvena Zvezda 2004 Partizan 2004–2005 Yedinstvo Ub Peşəkar karyerası 2005–2007 Kolubara 2007–2009 Koşice 70 (4) 2009–2011 Çelsi 2 (0) 2010–2011 Vitess (icarə) 27 (2) 2011–2014 Benfika 56 (6) 2014–2017 Çelsi 121 (4) 2017– Mançester Yunayted 1 (0) Milli yığma 2008–2010 Serbiya U-21 11 (2) 2008– Serbiya 32 (1)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 11:29, 9 avqust 2017 (UTC) tarixində redaktə olunub. Rəsmi oyunlarda milli yığmanın heyətində keçirdiyi oyunların və vurduğu qolların sayı, 16:09, 26 iyun 2017 (UTC) tarixində redaktə olunub.
Vikianbarda əlaqəli mediafayllar

Matiç peşəkar futbol karyerasına Kolubara klubunda başlamış, 2007-ci ildə Slovakiyanın Koşitse klubuna transfer olmuşdur. O, 2009-cu ildə 1.5 milyon funt-sterlinq qarşılığında İngiltərənin Çelsi klubuna keçmişdir. 2011-ci ilin yanvarında Portuqaliyanın Benfika klubuna transfer olan Matiç, 2013-cü ildə Portuqaliya çempionatının ən yaxşı futbolçusu adına layiq görülmüşdür. Matiç 2014-cü ilin yanvarında 21 milyon funt-sterlinq qarşılığında yenidən Çelsiyə transfer olmuş, burada da bir sıra mükafatlara layiq görülmüş və 2017-ci ilin iyul ayında keçmiş baş məşqçisi Joze Mourinyonun başçılıq etdiyi Mançester Yunayted klubuna transfer olmuşdur.

2008-ci ildə ilk dəfə Serbiya milli yığmasının heyətində debüt edən Matiç indiyə qədər bu millinin heyətində 30-dan çox oyuna çıxmışdır.

Şəxsi həyatı

Matiçin kiçik qardaşı Uroş da peşəkar futbolçudur. O, hazırda Danimarka çempionu olan Kopenhagen klubunda karyerasını davam etdirir. Matiçin babası əslən makedoniyalıdır. Həmçinin, onun anası da Makedoniyanın Volkoviya kəndindəndir.

Uğurları

Klub

Koşitse

• Slovakiya kuboku: 2008-09

Çelsi

• Premyer Liqa: 2014-15, 2016-17
• FA kuboku: 2009-10
• Liqa kuboku: 2014-15

Benfika

• Portuqaliya çempionatı: 2013-14
• Portuqaliya kuboku: 2011-12

Şəxsi

• Portuqaliya çempionatında ilin ən yaxşı futbolçusu: 2012-13
• Serbiyada ilin futbolçusu: 2014, 2015
• Portuqaliya çempionatında ayın futbolçusu: Dekabr 2012, Yanvar 2013, Aprel 2013
• FİFA Puşkaş mükafatı: 2013 (ikinci yer)
• İngiltərədə ilin heyəti: 2014-15

Həmçinin bax

• Mançester Yunayted
• Çelsi
• Serbiya milli futbol komandası

İstinadlar

1. "Player Profile: Nemanja Matić". chelseafc.com.
2. "A Football Report — Zero to Hero: The rise of Nemanja Matic". A Football Report. İstifadə tarixi: 9 avqust 2017.
3. "Nemanja Matic is Manchester United player". İstifadə tarixi: 9 avqust 2017.
4. "Serbian Uros Matic to play for Macedonia". Eurosport Australia. 27 dekabr 2014. İstifadə tarixi: 9 avqust 2017.
5. "Bývalý hráč Košíc bude reprezentovať Macedónsko". Sita Vydané. Smesk. 2 yanvar 2015.
6. "Campeão pelo Benfica". Bola Branca. İstifadə tarixi: 9 avqust 2017.
7. "Chelsea's Matić honoured as Serbia's best". UEFA. 19 December 2014. İstifadə tarixi: 9 avqust 2017.
8. "Nemanja Matic, Veljko Paunovic named best Serbian footballer, coach in 2015". Free Press Journal. 22 dekabr 2015. İstifadə tarixi: 9 avqust 2017.
10. "Premier League Team of the Year 2015". Professional Footballers' Association (PFA). İstifadə tarixi: 9 avqust 2017.

Xarici keçidlər

• Nemanya Matiç karyera statistikaları Soccerbase-də
• Nemanya Matiç profile at ForaDeJogo  
• Soccerway.com saytında profili (ing.)