Mədət Quliyev
Mədət Qəzənfər oğlu Quliyev (27 sentyabr 1958, Gəncə, Azərbaycan SSR) — azərbaycanlı siyasətçi, general-polkovnik, polis general-mayoru və ədliyyə general-leytenantı; Azərbaycan Respublikasının müdafiə sənayesi naziri (2019-indi), Azərbaycanın 1-ci Dövlət Təhlükəsizliyi Xidmətinin rəisi (2015–2019), Azərbaycanın milli təhlükəsizlik nazirinin birinci müavini və səlahiyyətlərinin icraçısı, Azərbaycanın ədliyyə nazirinin müavini, Azərbaycanın Penitensiar Xidmətinin rəisi, Azərbaycanın Milli Qəhrəmanı.
Mədət Quliyev | |||||||
---|---|---|---|---|---|---|---|
Mədət Qəzənfər oğlu Quliyev | |||||||
| |||||||
Baş nazir | Novruz Məmmədov Əli Əsədov | ||||||
Prezident | İlham Əliyev | ||||||
Sələfi | Yavər Camalov | ||||||
Baş nazir | Artur Rasizadə Novruz Məmmədov | ||||||
Prezident | İlham Əliyev | ||||||
Sələfi | vəzifə təsis edilib | ||||||
Xələfi | Əli Nağıyev | ||||||
| |||||||
Prezident | İlham Əliyev | ||||||
| |||||||
Prezident | İlham Əliyev | ||||||
Şəxsi məlumatlar | |||||||
Partiya | Partiyasız | ||||||
Doğum tarixi | |||||||
Doğum yeri | Gəncə, Azərbaycan SSR, SSRİ | ||||||
Vətəndaşlığı | Azərbaycan | ||||||
Hərbi xidmət | |||||||
Rütbəsi | |||||||
| |||||||
Təltifləri | | ||||||
Vikianbarda əlaqəli mediafayllar |
Həyatı
Mədət Quliyev 1958-ci il sentyabrın 27-də Gəncə şəhərində mühəndis Qəzənfər və müəllimə Zambaq Quliyevlərin ailəsində anadan olub. Mədət Quliyevin babası Stalin repressiyaları zamanı qətlə yetirilib. 1965-ci ildə Gəncə şəhərində 1 nömrəli tam orta məktəbin birinci sinfinə getmiş, 1975-ci ildə Gəncə şəhərində 8 nömrəli tam orta məktəbin onuncu sinfini bitirib.
1975-ci ildən 1980-cı ilə qədər Azərbaycan Dövlət Bədən Tərbiyəsi İnstitutunda təhsil alan Mədət Quliyev, 1980-cı ildən 1982-ci ilə qədər Sovet İttifaqı Silahlı Qüvvələrinin Ermənistan və Gürcüstanda yerləşən hərbi bazaların birində həqiqi hərbi xidmətdə olub.
1971-ci ildən idmanla məşğul olan Mədət Quliyev, 1976–1980-cı illərdə sambo üzrə Azərbaycan SSR yığmasının heyətində çıxış edib və bir-sıra yarışlarda uğurlar qazanıb. Karate üzrə III dan qara Kəmərə sahib olan Mədət Quliyev, 1979-cu ildə SSRİ idman ustası normativini yerinə yetirmişdir.
Fəaliyyəti
- 1980-cı ildən həqiqi hərbi xidmətini başa vuran Mədət Quliyev, Gəncədə Dinamo İdman Cəmiyyətində təlimatçı olaraq çalışır;
- 1983-cü ildən Azərbaycan Respublikasının daxili işlər orqanlarında xidmət etmiş;
- 1992–1994-cü illərdə Terrorizm və Banditizmlə mübarizə şöbəsinin rəisi;1993-cü il 10 dekabr cinayətkar dəstənin zərərsizləşdirilməsi zamanı ağır güllə yarası alsa da, geri çəkilmədi və cinayətkarlar zərərsizləşdirildi.
- 1994–1995-ci illərdə DİN Mütəşəkkil Cinayətkarlıqla Mübarizə İdarəsinin Yevlax-Qazax Regional Şöbəsinin rəisi; Mədət Quliyevin rəhbərliyi ilə keçirilən əməliyyatlar nəticəsində respublikada fəaliyyət göstərən cinayətkar dəstələr və reket qurupları məhv edilib.Mədət Quliyev 1994-cü il oktyabr hadisələri zamanı da silahlı dəstənin zərərszləşdirilməsində iştirak edib.
- 1995–1996-cı illərdə DİN Mütəşəkkil Cinayətkarlıqla Mübarizə İdarəsinin reketlə mübarizə şöbəsinin rəisi;
- 1996–2001-ci illərdə DİN Mütəşəkkil Cinayətkarlıqla Mübarizə İdarəsinin rəis müavini;
- 2001–2002-ci illərdə həmin İdarənin rəisi;
- 2002–2004-cü illərdə DİN Baş Narkotiklərlə Mübarizə İdarəsinin rəisi;
- 2004–2006-cı illərdə Azərbaycan Respublikasında İnterpolun Milli Mərkəzi Bürosunun rəisi;
- 2006–2011-ci illərdə DİN Baş Mühafizə İdarəsinin rəisi vəzifələrində çalışmışdır.
- 2011-ci il fevralın 14-də isə Mədət Quliyev, ədliyyə nazirinin müavini, eyni zamanda da Ədliyyə Nazirliyinin Penitensiar Xidmətinin rəisi vəzifəsinə təyin edilir.
- 2015-ci il dekabrın 14-də Azərbaycan Respublikasının Dövlət Təhlükəsizliyi Xidmətinin rəisi vəzifəsinə təyin edilmişdir.
- 20 iyun 2019-cu ildə Azərbaycan Respublikasının Dövlət Təhlükəsizliyi Xidmətinin rəisi vəzifəsindən azad edilmiş və həmin tarixdə Azərbaycan Respublikasının müdafiə sənayesi naziri təyin edilmişdir.
Mükafatları
- Mədət Quliyevə, Azərbaycan Prezidenti Heydər Əliyevin 26 dekabr 1995-ci il tarixli Fərmanı ilə Azərbaycanın Milli Qəhrəmanı adı verilmişdir.
- 2005-ci il iyunun 30-da Azərbaycan Prezidenti İlham Əliyevin 866 nömrəli Sərəncamı ilə Mədət Quliyevə, polis general-mayor rütbəsi verilmişdir.
- 2012-ci il noyabrın 20-də Azərbaycan Prezidenti İlham Əliyevin 2552 nömrəli Sərəncamı ilə Mədət Quliyevə, ədliyyə general-leytenantı ali xüsusi rütbəsi verilmişdir.
- Azərbaycan Prezidenti İlham Əliyevin 26 noyabr 2014-cü il tarixli 881 nömrəli Sərəncamı ilə Mədət Quliyev, III dərəcəli "Vətənə xidmətə görə" ordeni ilə təltif edilmişdir.
- Mədət Quliyev, Azərbaycan Prezidenti İlham Əliyevin 26 mart 2018-ci il tarixli Sərəncamı ilə II dərəcəli "Vətənə xidmətə görə" ordeni ilə təltif edilmişdir.
- 26 sentyabr 2018-ci il tarixində Azərbaycan Respublikası Prezidentinin 509 nömrəli Sərəncamı ilə Mədət Quliyevə general-polkovnik ali hərbi rütbəsi verilmişdir.
Ailəsi
Mədət Quliyev ailəlidir, 4uşağı var. Murad və Qəzənfər adında iki oğlu, Xədicə və Umayra adında iki qızı var.
İstinadlar
- ↑ Azərbaycanın Milli Qəhrəmanı, general-polkovnik
- "Dinamo" Cəmiyyəti
- Terrorizm və Banditizmlə mübarizə
- cinayətkar dəstənin zərərsizləşdirilməsi zamanı ağır güllə yarası alsa da, geri çəkilməmiş və cinayətkarlar zərərsizləşdirilmişdir
- Mütəşəkkil Cinayətkarlıqla Mübarizə İdarəsi
- Mədət Quliyevin rəhbərliyi ilə keçirilən əməliyyatlar nəticəsində respublikada fəaliyyət göstərən cinayətkar dəstələr və reket qurupların məhv edilməsi
- Mədət Quliyev 1994-cü il oktyabr hadisələri zamanı da silahlı dəstənin zərərszləşdirilməsində iştirak edib
- İnterpolun Azərbaycandakı Milli Mərkəzi Bürosunun rəisi
- DİN-in Baş Mühafizə İdarəsinin rəisi və Bakı şəhər Baş Polis İdarəsinin rəis müavini vəzifəsinə təyinatlar
- "M.Q.Quliyevin Azərbaycan Respublikasının Dövlət Təhlükəsizliyi Xidmətinin rəisi vəzifəsindən azad edilməsi haqqında Azərbaycan Respublikası Prezidentinin 20 iyun 2019-cu il tarixli Sərəncamı" (azərb.). president.az. 2019-06-20. 2019-06-20 tarixində . İstifadə tarixi: 2019-06-20.
- "M.Q.Quliyevin Azərbaycan Respublikasının müdafiə sənayesi naziri təyin edilməsi haqqında Azərbaycan Respublikası Prezidentinin 20 iyun 2019-cu il tarixli Sərəncamı" (azərb.). president.az. 2019-06-20. 2019-06-20 tarixində . İstifadə tarixi: 2019-06-20.
- . 2017-08-22 tarixində orijinalından arxivləşdirilib. İstifadə tarixi: 2019-03-11.
- "Vətənə xidmətə görə" ordeni
- Ali hərbi rütbəRead more: https://sputnik.az/life/20180926/417195156/medet-quliyev-herbi-rutbe.html