Google Chrome

Google Chrome - Chromiumun və Blink mühərriki əsasında Google tərəfindən hazırlanmış bir brauzerdir (2013-cü ilin aprel ayına qədər Vebkit adından istifadə edilmişdir). İlk ictimai beta versiyası 2 sentyabr 2008-ci ildə, ilk sabit — 11 dekabr 2008-ci ildə buraxıldı. StatCounter-ın məlumatına görə, 300 milyon istifadəçisi olan Chrome Dünyanın ən məşhur brauzeridir - 2018-ci ilin sentyabr ayının bazar payı 60.6% təşkil edir.

Google Chrome
Tipi	Brauzer
İnkişaf etdirici	Google
Proqramlaşdırma dili	C++
Əməliyyat sistemi	Microsoft Windows, Linux, macOS, Android, İOS, Google Chrome
İnterfeysin dili	çoxdilli^[d]
Yayımlanma tarixi	2 sentyabr 2008
Platforma	İA-32^[d], x86_64^[d], ARM^[d]
Sonuncu versiya	İOS: 92.0.4515.90 (20 iyul 2021) Microsoft Windows: 92.0.4515.131 (2 avqust 2021) Android: 92.0.4515.131 (2 avqust 2021)
Beta versiya	Microsoft Windows: 93.0.4577.18 (29 iyul 2021)
Lisenziya	freeware
Sayt	google.com/chrome/​ (ing.)
Vikianbarda əlaqəli mediafayllar

Tarixi

Rəsmi çıxış tarixi 3 sentyabr 2008-ci il olan bu yeni brauzerin xüsusiyyətlərini və yaradılma səbəbini açıqlayan, Scott McCloud tərəfindən yaradılan karikatura jurnalistlərə və bloqlara göndərilmişdir. 4 Avropa üçün hazırlanan kopyalar Philipp Lenssennin Google Blogoscopedda verilmişdir. 38 səhifəlik karikatura 1 sentyabr 2008-ci ildən etibarən səhifələrində yer almaqdadır. Dərhal ardından Google, Google Books adıyla karikaturaları öz saytında yayımlamağa başladı və rəsmi bloqunda bundan bəhs etdi.

Dizayn

Öncə dizayn məqsədləri, mövcud olan brauzerlərin arasında təhlükəsizliyi inkişaf etdirmək, sürət və dayanıqlılığı təmin etmək. Bunlarla yanaşı, geniş bir istifadəçi interfeysi dəyişməsi edilmişdir.Chrome, Google və Netscape kimi digər üçüncü tərəf proqramlardan ibarət olan 26 fərqli kod kitabxanasında yaradılmışdır.

Təhlükəsizlik

Chrome periodik olaraq iki ədəd qara listəni (phishing və malware) yeniləməkdədir.Və istifadəçilər zərərli saytları ziyarət etməyi yoxlayanda onları xəbərdar edər. Bu xidmət digər istifadəçilər tərəfindən, "Google Safe Browsing API" adıyla xatırlanan cəmiyyətə açıq sahə vasitəsiylə istifadə edilir.

Görünüşü

İstifadəçi interfeysi əsas olaraq geri, irəli, yenilə, saytlar, get və ləğv seçimləri daxildir. Bu seçimləri Safari ilə bənzərdir. Parametrləri isə İnternet Explorer 7 / 8 ilə oxşardır.pəncərəni bağlama düymələri isə Windows Vistaya əsas alınmışdır.

Qiymətləndirmə

"The Daily Telegraph yazarı Matthew Moore, proqramı ilk yoxlayanlardan biri olaraq bu qiymətləndirməyi etmişdir:" Google Chrome göz oxşayan, sürətli və təsirli yeni xüsusiyyətlərə malik lakin hələ Microsoftu təhdid edən bir rəqib deyil. "

Microsoft'dan edilən şərh: "Chrome tərəfindən gələn hədəni ciddiyə almırıq" və "bir çox insanın İnternet Explorer 8-i seçəcəyini təxmin edirik." Opera Software: "Chrome, ən böyük tətbiq platforması olaraq İnternetdə güclənəcəkdir." Mozilla isə Chrome-un veb brauzer bazarına girməsinin sürpriz olmadığını və Chrome-un Firefox-un rəqibi olma kimi bir hədəfi olmadığını bildirib.

İstinadlar

1. Google Chrome now live — 0009.
2. Chrome for iOS Update — 2021.
3. Stable Channel Update for Desktop — 2021.
4. Chrome for Android Update — 2021.
5. Beta Channel Update for Desktop — 2021.
6. Google Chrome Terms of Service