Aleksey Saprıkin
Aleksey Saprıki (tam adı: Aleksey Saprıki ; d. 11 may 1955, Bakı – 8 oktyabr 2019, Bakı) — Rus Dram Teatrının aktyoru. Qarabağ qazisi.
| Aleksey Saprıkin | |
|---|---|
| Digər adları | Aleksey Şaprıqin Aleksey Şaprikin Aleksey Şaprıkin Aleksey Şoprıgin Aleksey Şaprıgin |
| Doğum tarixi | |
| Doğum yeri | Bakı, Azərbaycan SSR, SSRİ |
| Vəfat tarixi | (64 yaşında) |
| Vəfat yeri | Bakı, Azərbaycan |
| Vəfat səbəbi | şəkər xəstəliyi |
| Vətəndaşlığı | SSRİ→ Azərbaycan |
| Fəaliyyəti | aktyor |
Həyatı və fəaliyyəti
Aleksey Saprıkin 1955-ci ildə Bakıda anadan olub. 134 saylı məktəbi bitirib. 1991-ci ildən Bakı Kamera Teatrında, 2002-2008-ci illərdə - Azərbaycan Dövlət Gənc Tamaşaçılar Teatrında aktyor kimi çalışıb.
1992-ci ildə Aleksey Saprıkin könüllü olaraq cəbhəyə yollanmış, operativ kəşfiyyat bölümündə baş leytenant hərbi dərəcəsi almış, 1996-cı ildə ehtiyata buraxılmış, 1997-2000-ci illərdə isə Azərbaycan Dövlət Texniki Universitetinin "Hərbi kafedrası"nda müəllim vəzifəsində çalışmışdır.
2008-ci ildən Səməd Vurğun adına Azərbaycan Dövlət Akademik Rus Dram Teatrının aktyoru idi.
Səməd Vurğun adına Dövlət Akademik Rus Dram Teatrının oynadığı son tamaşaları arasında "Sənətkarın taleyi", "Payız sonatası", "Və yağış yağır və içini tökür", "Meme", "Peterburq işçisi", "Qürur və qərəz" tamaşaları var.
Saprıkin həmçinin "Cavad xan", "Biz qayıdacağıq", "Qafqaz", "Cavidin həyatı", "Qraf Krestovski " və digər filmlərdə rol alıb.
Vəfatı
Şəkər xəstəliyindən əziyyət çəkən aktyor 2019-cu il 8 oktyabr tarixində Bakıda vəfat edib.
Filmoqrafiya
- Küçələrə su səpmişəm (film, 2004)
- Ərazi (film, 2005)
- Yoxlama (film, 2006)
- Biz qayıdacağıq (film, 2007)
- Cavid ömrü (film, 2007)
- Müəmmalı yubiley (film, 2007)
- Cavad xan (film, 2009)
- Sahə (film, 2010)
- . 2019-10-08 tarixində orijinalından arxivləşdirilib. İstifadə tarixi: 2019-10-05.
- "Rus Dram Teatrında "Payız sonatası" tamaşasının premyerası olacaq". 8 Oct 2019 tarixində . İstifadə tarixi: 2019-10-05.