Əmirvar
Əmirvar — Azərbaycan Respublikasının Daşkəsən rayonunun Əmirvar kənd inzibati ərazi dairəsində kənd.
Əmirvar | |
---|---|
40°31′08″ şm. e. 45°55′41″ ş. u. | |
Ölkə | Azərbaycan |
Rayon | Daşkəsən rayonu |
Tarixi və coğrafiyası | |
Mərkəzin hündürlüyü | 1.426 m |
Saat qurşağı | UTC+4 |
Əhalisi | |
Əhalisi | 496 nəfər (2009) |
Rəsmi dili | Azərbaycan dili |
Rəqəmsal identifikatorlar | |
Telefon kodu | +994 22 21 |
Poçt indeksi | AZ1618 |
Nəqliyyat kodu | 16 |
Tarixi
Toponimikası
Oykonim "Əmir" (şəxsi ad) və "var" (yer) sözlərindən düzəlib, "Əmirin yeri" mənasındadır. Belə güman edilir ki, kəndin ərazisi əvvəllər Əmir adlı şəxsin köç yeri olmuş, sonralar isə daimi yaşayış məntəqəsinə çevrilmişdir.
Coğrafiyası və iqlimi
Kənd Qabaqtəpəçayın sahilində, dağətəyi ərazidə yerləşir.
Əhalisi
2009-cu ilin siyahıyaalınmasına əsasən kənddə 496 nəfər yaşayır. Onların 238 nəfəri kişi, 258 nəfəri isə qadındır.
İqtisadiyyatı
Əhalinin əsas məşğuliyyətini əkinçilik, maldarlıq və heyvandarlıq təşkil edir. Heyvanların cins tərkibinin yaxşılaşdırılması məqsədilə Əmirvar kəndində süni mayalanma məntəqəsi fəaliyyət göstərir.
Mədəniyyəti
Kənddə Əmirvar kənd kitabxana filialı, Əmirvar kənd Mədəniyyət Evi, Əmirvar kənd klubu fəaliyyət göstərir.
Təhsil
Kənddə Daşkəsən rayon Əmirvar kənd H.Qasımov adına tam orta məktəb fəaliyyət göstərir.
İstinadlar
- "Şəhərlərarası telefon kodları". mincom.gov.az (azərb.). İstifadə tarixi: 2021-01-15.
- Əmirvar // Azərbaycan toponimlərinin ensiklopedik lüğəti. I. Bakı: "Şərq-Qərb". 2007. səh. 259. ISBN 978-9952-34-155-3.
- Əmirvar // Azərbaycan əhalisinin siyahıyaalınması (2009). I. Bakı: Azərbaycan Respublikası Dövlət Statistika Komitəsi. 2010. səh. 87.
- Hamlet Qasımov. Daşkəsən yeni görkəmdə. Xalq qəzeti. 2009, 3 sentyabr, səh.10
- "Azərbaycan Respublikası Mədəniyyət və Turizm Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında Azərbaycan Respublikası Nazirlər Kabinetinin Qərarı
- Daşkəsən Rayon Təhsil Şöbəsi. Ümumtəhsil məktəbləri
Xarici keçidlər
- Azərbaycan Respublikası Daşkəsən Rayon İcra Hakimiyyətinin rəsmi saytı