Elşən Məmmədov (əsgər, 1992)
Elşən Vaqif oğlu Məmmədov (d. 1992; Bolnisi, Gürcüstan — ö. 25 sentyabr 2015; Azərbaycan) — Azərbaycan Silahlı Qüvvələrinin əsgəri. 2015-ci ildə Azərbaycan-Ermənistan təmas xəttində ermənilərin atəşkəs rejimini pozması nəticəsində şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.
Elşən Məmmədov | |
---|---|
Elşən Vaqif oğlu Məmmədov | |
Şəxsi məlumatlar | |
Doğum tarixi | |
Doğum yeri | Bolnisi, Gürcüstan |
Vəfat tarixi | |
Vəfat yeri | Azərbaycan |
Dəfn yeri | |
Vətəndaşlığı | Azərbaycan |
Təltifləri |
Həyatı
Elşən Məmmədov 1992-ci ildə Gürcüstan Respublikasının Bolnisi rayonunun Zol-Güvəc kəndində anadan olub. Elşən Məmmədov 2010-cu ildə 640 balla Azərbaycan Dövlət İqtisad Universitetinin (UNEC) "Kommersiya" fakültəsinə daxil olub.
Hərbi xidməti
Əsgər Elşən Məmmədov 2015-ci ildə, sentyabrın 25-də Azərbaycan-Ermənistan təmas xəttində ermənilərin atəşkəs rejimini pozması nəticəsində şəhid oldu. Sentyabrın 28-i isə Elşən Məmmədov doğulduğu Bolnisi rayonunun Zol-Güvəc kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və əsgər Məmmədov torpağa tapşırıldı.
Elşən Məmmədov ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.