Cümşüd Nuriyev
Nuriyev Cümşüd Qurban oğlu (d. 16 sentyabr 1955, Daşdəmirbəyli, Ağsu, Azərbaycan SSR) — 1990-1995-ci illərdə Bakı şəhərinin Oktyabr rayonunun 62 nömrəli Oktyabr seçki dairəsindən Azərbaycan Respublikası Ali Sovetinin deputatı, Azərbaycan Respublikası Ali Sovetinin Milli Şurasının 50 üzvündən biri, Qarabağa Xalq Yardımı Komitəsi sədrinin birinci müavini. Dağlıq Qarabağda, o cümlədən Xocalıda soyqırımı hadisələrinin təfsilatını aydınlaşdırmaq üçün yaradılan deputat istintaq komissiyasının 15 üzvündən biri.
Cümşüd Nuriyev | |
---|---|
Nuriyev Cümşüd Qurban | |
Şəxsi məlumatlar | |
Təhsili | Bakı Dövlət Universitetinin "Geoloji coğrafiya" və Təfəkkür Universitetinin Hüqüq fakültələri |
İxtisası | Hüquqşünas |
Fəaliyyəti | Azərbaycan Respublikası Ali Sovetinin deputatı |
Doğum tarixi | |
Doğum yeri | Daşdəmirbəyli, Ağsu rayonu, Azərbaycan SSR |
Elmi fəaliyyəti | |
Elm sahəsi | Hüquq |
Elmi dərəcəsi | Professor |
İş yeri | Təfəkkür Universiteti |
Tanınır | Siyasi elmlər doktoru,Təfəkkür Universitetinin professorudur. |
Azərbaycan Respublikası Gömrük Komitəsi sədrinin birinci müavini (1992), Milli Məclisin Büdcəyə nəzarət daimi komissiyasının sədri (1992), Kənd təsərrüfatı və ərzaq nazirinin müavini (1993-1995).
Həyatı
Ailəsi
Ailəlidir. İki ovladı, üç nəvəsi var.
Təhsili
Bakı Dövlət Universitetinin "Geoloji coğrafiya" və Təfəkkür Universitetinin Hüqüq fakültələrini fərqlənmə diplomları ilə bitirmişdir.
1983-cü ildə Kənd təsərrüfatı elmləri üzrə namizədlik, 2010-cu illdə isə Azərbaycan Respublikasının Prezidenti yanında Dövlət İdarəçilik Akademiyasında Siyasi elmlər üzrə doktorluq dissertasiyalarını müdafiə etmişdir. Siyasi elmlər doktoru, professordur.
Karyerası
Elmi fəaliyyəti
2005-2012-ci illər ərzində 3 monoqrafiyanın ("Heydər Əliyev və Azərbaycanın Aqrar kursu", "Siyasi sabitlik və aqrar islahatlar", "Azərbaycan Respublikasında aqrar islahatların siyasi, hüquqi və elmi əsasları"), ali məktəb tələbələri üçün 6 dərsliyin ("Beynəlxalq iqtisadi münasibətlərin hüquqi tənzimlənməsi", "Gömrük ekspertizası", "Gömrük hüququ", "Ekologiya hüququ", "Gömrük rəsmiləşdirilməsi", "Gömrük işinin təşkili və idarə edilməsi"), 7 dərs vəsaitinin ("Gömrük statistikası", "Ekoloji siyasət" (rus dilində), "İqtisadiyyat və hüquq", "Azərbaycanın Gömrük tarixi", "Gömrük etikası", "Torpaq hüququ", "Saxtalaşdırılmış tarixin sirləri (rus dilində)"), ali məktəblər üçün hazırlanan 6 tədris-metodik vəsaitin müəlliflərindəndir. Həmçinin, bu illər ərzində Azərbaycan, Türkiyə, Gürcüstan və Rusiyanın elmi jurnallarında 40 məqaləsi çap olunmuş, Azərbaycan, Rusiya və Türkiyədə keçirilən beynəlxalq elmi konfranslarda çıxışları olmuşdur.
İctimai-siyasi fəaliyyəti
Parlamentdə
1990-1995
26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir.1992-ci ilin May ayında yaradılan Milli Məclisin "Büdcəyə nəzarət" komissiyasının sədri seçilmişdir. İstiqlalçı deputatdır.
İstinadlar
Bu məqalədəki istinadlar müvafiq istinad şablonları ilə göstərilməlidir. |
- "Azərbaycan Respublikası Ali Soveti Milli Şurasının təşkil edilməsi haqqında" Azərbaycan Respublikası Ali Sovetinin 26 noyabr 1991-ci il tarixli, 276-XP nömrəli Qərarı. e-qanun.az[ölü keçid] (azərb.)
Xarici keçidlər
- Cümşüd Nuriyev Qarabağda döyüşən qadınları təhqir etdi: “Ərindən boşanmış, küçədə qalanlar” - VİDEO
- Cümşüd Nuriyev xanımlardan üzr istədi: "Belə deməli deyildim" - VİDEO