Azimut ərəb السمت əs simt mənası istiqamət deməkdir şimala olan istiqamətlə verilən istiqamət arasında qalan və saat əqr

Azimut (ərəb. السمت‎ əs-simt) — mənası "istiqamət" deməkdir. Şimala olan istiqamətlə verilən istiqamət arasında qalan və saat əqrəbinin hərəkəti üzrə ölçülən bucaqlara azimut deyilir. Azimutun dərəcə qiyməti 0°-360° arasında dəyişir.

Azimutu kompasla, planda isə transportirlə ölçürlər. Planda cəhətləri təyin etmək üçün şimala olan istiqaməti bilmək lazımdır. Şimala olan istiqamət adətən planın kənarında ox vasitəsilə göstərilir. Ox verilmədikdə isə planın yuxarısı şimal, aşağısı cənub, sağı şərq, solu qərb hesab olunur.

Yerli əlamətlərə görə cəhətlərin təyini

Tutqun havada kompas olmadıqda cəhətlər aşağıdakı yerli əlamətlərə görə təyin edilir.

mamırlar və şibyələr əşyaların şimal tərəfində yaxşı inkişaf edir.
tək dayanan ağacın qol-budağı cənub tərəfdə qalın olur.
qarışqa yuvaları ağacların, kolların cənub tərəfində yerləşir və s.

Mənbə

“Təbiətşünaslığın əsasları” kursunun predmet və vəzifələri^{[ölü keçid]}

Həmçinin bax

Təbiət elmləri

Astronomiya ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[1] “Təbiətşünaslığın əsasları” kursunun predmet və vəzifələri^{[ölü keçid]}