Deysi Kori

Deysi Kori (isp. Deysi Cori Tello; doğ. 2 iyul 1993) — perulu şahmatçı, qadınlar arasında beynəlxalq qrossmeyster (2010). Qadınlar arasında beynəlxalq qrossmeyster titulunu qazanan ilk Peru şahmatçısı.

Deysi Kori
isp. Deysi Cori Tello
Ölkə	Peru
Doğum tarixi	2 iyul 1993 (28 yaş)
Doğum yeri	Lima, Peru
Titulu	qadınlar arasında beynəlxalq qrossmeyster (2010)
Son reytinqi	2428 (may 2017)
Maksimal reytinqi	2444 (fevral 2015)
FİDE nömrəsi	3801934
Vikianbarda əlaqəli mediafayllar

Şahmat karyerası

Deysi Kori dəfələrlə müxtəlif yaş kateqoriyalarında Perunu gənclər arasında şahmat üzrə dünya çempionatlarında təmsil etmişdir. Bu yarışlarda dörd medal qazanıb: iki qızıl (2009-cu ildə U16, 2011-ci ildə isə U20 kateqoriyasında) və iki gümüş (2009-cu ildə U20, 2010-cu ildə isə U18 kateqoriyasında). Beş dəfə müxtəlif yaş kateqoriyalarında gənclər arasında keçirilən şahmat üzrə Panamerika çempionatlarında qalib olub (2003 — U10, 2004 — U12, 2007 — U14, 2008 — U16, 2008 — U20).

2009-cu ildə Kolumbiyanın Kali şəhərində keçirilmiş şahmat üzrə qadınlar arasında 5-ci şəxsi Amerika çempionatında ikinci olub. 2011-ci ildə Ekvadorun Quayakil şəhərində keçirilmiş şahmat üzrə qadınlar arasında 6-cı və 2016-cı ildə Perunun paytaxtı Lima şəhərində keçirilmiş şahmat üzrə qadınlar arasında 8-ci şəxsi Amerika çempionatlarında isə birinci olub.

Deysi Kori dörd dəfə şahmat üzrə qadınlar arasında keçirilən dünya çempionatlarında iştirak edib:

• 2010-cu ildə Antakyada ilk turda ukraynalı Mariya Muzıçuka uduzub;
• 2012-ci ildə Xantı-Mansidə ilk turda rusiyalı Anna Uşeninaya uduzub;
• 2015-ci ildə Soçidə ilk turda çinli Ley Tintszeyə uduzub;
• 2017-ci ildə Tehranda ilk turda rusiyalı Alina Kaşlinskaya uduzub;

2015-ci ildə Azərbaycanın paytaxdı Bakı şəhərində keçirilmiş şahmat üzrə Dünya Kubokunda iştirak etmiş, lakin elə ilk turdaca rusiyalı Vladimir Kramnikə məğlub olaraq turnirdəki iştirakını dayandırmışdır.

Perunun qadınlardan ibarət milli komandasının tərkibində beş dəfə Ümumdünya Şahmat Olimpiadalarında çıxış etmişdir (2004, 2010—2016).

Şəxsi həyatı

Deysi Korinin kiçik qardaşı Xorxe (doğ. 1995) kişilər arasında beynəlxalq qrossmeysterdir.

İstinadlar

1. "World Youth Championship 2009 in Antalya". chessbase.com. İstifadə tarixi: 23 May 2017.
2. "Ramco 29th World Girls U-20 Chess Championship 2011". chess-results.com. İstifadə tarixi: 23 May 2017.
3. "World Junior Chess Championships 2009". chessbase.com. İstifadə tarixi: 23 May 2017.
4. "World Youth Chess Championships 2010 Girls Under 18". chess-results.com. İstifadə tarixi: 23 May 2017.
5. "Brasilbase: Panamericanos". brasilbase.pro.br. İstifadə tarixi: 23 May 2017.
6. "Deysi Cori, subcampeona continental de ajedrez". peruajedrez.blogspot.com. İstifadə tarixi: 23 May 2017.
7. "5° Campeonato Continental Feminino 2009". brasilbase.pro.br. İstifadə tarixi: 23 May 2017.
8. "6° Campeonato Continental Feminino 2011". brasilbase.pro.br. İstifadə tarixi: 23 May 2017.
9. "8° Campeonato Continental Feminino 2016". brasilbase.pro.br. İstifadə tarixi: 23 May 2017.
10. "2010 FIDE Knockout Matches". mark-weeks.com. İstifadə tarixi: 23 May 2017.
11. "2012 FIDE Knockout Matches". mark-weeks.com. İstifadə tarixi: 23 May 2017.
12. "2015 FIDE Knockout Matches". mark-weeks.com. İstifadə tarixi: 23 May 2017.
13. "2017 FIDE Knockout Matches". mark-weeks.com. İstifadə tarixi: 23 May 2017.
14. . bakuworldcup2015.com. 12 October 2015 tarixində orijinalından arxivləşdirilib. İstifadə tarixi: 23 May 2017.
15. "Cori Tello, Deysi Estela WOMEN'S CHESS OLYMPIADS". olimpbase.org. İstifadə tarixi: 23 May 2017.
16. . peruthisweek.com. 28 March 2017 tarixində orijinalından arxivləşdirilib. İstifadə tarixi: 23 May 2017.

Xarici keçidlər

 

   

Vikianbarda Deysi Kori ilə əlaqəli mediafayllar var.

• FIDE Chess profili
• Deysi Kori. Chess-DB.com 2016-08-26 at the Wayback Machine  (ing.)
• Deysi Kori. Chessgames.com  (ing.)
• Deysi Kori. 365Chess.com  (ing.)