Ceyms Eykester

Ceyms Vilyam Eykaster (ing. James William Acaster) — İngilis komediyaçısı.

Ceyms Eykaster
James Acaster
Doğum tarixi	9 yanvar, 1985
Doğum yeri	Ketterinq^[d], Birləşmiş Krallıq
Vətəndaşlığı	Böyük Britaniya
Fəaliyyəti	komediyaçı, televiziya aktyoru, ssenarist, yazıçı
jamesacaster.com
Vikianbarda əlaqəli mediafayllar

Həyatı

Ceyms Eykaster 9 yanvar 1985-ci ildə İngiltərənin şəhərində dünyaya gəlib. Ketterinqdə məktəbi bitirdikdən sonra Northemptonda kollecdə musiqi təhsili alıb. Bundan sonra Northemptonda bir sıra qruplarda barabançı kimi çıxış edən Ceyms daha sonra komediya ilə məşğul olmaq üçün musiqi karyerasına fasilə verir. 2009-cu ildə ilk dəfə Edinburqda bir sıra komediyaçılarla bir yerdə səhnəyə çıxan Ceyms Eykaster daha sonradan bir neçə dəfə daha səhnəyə çıxır və əsasən televiziya şoularında iştirak edərək tanınmağa başlayır. Davamlı çıxış etdiyi "Mock the Week", "Taskmaster", "8 out of 10 Cats", və "Would I Lie to You?" kimi televiziya verilişlərindən sonra özünə müəyyən kütlə toplamağı bacaran Ceyms Eykaster, həm də bir sıra şəhərlərdə etdiyi stendap şouları ilə də uğur qazanmağı bacarır. 2018-ci ildə 4 hissədən ibarət olan stendap şouları "James Acaster: Repertoire" adı ilə Netflix-də yayımlanır. Hal-hazırda öz çıxışlarına davam edən Ceyms Eykaster eyni zamanda "Hypothetical" adlı şounun aparıcılığını edir.

İstinadlar

1. Turtle Canyon Comedy. "Sweet Home Ketteringa - Episode 4 - Kettering Buccleuch Academy". 12 yanvar 2015. 2021-12-21 tarixində arxivləşdirilib. İstifadə tarixi: 2020-11-27 – YouTube vasitəsilə.
2. "Acaster, Helm and Widdicombe – Live at the Voodoo Bar". list.co.uk. 2021-12-21 tarixində arxivləşdirilib. İstifadə tarixi: 2020-11-27.
3. "James Acaster: Repertoire". 2022-06-01 tarixində arxivləşdirilib. İstifadə tarixi: 2020-11-27 – www.imdb.com vasitəsilə.