Linkoln (film, 2012)
Linkoln — Stiven Spilberqin ərsəyə gətirdiyi epix tarixi dram filmi. Filmdə Deniel Dey-Lüis ABŞ prezidenti Abraham Linkolnu, Selli Fild isə Meri Todd Linkolnu canlandırır. Film Abraham Linkolnun həyatının son dörd ayını əhatə edir.
Linkoln | |
---|---|
ing. Lincoln | |
Janr | bioqrafik, dram, tarixi |
Rejissor | Stiven Spilberq |
Prodüser | Stiven Spilberq Ketlin Kennedi |
Əsərin müəllifi | Doris Kirns Qudvin |
Ssenari müəllifi | Toni Kuşner |
Baş rollarda | Deniel Dey-Lüis Selli Fild Devid Stretheirn Cozef Qordon-Levitt Tommi Li Cons və b. |
Operator | Yanuş Kaminski |
Bəstəkar | Con Vilyams |
İstehsalçı | 20th Century Fox Volt Disney Studiyası |
İlk baxış tarixi | 8 oktyabr 2012 (Nyu-York Film Festivalı) 9 noyabr 2012 (ABŞ) |
Rəng | rəngli |
Vaxt | 150 dəq. |
Büdcə | 65 mln. $ |
Gəlir | $275,293,450 |
Ölkə | ABŞ |
Dil | ingilis dili |
İl | 2012 |
IMDb | ID 0443272 |
Filmin çəkilişləri 17 oktyabr 2011-ci ildə başladı və həmin il 19 dekabrda bitdi. 8 oktyabr 2012-ci ildə filmin Nyu-York Film Festivalında premyerası baş tutdu.
Film kritiklər tərəfindən çox təriflər aldı. Əsas müzakirə mövzularından biri isə Deniel Dey-Lüisin yaratdığı obraz idi, hansı ki, ona həm Qızıl Qlobus və Oskar mükafatı qazandırdı. Ümumilikdə film yeddi sahə üzrə Qızıl Qlobusa və 12 sahə üzrə Oskar mükafatına nominasiya oldu. Film 275 milyon dollardan çox gəlir gətirdi.
Haqqında
Deniel Dey-Lüis Stiven Sbilberqin rəhbərliyi altında çəkilən ilk kino akyoru idi ki, bu roluna görə Oskar Mükafatı qazandı. Əvvəlcə Dey-Lyuis bu rolu oynamağa razılaşmamışdı. 2005-ci ildə bu rolda Liam Nisonun olacağı təsdiqləndi. Lakin 2010-cu ildə Liam Nison artıq yaşının çox olduğunu səbəb gətirərək proyektdən imtina etdi. Çünki filmdə Linkolnun 55-56 yaşları təsvir ediləcəkdi, Nisonun isə artıq 60 yaşı olacaqdı. Nisonun proyektdən uzaqlaşmasından sonra Sbilberq Dey-Lyuis variantına geri döndü. Dey-Lyuis əvvəlkitək razılaşmaq istəməsə də, Leonardo DiKaprio ilə söhbətdən sonra proyektdə yer almağa razılıq verdi.
Dey-Lyuis üçün əslində bir çox ilklər oldu. Belə ki, o "Ən Yaxşı Aktyor" sahəsində üç Oskar alan ilk məşhur oldu. Həmçinin kino tarixində Linkoln roluna görə də Oskar alan ilk aktyor oldu.
Spilberq tam 12 il kino haqqında məlumatlar topladı. O Abraham Linkolnun otağını eynilə düzəltmək istəyirdi, ona görə də eyni divar kağızından istifadə etdi və otağa Linkolnun oxuduğu kitabları yığdı. Hətta filmdə Linkolnun saatının səsi Linkolnun həqiqətən öz saatının səsidir. Bu saat hal-hazırda Kentuki Tarix Cəmiyyətində saxlanılır. Həmin cib saatını Linkoln öldürüldüyü gün özü ilə götürmüşdü.
Çəkilişlər zaman Spilberq artıq Dey-Lyuisə "Cənab Prezident" və Selli Fildə "Misis Lincoln" və ya "Molli" deyə müraciət edirdi. Bundan əlavə Spilberq hətta klassik geyimlə çəkilişə gəlirdi və deyirdi ki, bu kimi gözəl tarixi filmin çəkilişlərində şortla 21-ci əsr adamı kimi görünmək istəmirəm. Qeyd edək ki, Abraham Linkoln həqiqətən də Meri Todd Linkolna bəzən "Molli" deyə müraciət edirdi.
Demək oalr ki, filmdə yaradılan hər bir obraz həqiqi şəxsi əks etdirir və filmdə göstərilən bütün hadisələr və fikirlər həqiqətə dayanır.
Filmdə mister və misis Colli rollarını canlandıran aktyor Bill Kemp və aktrisa Elizabet Marvel real həyatda da evlidirlər.
Obrazlar
- Deniel Dey-Lüis — ABŞ Prezidenti Abraham Linkoln rolunda
- Selli Fild — ABŞ-ın birinci xanımı Meri Todd Linkoln rolunda
- Qloriya Ruben — Elizabet Kekli rolunda
- Cozef Qordon-Levitt — Robert Tod Linkoln rolunda
- Qulliver Makqraf — Tomas "Ted" Linkoln rolunda
- Stefen Henderson — Prezidentin sağ əli Vilyam Sleyd rolunda
- Elizabet Marvel — Misis Colli rolunda
- Hel Holbruk — Frensis Preston Bleyr rolunda
- Tommi Li Cons — Respublikaçı konqresmen Tadeus Stivens rolunda
Səhvlər
- Meri Linkoln Robertin snayper tərəfindən öldürüləcəyindən narahat olur. Lakin o vaxtlar "snayper" sözü Amerikada işlənmirdi və ekvivalent olaraq "sharp shooter" termini işlədilirdi.
- Filmin əvvəllərində Tadeus Stivens otağını tərk edir. O qapını açır və qapı avtomatik qapı bağlanan vasitəsilə bağlanır, hansı ki, 1880-ci illərdə kəşf olunmuşdu.
- Filmdə Tomas Linkolnun nitqi təmizdir və dediyi hər şey başa düşülür. Əslində isə onun danışığında problemlər olduğu və sözləri anlaşılmaz tələffüz etdiyi deyilir.
İstinadlar
- "Lincoln 2012 General information" (ingilis). bbfc.co.uk. İstifadə tarixi: 3 fevral 2014.
- "Lincoln 2012 Cast" (ingilis). insidemovies.ew.com. İstifadə tarixi: 30 yanvar 2014.
- "Lincoln 2012 Shot start date" (ingilis). Hollywoodreporter.com. İstifadə tarixi: 30 yanvar 2014.
- (ingilis). progress-index.com. 2012-11-25 tarixində orijinalından arxivləşdirilib. İstifadə tarixi: 30 yanvar 2014.
- "Lincoln 2012 Gross" (ingilis). Boxofficemojo.com. İstifadə tarixi: 29 yanvar 2014.
- "Lincoln 2012 Trivia" (ingilis). İMDb.com. İstifadə tarixi: 2 fevral 2014.
- "Lincoln 2012 Abraham Linkoln" (ingilis). slashfilm.com. İstifadə tarixi: 30 yanvar 2014.
- "Lincoln 2012 Mary Todd Lincoln" (ingilis). collider.com. İstifadə tarixi: 2 fevral 2014.
- ↑ "Gordon-Levitt and Lee Jones join Spilberg's Lincoln" (ingilis). themoviemash.com. İstifadə tarixi: 2 fevral 2014.
- ↑ "Lincoln 2012 Goofs" (ingilis). IMDb.com. İstifadə tarixi: 2 fevral 2014.