Nataliya Morar

Nataliya Morar (rum. Natalia Morari 12 yanvar 1984, Hinçesti^[d]) — The New Times jurnalının müxbiri və siyasi müşahidəçisi kimi tanınan moldovalı jurnalist və teleaparıcı. Morar 2007-ci ildə "Kremlin Qara Büccəsi" adlı qalmaqallı nəşri, Rusiyaya giriş üçün dörd illik qadağa ilə nəticələnir. 2010-cu ildən 2012-ci ilə qədər Moldaviyanın Publika TV televiziya kanalında "Fabrika" tok-şousunun aparıcısı olur. 2013-cü ildən 2017-ci ilə qədər "Siyasət" verilişinə, 2015-ci ildən 2017-ci ilə qədər TV7 telekanalında "İnterpol" verilişinə, 2017-ci ildən 2018-ci ilə qədər TV8 telekanalında "Siyasət" verilişinə aparıcılıq edir. 2018-ci ildən bəri televiziyada "Nataliya Morarın Siyasəti" verilişini yayımlayır.

Nataliya Morar
Doğum tarixi	12 yanvar 1984(1984-01-12) (40 yaş)
Doğum yeri	Hinçesti^[d], Hinçesti rayonu^[d], Moldova SSR, SSRİ
Təhsili	Moskva Dövlət Universiteti
Fəaliyyəti	jurnalist
Vikianbarda əlaqəli mediafayllar

Bioqrafiyası

Nataliya Morar Moldova SSR-nin Kotov (indiki Hinçesti) şəhərində anadan olub. Ata aqressiv olması səbəbindən ana Nataliyanın dörd yaşı olarkən ondan boşanmaq qərarına gəlir. "Gaudeamus" rus-rumın litseyində oxuyan Nataliya 2002-ci ildə Moskvaya köçür. Burada M.V.Lomonosov adına Moskva Dövlət Universitetinin sosiologiya fakültəsinə daxil olur. 2007-ci ildə oranı fərqlənmə diplomu ilə bitirmişdir.

Karyerası

2005-ci ildə Morar Demokratik Alternativ (YES!) Bitərəf gənclər hərəkatının qurucularından biri idi. 2005-ci ilin sentyabrından 2006-cı ilin avqust ayına qədər Açıq Rusiya Fondunda İctimai Siyasət Məktəbi layihəsinin koordinatoru olaraq çalışmışdır. 2006-cı ilin avqustundan Digər Rusiya koalisiyasının sözçüsü olur.

2007-ci ilin fevral ayında "The New Time" jurnalı ilə təcrübəçi kimi əməkdaşlıq etməyə başlayır. Özünün jurnalist və eyni zamanda hər hansı bir siyasi təşkilatın mətbuat katibi olmasını qəbuledilməz hesab etdiyi üçün siyasi təşkilatlardakı üzvlüyündən imtina edir. 2007-ci ilin iyulundan siyasət şöbəsinin tam müxbiri olur. Morar nəşrləri Rusiyadakı korrupsiyaya həsr olunmuşdu. Xüsusilə o, bankir Andrey Kozlovun öldürülməsi və Avstriyanın Raiffeisen Zentralbank və Rusiyanın «Diskont» bankları ilə çirli pulların yuyulması hadisələri haqqında yazır. Bundan sonra o, çirkli pulların yuyulmasında Rusiya Federal Təhlükəsizlik Xidmətinin direktor müavini və FTX-nin İqtisadi Təminat şöbəsinin müdiri general-leytenant Aleksandr Bortnikovun adınıda qeyd edir. 2007-ci ilin noyabrında Dövlət Ümumrusiya Xalq Rəyi Öyrənmə Mərkəzinin qeyri-qanuni maliyyə fəaliyyətinə dair bir sıra məqalələr dərc edir. 2008-2009-cu illərdə Think Moldova Vəqfinə rəhbərlik etmişdir. Öz etirafı ilə, 6 aprel 2009-cu ildə Moldovada keçirilən parlament seçkilərindən sonra baş tutan etiraz aksiyasında iştirak etmişdir. 7 apreldə aksiya Kişinyovda iğtişaşlara çevrilmişdir.

İstinadlar

1. RED. "Natalia Morari: Nimic despre politică" (rumın). RED by Rodica Ciorănică. 2019-02-05. 2020-04-08 tarixində . İstifadə tarixi: 2020-04-08.
2. "«Я свободна!»". . . 2012-04-02. 2012-04-04 tarixində . İstifadə tarixi: 2012-04-17.
3. Наталья Морарь. "Миллиарды – на Запад". . Лесневская, Ирена Стефановна. 2007-05-21. 2012-04-17 tarixində . İstifadə tarixi: 2012-04-17.
4. "Австрийская полиция может возбудить дело против ключевых чиновников Кремля, утверждает New Times". . 2007-05-23. 2012-08-24 tarixində . İstifadə tarixi: 2012-04-17.
5. "Я не коммунист!". 2021-08-04 tarixində . İstifadə tarixi: 2020-05-03.
6. "МВД Молдавии: журналистка Наталья Морарь задержана как организатор акций протеста в Кишиневе // Newsru.com, 08 апреля 2009". 2021-06-03 tarixində . İstifadə tarixi: 2020-05-03.
7. "Задержанная в Кишиневе Морарь оказалась однофамилицей журналистки // Lenta.ru, 09 апреля 2009". 2011-10-24 tarixində . İstifadə tarixi: 2020-05-03.