Nazim Əhmədli

Nazim Şamil oğlu Əhmədli (1 may 1953(1953-05-01), Əhmədli, Laçın rayonu) — Azərbaycan şairi; Hərbi jurnalist, Qarabağ müharibəsi iştirakçısı. Azərbaycan Yazıçılar Birliyinin üzvü.

Nazim Əhmədli
Doğum tarixi	1 may 1953(1953-05-01) (68 yaş)
Doğum yeri	Əhmədli, Laçın rayonu, Azərbaycan SSR, SSRİ
Təhsili	Şuşa Kənd Təsərrüfatı Texnikumu^[d], A. M. Qorki adına Ədəbiyyat İnstitutu
Fəaliyyəti	şair
nazimehmedli.blogspot.com

Həyatı

Nazim Əhmədli 1953-cü il may ayının 1-də Laçın rayonunun Əhmədli kəndində anadan olub. Orta məktəbi Laçın şəhərində bitirib, 1971-74–cü illərdə Şuşa Kənd Təsərrüfatı Texnikumunda təhsil almış, 1974–1976-cı illərdə keçmiş Sovet Ordusu sıralarında hərbi xidmətdə olub. 1981-ci ildə Moskva şəhərində Maksim Qorki adına Ədəbiyyat İnstitutunun poeziya fakültəsinə daxil olub, 1986-cı ildə institutu bitirib. Bakıya qayıdaraq Azərbaycan Yazıçılar Birliyində dəftərxana müdiri, “Natəvan” klubunun müdiri, Azərbaycan Bədii Tərcümə və Ədəbi Əlaqələr Mərkəzində redaktor, ümumi şöbə müdiri, işləyib. 1993-1996-cı illərdə Azərbaycan Ordusu sıralarında hərbi jurnalist kimi xidmət etmiş, sonra Nərimanov rayonundakı Ekologiya litseyində müəllim, o vaxt Bakıda fəaliyyət göstərən özəl Tətbiqi Elmlər Universitetinin jurnalistika fakultəsində müəllim, dekan müavini vəzifələrində işləyib.

Yaradıcılığı

1970-ci illərin sonundan dövrü mətbuatda şeirləri çap olunmağa başlayıb.

"Bir ömür sevgi", "Ruhum da sənin olacaq", "Sevgi Allahı", "Mən bir günah elçisiyəm" şeirlər, "Əfv eylə məni" qəzəllər, "Mənim generalım" bədii-sənədli povest, "Qız təbəssümü" hekayələr, "Mollaəhmədli və Mollaəhmədlilər" (bədii publisistik, etnoqrafik), Unutduğum göy üzü(şeirlər) Bakı, "Qanun nəşriyyatı" 2019 "Buludları üstümə ört" (şeirlər) Təbriz şəhəri,"Aydın sav" nəşriyyatı 2020. "Yenə dönüb gələcəm" (şeirlər) "Vektor" Elmlər Akademiyası, Bakı şəhəri 2020.adlı kitabların müəllifidir.

Şeirləri respublika mətbuatında müntəzəm olaraq çap olunur və rus, çeçen, alman dillərinə tərcümə olunub. N. Əhmədli Rus, isveç, yapon ədəbiyyatlarından dilimizə tərcümələr edib.

525-ci qəzetdə şöbə müdiri, Azərbaycan Yazıçılar Birliyinin Bədii Ədəbiyyatı Təbliğ Bürosunun direktoru vəzifəsində işləyib.

2012-ci ildən QHT sektorunda Skandinaviya ölkələri ilə Mədəni və Elmi Əlaqələr İctimai Birliyinin sədridir. Uzun illərdir Skandinaviya ölkələrində Azərbaycanın tarixi, mədəniyyəti, milli-mənəvi dəyərləri və Qarabağ münaqişəsi ilə əlaqədar qrant layihələri həyata keçirib.

Hal hazırda Azərbaycan Respublikası Dövlət Kino-Foto Sənədləri Arxivinin direktor müavini vəzifəsində işləyir. Hərbi jurnalist kimi Qarabağ müharibəsinin iştirakçısdır.

Kitabları

1. Bir ömür sevgi (şeirlər) Bakı, “Yazıçı”nəşriyyatı, 1990
2. Ruhum da sənin olacaq (şeirlər) Bakı, “Adiloğlu”nəşriyyatı, , 2002
3. Mənim generalım (bədii-sənədli povest) Bakı, “Qap Poliqraf”nəşriyyatı, , 2002
4. Sevgi Allahı (şeirlər) Bakı, “Adiloğlu”, nəşriyyatı, 2004
5. Əfv eylə məni (qəzəllər) Bakı,“Adiloğlu”nəşriyyatı, 2004
6. Mollaəhmədli və Mollaəhmədlilər (bədii publisistik, etnoqrafik kitab) Bakı, ”Adiloğlu” nəşriyyatı, 2007
7. Mən bir günah elçisiyəm (şeirlər) Bakı, “Qanun”, 2017
8. Qız təbəssümü (hekayələr) Bakı, “Qanun" nəşriyyatı, 2017
9. Unutduğum göy üzü(şeirlər) Bakı, "Qanun nəşriyyatı" 2019
10. Buludları üstümə ört (şeirlər) Təbriz şəhəri,"Aydın sav" nəşriyyatı 2020.
11. Yenə dönüb gələcəm (şeirlər) "Vektor" Elmlər Akademiyası, Bakı şəhəri 2020.

İstinadlar

1. Şahanə Müşfiq (June 15, 2017). "Nazim Əhmədli yeni kitablarını təqdim etdi" (azərb.). karabakhmedia.az. June 8, 2019 tarixində . İstifadə tarixi: 8 June 2019.
2. "Tanınmış sair Nazim Əhmədlinin 60 illik yubileyi qeyd edilmişdir" (azərb.). lachin-ih.gov.az. June 4, 2013. June 7, 2019 tarixində . İstifadə tarixi: 7 June 2019.
3. Nazim Əhmədli 65 yaşın şeirlərini oxuyur. Kulis Az. May 1, 2018. İstifadə tarixi: June 13, 2019 – YouTube vasitəsilə.
4. "Laçın rayon 1 nömrəli tam orta məktəbdə Laçınlı şair Nazim Əhmədli ilə görüş" (azərb.). lachin.edu.gov.az. May 26, 2016. June 10, 2019 tarixində . İstifadə tarixi: 10 June 2019.
5. Şəfaqət Cavanşir (June 4, 2019). "Nazim Əhmədli: - Mən həmişə demişəm ki, biz özümüz yadplanetliyik. Bizi kainatdan yer kürəsinə atıblar" (azərb.). goyce.az. June 26, 2019 tarixində . İstifadə tarixi: 26 June 2019.
6. "Qız Təbəssümü" (azərb.). kitabal.az. 2017. June 11, 2019 tarixində . İstifadə tarixi: 11 June 2019.