Ağciyər kötüyü lat Truncus pulmonalis Arteria pulmonalis BNA ürəyin sağ mədəciyinin arterial konusundan başlayaraq qalxa

Ağciyər kötüyü (lat. Truncus pulmonalis , Arteria pulmonalis — BNA) ürəyin sağ mədəciyinin arterial konusundan başlayaraq, qalxan aorta kökünün qabaq səthilə sola və yuxarı doğru gedir, 4-cü və 5-ci döş fəqərəsi bərabərində aorta qövsünün altında iki uc şaxəyə: sağ və sol ağciyər arteriyalarına — arteriae pulmonales dextra et sinistra (rami dexter et sinister — BNA) ayrılır. Bunun diametri təxminən 3 sm və uzunluğu 4–5 sm-ə bərabərdir, başlanan ucunda aypara qapaqcıqlara müvafiq ciblər — sinus trunci pulmonalis vardır.

Ağciyər kötüyü Ağciyər arteriyası

Açıq ürəyin ön görnüşü, ağ oxlar qanın cərəyan istiqamətini göstərir. Ağ ciyər kötüyü yuxarıda, sağda yerləşmişdir.
Şəkil
Ağciyər arteriyasının döş qəfəsinin en kəsiyindən görünüşü
Şəkil2
Ağciyər arteriyasının alveolar şaxəsinin sxematik görünüşü
Latınca	Truncus pulmonalis Arteria pulmonalis
Qrey	subyekt 141 543
Təchizatı	sağ və sol ağciyərlərə venoz qanı daşıyır
Başlanır	Sağ mədəcik
Şaxələri	Sağ və sol ağciyər arteriyaları - arteriae pulmonales dextra et sinistra (rami dexter et sinister - BNA)
Vena	Ağciyər venaları
Embrional	Ağciyər kötüyü
MeSH	Pulmonary+Artery
Dorlands/Elsevier	Pulmonary artery
redaktə

Ağciyər arteriyası (latınca arteria pulmonalis) — kiçik qan dövranının böyük (uzunluğu 5 sm, diametri 3 sm-ə qədər) qoşa qan damarları. Sağ mədəcikdən ayrılan ağciyər kötüyünün (truncus pulmonalis) davamı. O, ürəyə daxil olan və ondan çıxan bütün damarlardan qabaqda və solda yerləşir və ağciyərlərə venoz qan daşıyır.

İstinadlar

Mənbələr

- Prof. Kamil Əbdülsalam oğlu Balakişiyevin, İnsanın Normal Anatomiyası, II cild, "MAARİF" Nəşriyyatı, Bakı — 1979
- Atlas of Human Cardiac Anatomy — Endoscopic views of beating hearts — Cardiac anatomy
- Р. Д. Синельников. Атлас анатомии человека (4 тома)
- Anatomy: Embryologie^{[ölü keçid]}