Mehriban Xanlarova

Xanlarova Mehriban Aslan qızı (12 avqust 1967(1967-08-12), Bakı) — Azərbaycan aktrisası.

Mehriban Xanlarova
Mehriban Aslan qızı Xanlarova
Doğum tarixi	12 avqust 1967 (53 yaş)
Doğum yeri	Bakı, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Fəaliyyəti	aktrisa
Təhsili	ADMİU
Mükafatları
IMDb	ID 2928466

Həyatı

Mehriban Xanlarova 1967-ci il avqust ayının 12-də Bakıda anadan olub. Yasamal rayonundakı 190 saylı orta məktəbi 1984-cü ildə bitirib. İki il Bakıdakı uşaq oyuncağı fabrikində işləyib. 1986-cı ildə Azərbaycan Dövlət İncəsənət İnstitutunun Dram və kino aktyorluğu fakültəsinə daxil olub. 1990-cı ildə görkəmli aktyor, xalq artisti Məlik Dadaşovun rəhbərlik etdiyi kursu qurtarıb.

Bir müddət azad sənətkar kimi teletamaşalarda oynayıb, "Azərbaycanfilm" kinostudiyasında "Kənar adamlar" (Flora), "Qəzəlxan" (katibə), "Xoşbəxtlər" (müğənninin arvadı) filmlərinə çəkilib. Türkiyənin TRT 1 televiziya kanalının dəvətilə orada "Bizim məhəllə" (Səda) və "Cinlər və pərilər" (Leyla) telefilmlərində əsas rolları ifa edib. 1998-ci il yanvar ayının 1-də Akademik Milli Dram Teatrının aktyor truppasına aktrisa kimi qəbul olunub. İndiyə qədər bu teatrın səhnəsində çox sayda rol alıb. Teatrda işlədiyi illərdə Azərbaycan Dövlət Televiziyasında İlyas Əfəndiyevin "Məhv olmuş gündəliklər" (Anjel) teletamaşasında oynayıb.

Mükafatları

24 dekabr 2002-ci ildə Azərbaycan Respublikasının əməkdar artisti fəxri adına layiq görülüb. 9 may 2012-ci ildə, 30 aprel 2014-cü ildə, 6 may 2015-ci ildə, 6 may 2016-cı ildə, 1 may 2017-ci ildə, 10 may 2019-cu ildə, 7 may 2020-ci ildə və 7 may 2021-ci ildə Prezident Mükafatına layiq görülüb.

Mehriban Xanlarova 2018-ci ildə "Manqurt" tamaşasında ifa etdiyi Nayman Ana obrazına görə, Bişkekdə keçirilən Çingiz Aytmatovun 90 illik yubileyinə həsr olunmuş "Aytmatov və teatr" festivalında "İkinci planda ən yaxşı qadın rolu" nominasiyasının qalibi olub.

• SSRİ xalq artisti müğənni Zeynəb Xanlarovanın qardaşı qızıdır.

Filmoqrafiya

1. Ayrılıq imiş (film, 2008)
2. Bəxtəvər (film, 1990)
3. Bircəciyim (film, 1986)
4. Biz qayıdacağıq (film, 2007)
5. Bizim Məhəllə-Səda (Türkiyə)
6. Bomba (film, 2005)
7. Böyük ömrün davamı (film, 2007)
8. Cinlər və Pərilər-Leyla (Türkiyə)
9. Ərazi (film, 2005)
10. Həkimlər
11. Kənar adamlar (film, 1992)
12. Kuklalar (film, 2009)
13. Qəzəlxan (film, 1991)
14. Məhkumlar (film, 2007)
15. Məhv olmuş gündəliklər (film, 1999)
16. Rami (film, 2007)
17. Rejissor. Ramiz Əsgərov haqqında... (film, 2004)
18. Sahilsiz gecə (film, 1989)
19. Satko
20. Sifarişçi (film, 2000)
21. Son arzu (film, 2003)
22. Şəbəkə (film, 2011)
23. Təlatüm (film, 2006)
24. Toy gecəsi (serial, 2013)
25. Lal Yuxu (teleserial, 2017)
26. Taxta Ayı (serial, 2018)

İstinadlar

1. IMDb — 1990.
   <a href="https://wikidata.org/wiki/Track:P345"></a><a href="https://wikidata.org/wiki/Track:Q37312"></a>
2. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
3. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
4. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
5. President.Az (01.05.2017). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2017-05-02.
6. President.Az (10.05.2019). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-05-10.
7. President.Az (07.05.2020). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-05-07.
8. President.Az (07.05.2021). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2021-05-07.
9. Qafqazinfo (18.11.2018). "Mehriban Xanlarova Bişkekdə mükafat aldı" (azərb.). Qafqazinfo.az. İstifadə tarixi: 2018-11-18.