2017 Britaniya Bahar Film Festivalı (Bakı)

2017-ci il aprel ayının 28-də British Council Azərbaycan təşkilatı, Böyük Britaniyanın Azərbaycandakı səfirliyi və Nizami Kino Mərkəzi ilə birgə əməkdaşlıq çərçivəsində Bakıda üçüncü Britaniya Bahar Film Festivalının açılışı olmuşdur. Festivalı çərçivəsində aprelin 28-dən mayın 4-dək Nizami Kino Mərkəzində müasir Britaniya kinematoqrafiyasının uğur qazanmış yeni filmləri təqdim edilmişdir.

Festival ilə əlaqədar tərtib edilmiş poster.

British Council Bakıda ilk Britaniya Film Festivalını 2013-cü ildə təşkil etmişdir. Ötən ilki festivallardan fərqli olaraq bu dəfə qadınların çəkdiyi və qadınlar haqqında çəkilmiş 6 film nümayiş olunmuşdur. Həmçinin British Council Azərbaycan Böyük Britaniyanın Azərbaycandakı səfirliyi "Nərimanfilm" kino şirkəti ilə birgə 24-28 aprel tarixlərində Nizami Kino Mərkəzində azərbaycanlı ssenaristlər üçün beş günlük seminar təşkil edilmişdir. Təlim proqramında 20-dən çox ssenarist iştirak etmişdir. Təlimi “Yetkinlik həyatının bacarıqları” filminin ssenari müəllifi olan Pol Freyzer aparmışdır. Nizami Kino Mərkəzində üçüncü dəfə “British Film Spring” festivalı Reyçel Tunnardın “Yetkinlik həyatının bacarıqları” komediyası ilə baş tutmuşdur. Bu həmçinin onun debüt filmidir. Festival çərçivəsində ümumilikdə 6 film nümayiş olunmuşdur ki, bunlarında hamısı tamaşaçılara Azərbaycan dilində subtitrlərlə təqdim edilmişdir.

Festivalda təqdim olunmuş filmlərin siyahısı

Yetkinlik həyatının bacarıqları

 

Orijinal ad: Adult Life Skills.

• Rejissor: Reyçel Tannard.
• Ssenari müəllifi: Reyçel Tannard.
• Operator: Bet Rouriç.
• Prodüser: Maykl Berliner.
• Bəstəkar: Miça P.Hanson.
• Rollarda: Codi Uittaker , Ozzi Mayers , Brett Qoldşteyn , Alisa Lau , Lorreyn Eşburn , Edvard Hoqq , Reyçel Derinq , Eliyen Deyvis.
• Janr: Komediya
• Vaxt: 96 dəqiqə.

Mən, Daniel Bleyk

 

Orijinal ad: I, Daniel Blake.

• Rejissor: Ken Louç.
• Ssenari müəllifi: Pol Laverti.
• Operator: Robbi Rayn.
• Prodüser: Rebekka O'Brayn.
• Bəstəkar: Corc Fenton.
• Rollarda: Deyv Cons , Hayley Skuayrs , Daylen Mekkirnen, Briana Şen.
• Janr: Dram
• Vaxt: 100 dəqiqə.

Yan, yan, yan

 

Orijinal ad: Burn Burn Burn.

• Rejissor: Çanya Batton.
• Ssenari müəllifi: Çarli Kovel.
• Prodüser: Çanya Batton , Daniel-Konrad Kuper, Tim Filips
• Bəstəkar: Mark Kanhem , Kendi Seys.
• Rollarda: Lora Karmaykl , Kloe Pirri , Cek Fartinq , Co Dempsi , Elison Stedmen , Alisa Lou , Salli Fillips.
• Janr: Dram, Komediya
• Vaxt: 106 dəqiqə.

Möhtəşəm həyat

 

Orijinal ad: This beautiful fantastic.

• Rejissor: Simon Abod.
• Ssenari müəllifi: Simon Abod.
• Operator: Mayk Eley.
• Prodüser: Andrea Yervolino, Monika Barkadi, Kristina Alderson, Kami Nağdi.
• Rollarda: Cessika Braun Findley, Tom Vilkinson, Endrü Skott, Ceremi İrvin, Anna Çansellor, Şeyla Hankok.
• Janr: Komediya, Dram
• Vaxt: 100 dəqiqə.

Daşqın

 

Orijinal ad: The Levelling

• Rejissor: Houp Dikson Leç.
• Ssenari müəllifi: Houp Dikson Leç.
• Operator: Nanu Seqal.
• Prodüser: Kristofer Qreyner.
• Rollarda: Elli Kendrik.
• Janr: Dram
• Vaxt: 83 dəqiqə.

Etel və Ernest

 

Orijinal ad: Ethel and Ernest.

• Müəllif: Raymond Briqqs.
• Rejisor: Rocer Meynvud.
• Janr: Animasiya, Biyoqrafiya.
• Vaxt: 94 dəqiqə.