Kamran Abdullazadə

Kamran Nazim oğlu Abdullazadə (20 mart 1995, Lənkəran) – yarımmüdafiəçi mövqeyində çıxış edən Azərbaycan futbolçusu. "Xəzər Lənkəran", "Sumqayıt", "Kəpəz" klublarında çıxış etmişdir. Karyerasını Region Liqasında davam etdirir.

Kamran Abdullazadə
Ümumi məlumatlar
Doğum tarixi	20 mart 1995(1995-03-20)(29 yaş)
Doğum yeri	Lənkəran, Lənkəran rayonu, Azərbaycan
Vətəndaşlığı	Azərbaycan
Mövqeyi	yarımmüdafiəçi
Karyerası
Klub karyerası 2011–2013 Xəzər Lənkəran 5 (0) 2013 MOİK 0 (0) 2016–2017 Sumqayıt 10 (0) 2017–2018 Kəpəz 10 (0) Milli yığma 2009 ? (0) 2010 ? (0) 2011 3 (0) 2013 Azərbaycan U-19 1 (0) 2017 ? (0)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Həyatı

Kamran Abdullazadə futbol oynamağa "Xəzər Lənkəran" klubunun aşağı yaş qruplarında Bəxtiyar Mirseyidovun məşqçiliyi altında başlamışdır. Burada 4 il boyunca çıxış etmişdir. 2009-cu ildə "Xəzər Lənkəran" klubunun gənclər komandasına cəlb olunmuşdur. Burada məşqçisi Namiq Qarayev olmuşdur.

Klub karyerası

Çempionat

Kamran Abdullazadə 2011-ci ildə Azərbaycan çempionatında çıxış edən "Xəzər Lənkəran" klubunun əsas heyətində oynamağa başlamışdır. 2013-cü ilin oktyabrında hərbi xidmətə çağırılmış və Azərbaycanın ordu klubu olan MOİK-ə cəlb olunmuşdur. Lakin 2013-cü ilin dekabrında iki klub arasında razılaşma əldə olunmuş və futbolçu "Xəzər Lənkəran" klubuna qayıtmışdır. Doğma klubuna qayıtdıqdan sonra klubun türkiyəli yeni baş məşqçisi Mustafa Dənizli tərəfindən komandanın əsas heyət üzvünə çevrilmişdir. 2012/13 mövsümündə "Xəzər Lənkəran" klubunun tərkibində (UEFA Avropa Liqası) yarışlarında iştirak etmişdir.

"Xəzər Lənkəran" klubundan ayrıldıqdan sonra 2016-cı ildə "Sumqayıt" klubuna, 2017-ci ildə "Kəpəz" klubuna transfer olmuşdur. Daha sonra karyerasına Region Liqasında çıxış edən klublarda davam etdirməyə başlamışdır. 2020-ci ildə "", 2022-ci ildə "Xan Lənkəran" klubuna keçmişdir.

Kubok

Abdullazadə 2013-cü ildə baş tutmuş Azərbaycan Superkuboku oyununda "Neftçi" klubuna qarşı oynamışdır.

№	Tarix	Turnir	Klub	Rəqib	Hesab
1	23 oktyabr 2013	Azərbaycan Superkuboku (2013)	"Xəzər Lənkəran"	"Neftçi"	2:1

Milli komanda

Kamran Abdullazadə Azərbaycan millisinin U-15, U-16, U-17 və U-19 futbol komandalarında çıxış etmişdir. U-17 milli komandasında 25 oktyabr 2011-ci ildə Avropa çempionatı çərçivəsində Xorvatiyaya qarşı oyunda debüt etmişdir. Oyun Azərbaycanın 2:1 hesablı qələbəsi ilə başa çatmışdır. U-19 komandasında isə 12 oktyabr 2013-cü ildə Avropa çempionatı çərçivəsində Bosniya və Herseqovinaya qarşı keçirilmiş oyunda debüt etmişdir. Oyun 0:0 hesabı ilə başa çatmışdır.

2017-ci ildə heyətinə dəvət almış və Bakıda keçirilmiş İslam Həmrəyliyi Oyunlarının futbol turnirində iştirak etmişdir.

Uğurları

"Xəzər Lənkəran"

• Azərbaycan çempionatı: ikincilik (2011, 2012)
• Azərbaycan Kuboku: qalib (2011)
• Azərbaycan Superkuboku: qalib (2013).

İstinadlar

1. Kamran Abdullazada // Transfermarkt (çd.). 2000.
2. "«Xəzər Lənkəran» iki futbolçu icarəyə götürüb". Publika.az (az.). 10 yanvar 2014 tarixində . İstifadə tarixi: 4 avqust 2023.
3. "Premyer Liqada qış bazarlığı". Xəzər Xəbər (az.). 10 yanvar 2014 tarixində . İstifadə tarixi: 4 avqust 2023.
4. "Mustafa Dənizli göstəriş verdi, «Xəzər Lənkəran» 2 futbolçu icarəyə götürdü". İdman Xəbər (az.). 10 yanvar 2014 tarixində . İstifadə tarixi: 4 avqust 2023.
5. "Avropa Liqası: "Xəzər Lənkəran"ın UEFA-ya təqdim etdiyi ilk siyahı". AzNews (az.). 22 iyun 2013. 10 yanvar 2014 tarixində . İstifadə tarixi: 4 avqust 2023.
6. "Abdullazadə "Sumqayıt"da". Sportnet (az.). 15 iyun 2016. İstifadə tarixi: 4 avqust 2023.^{[ölü keçid]}
7. "Kamran Abdullazadə Region Liqasında". Sportfm (az.). 3 fevral 2020. İstifadə tarixi: 4 avqust 2023.
8. ""Xan Lənkəran" daha iki "Xəzər Lənkəran"lını geri qaytardı". Rekord.az (az.). 16 yanvar 2022. İstifadə tarixi: 4 avqust 2023.
9. "«Xəzər Lənkəran» Azərbaycan Superkubokunun qalibi oldu". Lənkəran FC (az.). 29 may 2014 tarixində . İstifadə tarixi: 4 avqust 2023.
10. "Khazar Lankaran vs. Neftçi 2:1". Soccerway (az.). 19 iyul 2015 tarixində . İstifadə tarixi: 4 avqust 2023.
11. "Croatia U17 vs. Azerbaijan U17". Soccerway (ingiliscə). 7 dekabr 2013 tarixində . İstifadə tarixi: 4 avqust 2023.
12. "Azerbaijan U19 vs. Bosnia-Herzegovina U19 0:0" (ingiliscə). 6 dekabr 2013 tarixində . İstifadə tarixi: 4 avqust 2023.
13. "U-23 millimiz IV İslam Həmrəyliyi Oyunlarına Bakıda hazırlaşacaq". Etik Xəbər (az.). 4 mart 2017. İstifadə tarixi: 4 avqust 2023.

Xarici keçidlər

• Peşəkar Futbol Liqasının saytında