Bakı Karate-do Akademiyası
Bakı Karate-do Akademiyası | |
---|---|
yap. 空手道 | |
Döyüş sənətinin tam adı: | Bakı Karate-do Akademiyası |
Ölkə: | Azərbaycan |
Banisi: | Vüsal Abdullazadə |
Yaranma yeri: | Bakı, Azərbaycan |
Məktəbin rəhbəri: | Vüsal Abdullazadə |
Dərəcələr
Karatedə dərəcəni kəmərlər təmsil edir.Bunlar ağ, sarı, narıncı, qırmızı, yaşıl, göy, qəhvəyi və qaradır.Dərəcələr ''Kyu" adlanır.Qara kəmərdə isə alınan dərəcələr dan adlanır. 1-ci dan,2-ci dan və s. 10 kyu və 10 dan dərəcəsi vardır.
Karate, tam adı karate-do (Yaponca: kara - "boş", te - "əl", do - "yol", yəni "boş əlli yol") - yapon əlbəyaxa döyüş sənəti. 1929-cu ildə Funakosi Gitin tərəfindən dzen buddizmin təsiri altında yaradılmışdır.
Karatenin vətəni Yaponiyanın Okinava adasıdır. XX əsrin əvvəllərində adanın ağır iqtisadi vəziyyəti okinavalıların digər yapon adalarına köçməsinə gətirib çıxarmış, onlar isə öz növbəsində bu idmanın bütün Yaponiyaya yayılmasına yol açmışlar.
Karate hazırda olimpiya oyunları siyahısında olan idman növlərindən biridir. Karatenin bir çox növü mövcuddur.Bunlardan biri Goju-ryu;Shotokahan və s.
BAKI KARATE-DO AKADEMİYASI
KARATE - DO HAQQINDA ÜMUMİ MƏLUMAT
Karate - Do yapon mənşəli termin olub, kara – boş, te - əl, do - yol deməkdir. Karatenin digər mənası “pis əməllərdən uzaq olan əl” deməkdir. Karate bir tərəfdən hörmət və məhəbbət, digər tərəfdən ədalət və sakitlik aşılayır. Karatenin əqidəsi “ilk hücum edən sən olma” şərəf kodeksidir. Karate Do - özünü və digərlərini məcburi müdafiə vəziyyəti olmadan istifadə edilməsini qadağan edən döyüş sənətidir. Karate Do bir çoxlarının bədənini, ruhunu möhkəmləndirərək yeni bacarıqların və imkanların sərhədlərini genişləndirərək getdikləri həyat yoludur. Karate ilə məşğul olmaq insana yalnız zərbə vurmaq texnikası, müdafiə vəziyyətləri, döyüş strategiyasını deyil, eləcə də bəşəriyyətdəki qarşılıqlı əlaqəni duyaraq təbiətlə ahəngə cəhd etməsini öyrədir.
Karatenin fəlsəfəsindən danışarkən qeyd etməliyik ki, onun əsasında “zor tətbiq etməmək” ideyası durur. Bu barədə Xoşu İkeda “Siz karateni ziyan vurmaq vasitəsi kimi təlim edə bilməzsiniz, bu təbiətin harmoniyasını pozur, lakin siz karateni sizə və ya başqalarına zərər verənləri dayandırmaq imkanı verən vasitə kimi öyrədə bilərsiniz. Beləliklə siz təbiətin ahəngini bərpa etmiş olursunuz”.
Müasir dövrümüzdə karate haqqında eşitməyən və özünəməxsus təsəvvürü olmayan insan çətin tapılar. Müasir karate şərti olaraq 3 istiqamətdə inkişaf edir: 1) Kütləvi idman karatesi – fiziki tərbiyə sistemini təqdim edir ki, bu da xüsusi idman keyfiyyətlərinin qorunmasına və inkişafına, hərəki fəallığına xidmət edir.
2) İdman karatesi – idman hərəkatının bir hissəsi sayılır. İdman döyüşündə məqsəd mümkün qədər zədələri azaltmaq və döyüşü baxımlı etməkdir.
3) Döyüş sənəti - əlbəyaxa döyüş növlərindən hesab olunur. Əgər insan karate ilə məşğul olursa, onun öyrəndikləri cəmiyyət üçün faydalı olmalıdır.
Karate fəndləri - əl-ayağını əyləncə üçün atmaq deyil. Döyüşdə karate fəndlərini istifadə etmək, yalnız baza texnikasına əsaslı şəkildə yiyələndikdən sonra mümkündür. Cəldliyə və texnikaya gedən yol, ürəkdən başlayır.
İnsanın bütün hərəkətləri onun daxilinin, ruhunun əksidir.
Karatedə 3 həqiqət qəbul olunmuşdur:
1) Qayda-qanun, nizam-intizam – onsuz heç bir uğura və inkişafa nail olmaq olmaz. Məşq prosesi ciddi təşkil olunmalıdır. 2) Diqqət - məşqçinin göstərişlərinə diqqət etmək, təcrübəli və irəliləmiş tələbələrin yüksək keyfiyyətlərinə nəzər yetirmək, döyüş zamanı diqqətli olub zədələrdən qaçmaq. 3) Özünütəhlil – hər məşqi təhlil edərək karate məşqini həyat tərzinə çevirmək.
“Karate təzimlə başlayıb, təzimlə bitir” kimi deyim məşhurdur. Karate qanunları tələbələrdə şəfqət və hörmət tərbiyə edir. Karatedə davranışı müəyyən edən cəhətlər: sədaqət, nəzakət, cəsarət, düzgünlük və sadəlikdir. Karate-do, karate qaydaları, bütün idman növlərinin içərisində yeganə idman qaydasıdır ki, yarışlarda döyüş bittikdən sonra qalib müəyyən edilir və əgər qalib olan idmançı öz sevincini hansısa jestlə ifadə edərsə, hakimlər tərəfindən məğlub hesab edilib, qalib onun rəqibi elan olunur.
Hazırladı: Vüsal Abdullazadə
Xarici keçidlər
- Bakı Karate-do Akademiyası fərqlənənləri mükafatlandırdı
Bakı Karate-do Akademiyasının rəsmi saytı: http://karate-academy.az