Altay Mehdiyev

Altay Ramazan oğlu Mehdiyev - Azərbaycan Silahlı Qüvvələrinin general-mayoru, 2009-cu ildən 2013-cü ilə qədər Hərbi Hava Qüvvələri komandiri.

Altay Mehdiyev
Altay Ramazan oğlu Mehdiyev
Azərbaycan Hərbi Hava Qüvvələrinin komandanı
Prezident	İlham Əliyev
Əvvəlki	Rail Rzayev
Şəxsi məlumatlar
Doğum yeri	Lənkəran, Azərbaycan SSR
Vətəndaşlığı	Azərbaycan
İxtisası	Hərbçi
Fəaliyyəti	hərbi qulluqçu
Hərbi xidmət
Mənsubiyyəti	Azərbaycan Silahlı Qüvvələri
Qoşun növü	Azərbaycan Hərbi Hava Qüvvələri
Rütbəsi	General-mayor
Təltifləri	2013

Fəaliyyəti

Altay Mehdiyev əslən Lənkaran şəhərindəndir.

Azərbaycan Respublikası Prezidentinin 17 iyun 2002-ci il tarixli 720 nömrəli Sərəncamına əsasən ona general-mayor hərbi rütbəsi verilmişdir.

Azərbaycan Respublikası Prezidentinin 11 sentyabr 2002-ci il tarixli 1039 nömrəli Sərəncamı ilə "Azərbaycan Respublikası və Rusiya Federasiyası arasında «Qəbələ radiolokasiya stansiyasının (RLS «Daryal») statusu, istifadəsinin prinsipləri və şərtləri haqqında" Sazişin icrası və informasiya-analitik mərkəzində olan heyətlə bağlı məsələlərin tənzimlənməsi üçün Azərbaycan Respublikası tərəfindən səlahiyyətli nümayəndə general-mayor Altay Ramazan oğlu Mehdiyev təyin edilib.

2009-cu ilə qədər Altay Mehdiyev Azərbaycan Müdafiə Nazirliyinin 5-ci Ordu Korpusu komandirinin müavini – qərargah rəisi vəzifəsində çalışıb və Azərbaycan Respublikası Prezidentinin 22 iyun 2009-cu il tarixli 320 nömrəli Sərəncamı ilə həmin vəzifədən azad edilib.

11.02.2009-ci il tarixində Azərbaycan Hərbi Hava Qüvvələrinin komandiri Rail Rzayev qətlə yetirildikdən sonra, 12.05.2009-cu il tarixinə qədər onun yeri vakant qalıb və nəhayət Prezident Sərəncamına əsasən Altay Mehdiyev bu vəzifənin icrasına başlayıb.

Azərbaycan Respublikası Prezidentinin 16 iyul 2009-cu il tarixli 378 nömrəli Sərəncamı ilə "Azərbaycan Respublikası və Rusiya Federasiyası arasında «Qəbələ radiolokasiya stansiyasının (RLS «Daryal») statusu, istifadəsinin prinsipləri və şərtləri haqqında" Sazişin icrası və informasiya-analitik mərkəzində olan heyətlə bağlı məsələlərin tənzimlənməsi üçün Azərbaycan Respublikası tərəfindən səlahiyyətli nümayəndə general-mayor Altay Ramazan oğlu Mehdiyev təyin edilib.

O hərbi hava əməliyyatlarının yüksək peşıkarlıqla aparılması istiqaməti üzrə təlim keçib.

2006-ci ilin İyun Ayında "Vətən Uğrunda" medalı ilə təltif edilib.

Azərbaycan Respublikası Nazirlər Kabinetinin 15 noyabr 2012-ci il tarixli 305s nömrəli Sərəncamına əsasən Azərbaycan Respublikası Hərbi Hava Qüvvələrinin Komandanı - müdafiə nazirinin müavini vəzifəsini icra edən Altay Mehdiyev Qəbələ radiolokasiya stansiyasının (RLS “Daryal”) daşınar və daşınmaz əmlakının inventarlaşdırılması üzrə Azərbaycan-Rusiya Birgə Komissiyasının Azərbaycan tərəfindən sədri təyin edilib.

Azərbaycan Respublikası Nazirlər Kabinetinin 11 dekabr 2012-ci il tarixli 328s nömrəli Sərəncamı ilə o Qəbələ radiolokasiya stansiyasının (RLS “Daryal”) bağlanılması ilə əlaqədar tədbirlərin həyata keçirilməsi üzrə Komissiyanın üzvü təyin olunub.

O, 18.11.2013-cü il tarixində HHQ komandiri vəzifəsinin icrasından azad edilib və Milli Müdafiə Universitetinin Hərbi Kollecinə rektor təyin edilib.

Tərtilfləri

Altay Mehdiyev Azərbaycan Respublikası Prezidentinin 24 iyun 2003-cü il tarixli 887 nömrəli Fərmanı ilə "Azərbaycan Bayrağı" ordeni ilə, 25 iyun 2013-cü il tarixli 2974 nömrəli Sərəncamı ilə isə “Hərbi xidmətlərə görə” medalı ilə təltif edilmişdir.

İstinadlar

1. [General Major Altay Mehdiyev was appointed the Commander of Azerbaijani Air and Air Defense Force]. 2011-10-08 tarixində orijinalından arxivləşdirilib. İstifadə tarixi: 2010-12-07.
2. "Yeni nazir bir neçə nəfəri də işdən qovdu - (Yenilənib 10:29)". virtualaz.org. 2018-11-03 tarixində . İstifadə tarixi: 2020-11-26.
3. Crocusoft. "E-QANUN". e-qanun.az (ingilis). 2024-04-09 tarixində . İstifadə tarixi: 2024-04-09.
4. Crocusoft. "E-QANUN". e-qanun.az (ingilis). 2024-04-09 tarixində . İstifadə tarixi: 2024-04-09.
5. (PDF). 2011-07-20 tarixində orijinalından (PDF) arxivləşdirilib. İstifadə tarixi: 2010-12-07.
6. Crocusoft. "E-QANUN". e-qanun.az (ingilis). 2024-04-09 tarixində . İstifadə tarixi: 2024-04-09.
7. Crocusoft. "E-QANUN". e-qanun.az (ingilis). 2024-04-09 tarixində . İstifadə tarixi: 2024-04-09.
8. "ALTAY MEHDİYEV HƏRBİ HAVA QÜVVƏLƏRİ və HAVA HÜCUMUNDAN MÜDAFİƏ QOŞUNLARININ KOMANDAN ƏVƏZİ TƏYİN OLUNUB" [Altay Mehdiyev was appointed acting Commander of Azerbaijani Air and Air Defense Force] (az.). 2012-08-05 tarixində orijinalından arxivləşdirilib. İstifadə tarixi: 2010-12-07.
9. [Decree of President of Azerbaijan Republic on Awarding Servicemen of the Azerbaijani Armed Forces]. 2011-10-09 tarixində orijinalından arxivləşdirilib. İstifadə tarixi: 2011-01-06.
10. Crocusoft. "E-QANUN". e-qanun.az (ingilis). 2024-04-09 tarixində . İstifadə tarixi: 2024-04-09.
11. Crocusoft. "E-QANUN". e-qanun.az (ingilis). 2024-04-09 tarixində . İstifadə tarixi: 2024-04-09.
12. "Алтай Мехтиев получил новую должность". Oxu.Az (rus). 2013-11-18. 2013-11-21 tarixində . İstifadə tarixi: 2020-11-26.
13. Crocusoft. "E-QANUN". e-qanun.az (ingilis). 2011-10-09 tarixində . İstifadə tarixi: 2024-04-09.
14. Crocusoft. "E-QANUN". e-qanun.az (ingilis). 2022-10-20 tarixində . İstifadə tarixi: 2024-04-09.