Hanako-san

Toyre no Hanako-san (トイレの花子さん, hərf. "Tualetdəki Hanako-san") və ya sadəcə Hanako-san – tualetlərdə məskunlaşmış Hanako adlı gənc qızın ruhundan bəhs edən yapon şəhər əfsanəsi. Bir çox şəhər əfsanəsində olduğu kimi Hanako-san əfsanəsi ilə bağlı detallar müxtəlifdir. Hekayənin müxtəlif versiyalarında Hanako-sanın İkinci Dünya müharibəsində gizlənpaç oynayarkən hava hücumu zamanı öldürüldüyü göstərilir. Digər versiyalara görə o, valideyni tərəfindən öldürülüb və ya bullinq səbəbilə məktəb tualetində intihar edib.

Hanako-sanla bağlı əfsanələr Yaponiya məktəblərində olduqca populyardır. Hanako-san haqqında filmlər, manqalar, animelər və videooyunlar hazırlanmışdır. Bəzi əsərlərdə Hanako-sanın oğlan versiyası olan Hanako-kun uydurulmuşdur.

Tarixi

Folklorşünas araşdırmasına görə Hanako-sanla bağlı əfsanələr 1950-ci illərdə ortaya çıxmışdır. "Yokay kitabı: Yaponiya folklorunun müəmmalı varlıqları" kitabının müəllifi Dilan Fosterə görə Hanako-sanın bu cür məşhur şəhər əfsanəsi olmasına səbəb Yaponiyadakı bütün məktəblərlə əlaqələndirilməsidir. 1990-cı illərdən etibarən Hanako-san filmlərdə peyda olmağa başlamış və populyar mədəniyyətin bir hissəsinə çevrilmişdir.

Əfsanə

Şəhər əfsanəsinə görə Hanako-san məktəb tualetlərində məskunlaşmış gənc bir qızın ruhudur. O, yokay və ya kimi təsvir oluna bilər. Hanako-sanın fiziki görünüşü haqqında detallar müxtəlifdir, lakin əsasən kare saç düzümündə və qırmızı paltarda təsvir olunur. Hanako-sanın mənşəyi haqqında müxtəlif versiyalar var. Bəzi versiyalarda Hanako-san yad biri və ya istismarçı valideyn tərəfindən məktəb tualetində öldürülmüş uşaqdır. Digər versiyalarda o, məktəb tualetində intihar edib. Bəzi versiyalarda isə o, İkinci Dünya müharibəsi dövründə yaşamış, gizlənpaç oynayarkən məktəb tualetində gizlənib ölən hava hücumu qurbanıdır.

Hanako-sanı çağırmaq istəyən şəxs qızlar tualetinə daxil olmalı (adətən məktəbin üçüncü mərtəbəsindəki), tualetdəki üçüncü qapını üç dəfə döyməli və Hanako-sanın orada olub-olmadığını soruşmalıdır. Əgər Hanako-san oradadırsa, "Bəli, burdayam" cavabı verəcək. Hekayənin bəzi versiyalarında qeyd olunur ki, şəxs qanlı və ya kabuslu əl görəcəklər. Əl və ya Hanako-san şəxsi tualetə doğru çəkə və onu cəhənnəmə gətirə bilər. Digər versiyada qeyd olunur ki, şəxs Hanako-sanı narahat etdiyi üçün üç başı olan kərtənkələ tərəfindən yeyilə bilər.

Populyar mədəniyyətdə

Hanako-san personajı filmlərdə, ədəbiyyatda, manqalarda, animelərdə və videooyunlarda peyda olmuşdur. Hanako-san haqqında çəkilən ilk film 1995-ci il istehsalı "" filmidir. Filmdə Hanako-san intihar etmiş bir qızın məktəb tualetində məskunlaşmış ruhudur. 1998-ci ildə "" filmi çəkilmişdir. Filmdə Hanako-san ölməzdən öncə təhsil aldığı orta məktəbdə məskunlaşmış qisasçı kabusdur. 2013-cü ildə onun haqqında "" filmi çəkilmişdir.

Sakae Esuo tərəfindən yaradılmış "" manqa seriyası Hanako-san kimi şəhər əfsanələrini araşdıran özəl detektiv haqqındadır. 2014-cü ildə serializasiya olunmağa başlayan "" manqa seriyası Hanako-sanın oğlan versiyası Hanako-kundan bəhs edir. Manqa əsasında çəkilən anime serialı 2020-ci ildə yayımlanmağa başlamışdır. Hanako-sanın peyda olduğu digər anime seriallarına "", "" və "" aiddir.

Həmçinin bax

• Qanlı Məryəm
• Teke Teke

İstinadlar

1. Meyer, Matthew. "A-Yokai-A-Day: Hanako-san (or "Hanako of the Toilet")". MatthewMeyer.net. 27 October 2010. 5 April 2019 tarixində arxivləşdirilib. İstifadə tarixi: 7 August 2019.
2. Grundhauser, Eric. "Get to Know Your Japanese Bathroom Ghosts". . 2 October 2017. 27 December 2019 tarixində arxivləşdirilib. İstifadə tarixi: 12 July 2019.
3. Yoda, Alt, 2013. səh. 237
4. Bathroom Readers' Institute, 2013. səh. 178
5. Meza-Martinez, Cecily; Demby, Gene. "The Creepiest Ghost And Monster Stories From Around The World". NPR. National Public Radio, Inc. 31 October 2014. 4 September 2020 tarixində arxivləşdirilib. İstifadə tarixi: 6 August 2019.
6. From Travel + Leisure. "World's most haunted forests". BBCc.com. İstifadə tarixi: 19 September 2020.
7. Dylan Foster, 2015. səh. 272
8. Harper, 2009. səh. 19–20
9. Yoda, Alt, 2013. səh. 268
10. Harper, 2009. səh. 19–21
11. Eisenbeis, Richard. "A Manga About Urban Horror Stories Become Real". Kotaku. . 14 September 2015. 7 August 2019 tarixində arxivləşdirilib. İstifadə tarixi: 7 August 2019.
12. Pineda, Rafael Antonio. "Lerche Animates Toilet-Bound Hanako-kun Anime for 2020 Premiere". Anime News Network. 4 July 2019. 24 September 2019 tarixində arxivləşdirilib. İstifadə tarixi: 7 August 2019.
13. Hodgkins, Crystalyn. "Toilet-Bound Hanako-kun Anime Reveals Visual, More Staff". Anime News Network. 13 July 2019. 11 September 2019 tarixində arxivləşdirilib. İstifadə tarixi: 7 August 2019.
14. Orsini, Lauren. "Episode 5 - Kyōkai no Rinne". Anime News Network. 6 May 2015. 7 August 2019 tarixində arxivləşdirilib. İstifadə tarixi: 7 August 2019.
15. Silverman, Rebecca. "Episode 10 - GeGeGe no Kitarō". Anime News Network. 3 June 2018. 7 August 2019 tarixində arxivləşdirilib. İstifadə tarixi: 7 August 2019.

Ədəbiyyat

• Bathroom Readers' Institute. Uncle John's the Haunted Outhouse Bathroom Reader for Kids Only!: Science, History, Horror, Mystery, and... Eerily Twisted Tales. . 2013. ISBN .
• Dylan Foster, Michael. The Book of Yokai: Mysterious Creatures of Japanese Folklore. . 2015. ISBN .
• Harper, Jim. Flowers from Hell: The Modern Japanese Horror Film. Noir Publishing. 2009. ISBN .
• Yoda, Hiroko; Alt, Matt. Yokai Attack!: The Japanese Monster Survival Guide. . 2013. ISBN .