Maqsud Məmmədov (baletmeyster)
Maqsud Davud oğlu Məmmədov — baletmeyster, rəqs quruluşçusu, Azərbaycan SSR xalq artisti (1970).
Maqsud Məmmədov | |
---|---|
Maqsud Davud oğlu Məmmədov | |
Doğum tarixi | |
Doğum yeri | Gəncə, Azərbaycan SSR, ZSFSR, SSRİ |
Vətəndaşlığı | SSRİ→ Azərbaycan |
Həyat yoldaşı | Rəfiqə Axundova |
Fəaliyyəti | baletmeyster |
Mükafatları |
Həyatı
Maqsud Məmmədov 30 may 1929-cu ildə Gəncədə doğulub. Rəqslə erkən yaşlarından məşğul olub. Moskva Xoreoqrafiya Məktəbini bitirdikdən sonra 1951-1961-ci illərdə Azərbaycan Dövlət Opera və Balet Teatrının solisti işləyib.
Maqsud Məmmədov həm milli baletlərimizdə, həm də dünya klassiklərinin əsərlərində mürəkkəb partiyaları böyük uğur və şərəflə ifa edib. Sənətkarın ifa yaradıcılığının əsasını Polad ("Qız qalası", Əfrasiyab Bədəlbəyli), Mənzər, Lenni ("Yeddi gözəl" və "İldırımlı yollarla", Qara Qarayev), Fərhad ("Məhəbbət əfsanəsi", Arif Məlikov), Azad ("Gülşən", Soltan Hacıbəyov), Pərviz ("Qaraca qız", Əşrəf Abbasov), Albert ("Jizel", Adolf Adan), Dezire, Ziqfrid, Şahzadə ("Yatmış gözəl", "Sonalar gölü" və "Şelkunçik" Pyotr Çaykovski), Xli Şan Fu və Ma Li Çen ("Qırmızı lalə", Reynqold Qlier), Pyero ("Qızıl açar", Boris Zeydman), kolen ("Arlekinada", Rikardo Driqo), Vatslav ("Bağçasaray fəvvarəsi", Boris Asafyev), Frondoso ("Laurensisa", Aleksandr Kreyn), Qəhrəman ("Şopeniana", Frederik Şopen), Bazil ("Don Kixot", Lüdviq Minkus) obrazlarının ifası təşkil edir.
Arif Məlikovun "Məhəbbət əfsanəsi" baletindəki Fərhad rolu Maqsud Məmmədovun ən uğurlu işlərindəndir. O, Azərbaycan Opera və Balet Teatrının Monte-Karlo, Fransa, Lüksemburq qastrollarında qalib olub.
Maqsud Məmmədov xalq artisti Rəfiqə Axundovanın əridir.
Təltif və mükafatları
- "Azərbaycan SSR əməkdar artisti" fəxri adı — 30 aprel 1955
- "Azərbaycan SSR xalq artisti" fəxri adı — 21 may 1970
- "Qırmızı Əmək Bayrağı" ordeni — 9 iyun 1959
- "Şöhrət" ordeni — 29 may 2019
Quruluş verdiyi baletlər
Rəfiqə Axundovayla birgə
- Xəzər balladası (1968)
- Qobustan kölgələri (1969)
- Yallı (balet)(1969) xoreoqrafik miniatürü
- Ləzgihəngi (balet)(1969) - xoreoqrafik miniatürü
- Azərbaycan süitası (1969)
- Kaleydoskop (1971)
- Muğam (1972) xoreoqrafik miniatürü
- Üç inqilab (1973)
- İldırımlı yollarla (1975)
- Yeddi gözəl (1978)
- Babək (1986)
Filmoqrafiya
- Doğma xalqıma (film, 1954)
- Dədə Qorqud (film, 1975)
- Qayınana (film, 1978)
- Yeddi gözəl (film, 1982)
- Qərib cinlər diyarında (film, 1977)
- Bəyin oğurlanması (film, 1985)
- Bir qəlbin iki dastanı (film, 2001)
İstinadlar
Xarici keçidlər
- Xoreoqraf Şəhriyar Cəfərov: "Milli folklor rəqslərimiz uçurum astanasındadır"[ölü keçid]
- Şəhriyar Cəfərov: "Bu ölkədə vətənpərvərlik yad janra çevrilib"
- “Balet, ömrüm mənim” sənədli filmi təqdim edilib