Alar
Alar — Azərbaycan Respublikasının Cəlilabad rayonunun inzibati ərazi vahidində kənd. Alılar Cəlilabad rayonunun eyni-adlı inzibati ərazi vahidində kənd. İncəçayın hər iki sahilində, düzənlikdədir. Etnooykonimdir. 2001-ci ildən rəsmi olaraq Alar adlandırılmışdır. Kənd Alar çayının (Viləş çayının qolu) sahilində, məşhur "Qız qalası" yaxınlığındadır. Alar ərazisidə qədim və orta əsrlərə aid çox zəngin arxeoloji nümunələr aşkar edilmişdir. Alar kəndində daş qutu qəbirlərə dair maddi-mədəniyyət nümunələri tapılmışdır. Çox təəssüf ki, həmin qiymətli mədəniyyət nümunələri təsərrüfat işləri görülərkən yerli sakinlər tərəfindən əhəmiyyət verilmədən dağıdılmışdır.
Alar | |
---|---|
39°18′55″ şm. e. 48°31′59″ ş. u. | |
Ölkə | Azərbaycan |
Rayon | Cəlilabad rayonu |
Tarixi və coğrafiyası | |
Saat qurşağı | |
Əhalisi | |
Əhalisi | 7146 (2009) nəfər |
Rəqəmsal identifikatorlar | |
Poçt indeksi | AZ 1512 |
Tarixi
Mənbələr Alar ərazisində qədim şəhər mədəniyyətinin olduğunu təsdiq edir. Alar tarixdə həm də Alar üsyanı ilə tanınır. Xalq XIX əsrin ortalarında alarlar canşalı (cahanşahlı) tayfa birliyinə daxil idilər. Q.Qeybullayev arxiv materiallarına istinad edərək göstərir ki, Canşalı tayfası (cahanşahlu) allar adlanırdı və Lənkəran bölgəsində yaşayırdı. XIX əsrin ortalarında bu tayfa birliyi 102 ailə olmaqla Alar, Hüseynxanlu, Təpəbaşi, Fətullahli, Vəliməmmədli, Cahanşahlı (yaxud Ağalıkənd-Kərim) və Köüzbulaqdan ibarət idi. Göründüyü kimi, faktlar oykonimin Alı adlı şəxslə bağlılığını inkar edir. Həmin ərazidə Alar yaşayış məntəqəsi Alı xana qədər də mövcud olmuşdur.
Mədəniyyəti
Alar kəndi uzunmüddətli tarixi mədəniyyətə malikdir, yarandiği əsirdən dövrümüzə qədər kənd, öz sayılıb-seçilən mədəniyyətini nəsillərdən-nəsillərə ötürmüşdür. Kəndin sakinləri həmişə öz ayıq-sayıqlığı ilə, qonaqpərvərliyi ilə, iradəliliyi ilə, mərdliyi ilə və.s hünərliliyi ilə ön sıralarda öz yerini tutmuşdur. İnsanlar tarix boyunca kəndin adət-ənənələrini qoruyub saxlayıb və gələcək nəsilə yönləndirmişlər. Hal-hazırda da, burada yaşan insanlar ulu Azərbaycanın tarixində olan xüsusi günləri yüksək səviyydə və təntənəli sürətdə qeyd edirlər. Burada ağsaqqallara, ağbirçəklərə, qadınlara, uşaqlara olan hörmət və ehtiram, nizam-intizam her zaman gözlənilir. İnsanlarin bir-birlərinə olan səmimiliyi, mehribançılığı hədsizdir. Kənd camaatı hər zaman xeyir və şərlərində bir-birinin yanında olar bir-birlərinin sevinclərini dərdlərini birlikdə bölərlər. Bayramlarda bir-birinin evlərinə gedərlər, öz bayram süfrəlindəki ləziz nemətlərdən bir-birlərinə bayram payi apararlar. Kənd sakinləri öz islami dəyərləri ilə də xüsusi diqqətdədir, burada müqəddəs aylarında adət-ənənələrinə riayət olunur. Kənd Ələt-Astara şossesinin üzərində, Cəlilabad rayonunun ərazisində yerləşir. Kəndə 3 orta təhsil məktəbi, 3 böyük məscid, 1 kənd polikilinika, 1 poçt, xeyli sayda ticarət obyektləri vardır. Kənddə elm və təhsildə yüksək inkişaf etmişdir. Hər il kendin orta məktəbini bitirən şagirdlər Respublikamızın nüfuzlu universitetlərinə qəbul olurlar. Həmçinin kəndin təsərrüfat sahəsində də tərəqqi ildən ilə artır. Kəndin böyük əkin sahələrindəki kartof plantasiyaları, taxıl zəmiləri, üzüm bağları bura gələn qonaqların diqqətini xüsusilə cəlb edir.[Mənbə göstərin]
Əhalisi
2009-cu ilin siyahıyaalınmasına əsasən kənddə 7146 nəfər əhali yaşayır.
İqtisadiyyatı
Əhalinin əsas məşğuliyyəti kənd təsərrüfatı-əkinçilik, maldarlıq və heyvandarlıq təşkil edir.
Yol
31 iyul 2014-cü il tarixində Azərbaycan Respublikasının Prezidenti Cəlilabad rayonunun Alar-Təzəkənd-Üçtəpə-Əliqasımlı-Cəfərxanlı avtomobil yolunun tikintisinin davam etdirilməsi məqsədi ilə Sərəncam imzalamışdır. Həmin Sərəncama əsasən, Azərbaycan Respublikasının 2014-cü il dövlət büdcəsinin dövlət əsaslı vəsait qoyuluşu xərclərinin bölgüsündə kəndlərarası avtomobil yollarının tikintisi və yenidən qurulması üçün nəzərdə tutulmuş vəsaitin 7 milyon manatı Cəlilabad Rayon İcra Hakimiyyətinə ayrılmışdır.
Həmçinin bax
Xarici keçidlər
- Azərbaycan Respublikası Cəlilabad Rayon İcra Hakimiyyəti
İstinadlar
- "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
- ATEL, I c.s.32
- "Spiski naselennıx mest Rossiyskoy imperii. Bakinskaya quberniya", səh.41
- Toponimiya Azerbaydjana, səh.75
- Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
- Cəlilabad rayonunun Alar-Təzəkənd-Üçtəpə-Əliqasımlı-Cəfərxanlı avtomobil yolunun tikintisi ilə bağlı əlavə tədbirlər haqqında Azərbaycan Respublikası Prezidentinin 31 iyul 2014-cü il tarixli Sərəncamı president.az
Cəlilabad rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |